1 Wakolinto 16:6 - I CILAGANE CIPYA 1991

⁶ Lunji nolokwikalakala kuko kwenyu hadodo, hamba lunji nosuma kwikalana nanye mwipango lyose lye cinyuli, ho musume kunhaza njendelele no muhinzo wangu ko kose kono nobita.

Luganuzi Luswanu Kuli Wanhu Wose 2002

⁶ Lunji nolokwikalakala kuko kwenyu hadodo, hamba lunji nosuma kwikalana nanye mwipango lyose lye cinyuli, ho musume kunhaza njendelele no muhinzo wangu ko kose kono nobita.

1 Wakolinto 16:6 ပူးပေါင်းရင်းမြစ်များ

Metumo ge Watumwa 15:3

Ilikanisa likawelaga, nawo lono wakolaga mu Foyinike na mu Samaliya, wawasimulizizaga wanhu nha vyono we makungugo ganji wamupituciye Mulungu. Ne nghani yiyi yikawasangalaza muno wezindugu wose.

Metumo ge Watumwa 17:15

Nawo we zindugu wono wamusindicizaga Pawulo, wakamufisa sunga ku Atene. Hanyuma wakawa kuwuya, hamonga ne malajilizo gono galawa kuli Pawulo, vyono wa Sila na Timoteyo wamutyatyaje mbela mbela.

Metumo ge Watumwa 20:38

I nghani yono yawakalaza muno, yali yo nghani yono Pawulo yatya, vyono, siwolomuwona kanyhi. Wakamusindiciza sunga wakamufisa ko ku ngalawa.

Metumo ge Watumwa 21:5

Ninga cali ceza kukwiza vilo vyetu vyo wikala baho, cikatuluka, cikajendelela no muhinzo wetu. Nawo wose, hamonga ne wagolece zawo, hamonga ne wana wawo, wakacisindiciza sunga kunze ye likaya. Caza kufika ha mwejelele we lilenga, cikafugama, cikalomba.

Metumo ge Watumwa 27:12

Na vyono ha bandali yiyo hali si hanhu haswanu, ku wikale mwipango lye cinyuli, wenji wakenda wajendelele no muhinzo, na hono yisumice wafice sunga ku Foyinike kono wali wasume kwikala mu cipango ce cinyuli. Foyinike yo bandali ya Kilete yono yidomile kutakama ye mwezi na kusumuka ye mwezi.

Metumo ge Watumwa 28:11

Yaza kupuluta myezi midatu, cikatulucila mu ngalawa ya Alekizandeliya, yono yekalaga mwizingwa mwidaha lyose lye cinyuli, yono yikucemwa “Milungu ye Matundu.”

Walumi 15:24

nitumbiye kunoza nha vivyo lulu. Nali nyende nimuwonenyi, lono nili mu muhinzo wo kubita ku Sipaniya, ho mumhele u wutazi wenyu so muhinzo wuwo, mwipango lyono nowa nakondya kusangalalana nanye.

1 Wakolinto 16:11

Holeka munhu wo wose yalece kumubedegala, langa mumutazaje ho yawe no mulamu mu wujendelela no muhinzo wakwe, ho yasume kuza kwangu kanyhi, hambi ane no mweneco, nha nimulanjiliye muno muno, hamonga ne wandugu zetu.

2 Wakolinto 1:16

Nahilaga ngholele kwenyu lono nghubita ku Makedoniya, na lono nghuwuya nha vivyo, ho nhuje u wutazi wenyu so muhinzo wangu wo kubita ku Wuyahudi.

Tito 3:12

Nilawa kuwa namutuma u kwako Alitema hamba Tukiko, wuhidimbale wuze kono Nikapoli wumbone, hambi nha nalamula vyono nowa kuko mwipango lye cinyuli.