1 Wakolinto 2:10 - I CILAGANE CIPYA 1991

¹⁰ Alu zizo zo nghani zo Mulungu zono yacigubulilila mu nzila yo Muhe wakwe. Hambi u Muhe mweneco nha yo kavisunjililaga ivinhu vyose, sunga zinghani zo wuhile wo Mulungu mugati muno muno zono sizijelaga.

Luganuzi Luswanu Kuli Wanhu Wose 2002

¹⁰ Alu zizo zo nghani zo Mulungu zono yacigubulilila mu nzila yo Muhe wakwe. Hambi u Muhe mweneco nha yo kavisunjililaga i vinhu vyose, sunga zinghani zo wuhile wo Mulungu mugati muno muno zono sizijelaga.

1 Wakolinto 2:10 ပူးပေါင်းရင်းမြစ်များ

Matayo 13:11

Nayo Yesu yakawapitula yakawatya, “Anye mwapegwa u wumanye wa zo Mulungu zono zihundicigwe, ninga wene awa si wapegwa yaye.

Matayo 16:17

Nayo Yesu yakamutya, “Wuli mulugutwe, agwe Simoni go mwana wa Yona, hambi nha si munhu mono yakugubuliye i mbeka yiyi, langa Baba mono yali ku wulanga.

Luka 10:21

Mu cipango cico Yesu yakamemywa Muhe Mono Yelile yakatya; “Nghukulumba, Gwe Baba, Mukala wulanga ne yinze, vyono kuzihundika zizi kuli we mahala no wizuce, ukawagubulile wadodo, heya Baba, vyo yakwendeza gwegwe.”

Luka 2:26

Nayo yagubulilwa no Muhe Mono Yelile nha vyono si kolofwa, lono yakali namuwona Kilisito wo Muwaha.

Yohana 14:26

Ninga u mutazi, Muhe Mono Yelile, mono Baba komutuma mwitagwa lyangu, ko mwijizenyi zose no kumukumbucizenyi zose zono nomulonjelenyi.

Yohana 16:13

Langa kolo yakuza, u Muhe we Mbeka, yo komutonjenyi mu mbeka yose, hambi nha si kolonga zo wulajilize wakwe, langa kolomulonjelenyi zose zono kolohulika, nayo kolonga zono zikuza.

1 Wakolinto 14:30

Ninga yunji lono yakali yali mu wulonje, hanyuma ho yejele yunji muli wono wakuhuliciza, nayo yawe yatuga u wugubulilwe kulawa kuli Mulugu, hodu ayulya mono yakulonga yanyamale.

1 Wakolinto 2:11

Hambi nani mono kosuma kuzimanya zono zili munhumbula ya munhu yunji, langa hono si nhumbula yakwe u munhu mweneco? Yo nhavivyo kanyhi vyono hasina mono kosuma kuzimanya i zo Mulungu, langa hono si u Muhe wo Mulungu du.

Wagalatiya 1:12

Hambi ane nha si nalubocela kulawa kuli wanhu, hamba si nejizwa na munhu, langa Yesu Kilisito mweneco yo yangubulila.

Waefeso 3:3

Ane namanyizwa zizi mu nzila yo wugubulilwe wo wuhile wakwe wono wali wuhundicigwe. Nizandice kwa cifupi, izinghani zizi,

Waefeso 3:5

Zono katali wanhu si wamanyizwa, ninga alu u Mulungu yakondya kuwamanyiza iwatumwa, ne wawizi wakwe wono welile ntu nzila yo Muhe.

1 Timoteyo 4:1

Ningo Muhe yakulonga ciwonelela vyono mu vilo vyono vikuza, iwanhu wanji wolowulecela lukulu u wihuwilo, nawo woloyihulicila i myuhe yo wukoci, no kwibata mafundo ge masetani.

1 Petelo 1:12

Nayo Mulungu yakawagubulila mu vilo vyono walongaga ze zinghani zizo, zono anye, alu mwakondya kuzihulika, kulawa kuli wawalya watumwa wono wakamuganulilenyi u Luganuzi Luswanu, lwe vilungo vyo Muhe Mono Yelile, mono yatumwa kuwulawa ku wulanga, vyono wuwo mulimo wawo, si wali so cambuzi cawo weneco, langa ku soko yenyu. Zizo zo nghani zono hamba wamalayika wali wende kuzimanya.

1 Yohana 2:20

Anye mwina u Muhe Mono Yelile mono mwajidilwa na Kilisito, holeka muyimanyile i mbeka.

1 Yohana 2:27

Ninga ku lubavu lwenyu anye, Kilisito nha yamupelenyi u Muhe wakwe. Holeka hono yajendelele kwikala muli nyenye, mowa musina wuhile wa yunji wo wose kanyhi ho yamwijizenyi. Vyono u Muhe wakwe yo yakumwijizenyi zose, ne mejizo gakwe go ge mbeka, hamba si ga wulambi. Holeka mugebataje i mejizo go Muhe yuyo no kwikala muli Kilisito.

Wugubule 1:1

I Citabu acino, co cina zinghani ze metumo gono gagubulwa na Yesu Kilisito. U Mulungu yamugubulila Kilisito u wugubule wu wuno, ho yawalajile i wetumami wakwe zinghani zono si zotinya kwijela. Kilisito yamutuma malayika wakwe yamumanyize Yohana u mwitumami wakwe, i zinghani zizino,

Wugubule 2:24

“Ninga anye mo wanji mono muli kuko ku Tuwatila, mono si mukugatyatye mafundo gakwe yuyo Yezebeli, na kanyhi mono si mweyijiza cico cono wakucicema wakutya, ‘Ze cinyele za Setani,’ nghumulonjelenyi vyono si nomutwicenyi mutegulo wunji.