1 Wakolinto 16:16 - I CILAGANE CIPYA 1991

¹⁶ muwegaje i wanhu wono wenha wawo mu wutonji wawo, kanyhi no wutonji wo munhu wo wose mono vikwitumana nawo.

Luganuzi Luswanu Kuli Wanhu Wose 2002

¹⁶ muwegaje i wanhu wono wenha wawo mu wutonji wawo, kanyhi no wutonji wo munhu wo wose mono vikwitumana nawo.

1 Wakolinto 16:16 ပူးပေါင်းရင်းမြစ်များ

Walumi 16:12

Munamusizaje wa Telufena na Telufosa, wono wakwituma muli Muwaha, no mwendece wangu Pelisi, mono yetuma u mulimo kusoko yo Muwaha.

Walumi 16:3

Muwalamusaje wa Pilisika na Akula iwetumami wayangu muli Kilisito Yesu.

Walumi 16:6

Munamusizaje na Malyamu mono yetuma u mulimo ko wuhidimbazi ku soko yenyu.

Walumi 16:9

Mulamu kuli Ulubano, u mwitumami muyangu mu witumami wa Kilisito, mulamu wangu kanyhi kuli wendece wangu Stakusi.

1 Wakolinto 12:28

Nayo u Mulungu yawika mwikanisa, walongozi, watumwa, we kejete, wawizi, we kadatu, wejizi, hanyuma yayo, yakawa kuwawika walya wono wena vipegwa vyo kunoza mapoto, kuponya, kutaza, walongola, na wono wakulonga nonga njenzi.

1 Wakolinto 3:9

Hambi ase wose nha cili ndugu monga, kanyhi ciliwetumami hamonga no Mulungu, na anye nanye, yo nyenye mono muli mugunda wakwe, kanyhi muli izengo lyo Mulungu.

Waefeso 5:21

Mweze kwiyihulika nyenye wose ku soko yo kumogopa Kilisito.

Wafilipi 4:3

Nagwe go mwitumami muyangu mwihuwilwa, nghukunena wuwatazaje wadala wawo, hambi nha wetuma wahidimbaye u mulimo wo kuluganula u Luganuzi Luswanu, hamonga nane na Kelementi, hamonga ne wetumami wayangu wanji wose, wono i matagwa gawo, gandicigwe mu citabu co wumi.

1 Watesalonike 1:3

Nase cikumukumbucilenyi hali Mulungu Baba, vyono mukulajila u wihuwilo wenyu mu witume, na vyono u wendo wenyu wo wukumupelenyi u witume wo wupiligazi, kanyhi na vyono u witumbilo wenyu wukamile muli u Muwaha wetu Yesu Kilisito.

1 Watesalonike 2:9

Nye wandugu zangu, mukumbuciye vyono cetuma u mulimo hamonga ne magaziko. Lono camuletelenyi u Luganuzi Luswanu lo Mulungu, hambi nha cetumaga mulimo ku misi na ku cilo, ho cilece kuwa mutegulo kuli munhu wo wose muli nyenye.

1 Watesalonike 5:12

Ninga cikumunenenyi wandugu zangu, muwapelaje cogopo awalya wono wakwituma muli nyenye, wawo wono wakumutonjenyi no kumwijizenyi muli ze mikalile ye Cikilisito.

1 Timoteyo 5:17

Iwanyamhala wono watongaga wanhu viswanu yiwanojeye watuje musahala kali kejete, ko muno wawalya wono wahidimbalaga mu wuganule na mu wijize.

Wahebelaniya 13:17

Muwahulikaje i walongola wenyu no kwibata zono wakulonga; hambi nha wakuzidima i zinhumbula zenyu mu cilo na mu misi, kanyhi si woleka kulolosa zo witumami wawo hali Mulungu. Na hono muwahulice nawo ho wokwituma i milimo yawo kwa nyemo, ninga hono yilece kuwa nha vivyo wokwituma no wukalale, na si yowa na cambuzi kuli nyenye.

Wahebelaniya 13:24

Ale muwalamusaje i walongola wenyu wose hamonga ne wanhu wo Mulungu! I wandugu zetu wanya akuno ku Italiya, wakumulamusenyi.

Wahebelaniya 6:10

Hambi u Mulungu nha si kawezaga yasina lingʼani u mwene si kowusemwa mulimo wenyu wono mwetuma, hamba u wendo wono mwawulajila ku soko ye litagwa lyakwe mu witumami wenyu wono mwawetumamila na vyono sunga na lulu mukali mukuwetumamila i wanhu wakwe.

1 Petelo 5:5

Nanye nhavivyo mo wadodo, munojeye mwiwice mu wulajilize we wanyamhala. Nanye wose munojeye muwe no winenenyhezi ho musume kwiyitumila nyenye wose, hambi i Mandiko Gono Gelile nha gakutya “U Mulungu sikawasakaga wono wena widunhumuzi, langa kawapelaga lihewa iwenenenyhezi.”

3 Yohana 1:8

Holeka ase yicinojeye ciwapele wutazi wanhu wawa, nase ho cihanje u mulimo wawo ku soko ye mbeka.

Wugubule 2:3

Agwe wuli ngola, kanyhi wakangalila mu wugaye winji muno, ku soko ye litagwa lyangu, hamba kukatala yaye.