1 Wakolinto 16:12 - I CILAGANE CIPYA 1991

¹² Kuli ze ndugu yetu Apolo, ane nimunena muno muno ho yaze kwenyu, hamonga na wezindugu wanji, ninga mwene si yakwendela lukulu kuza kuko lulu, langa kolokuza du kolo yikusumika.

Luganuzi Luswanu Kuli Wanhu Wose 2002

¹² Kuli ze ndugu yetu Apolo, ane nimunena muno muno ho yaze kwenyu, hamonga na we zindugu wanji, ninga mwene si yakuhila kuza kuko lulu, langa kolokuza du kolo yikusumika.

1 Wakolinto 16:12 ပူးပေါင်းရင်းမြစ်များ

Maluko 6:21

Ale, mwizuwa linji, cikejela cilejeho, mwizuwa lyo wulelwe wakwe Helode. Nayo Helode yakawanozeza ndigwa iwanyamhala we libalaza lyakwe, iwasilikale ne wawaha wa Galilaya.

Metumo ge Watumwa 15:34

Ninga Sila yakasaka kwikala kuko hadodo.]

Metumo ge Watumwa 18:24

No Muyahudi yunji litagwa lyakwe Apolo mulelelwa ku Alekizandeliya, yakaza ku Efeso. Munhu mono yali yena nonga swanu kanyhi yali yena wizuce wuwaha wa mu Mandiko Gono Gelile.

Metumo ge Watumwa 19:1

Kukawa lono Apolo yali ku Kolinto, Pawulo yaza kukola ku zisi za kusumuka, yakafika ku Efeso, na kuko yakawagana wejizwa wanji.

Metumo ge Watumwa 24:25

Ninga Pawulo yaza kwamula kulolosa zo wilingʼano na zo wiyimile na ze ningʼaniza yono yikuza, Feliki yakogopa muno yakatya, “Alu wubite, ninga nokucema kanyhi kolo natuga cilejeho.”

1 Wakolinto 1:12

Ane nha cinji nghusaka nitye nhavi, vyono muli nyenye u munhu yakulonga na lwakwe, vyono yunji yakutya, “Ane nili wa Pawulo,” na yunji nayo yakutya, “Ane nili wa Apolo,” yunji nayo yakutya, “Ane nili wa Kefa,” na yunji nayo yakutya, “Ane nili wa Kilisito.”

1 Wakolinto 3:22

Hono Pawulo, hamba Apolo, hamba Kefa, hamba yinze, hamba u wumipe, hamba lifwa, zinghani za lulu, hamba zono zikuza, zizi zose nha zenyu.

1 Wakolinto 3:5

Alu, Apolo yo nani? Hamba Pawulo yo nani? Hambi ase wose nha cili wetumami du, mono camuletelenyi anye u wihuwilo. Nase wose cikwituma u mulimo wono yacipela u Muwaha.

Tito 3:13

Wuhidimbale kumutaza u mwana Zena u mukamisa uwulajilize hamonga na Apolo, ho wasume kwanza ze mihinzo yawo, kanyhi wulanjilile walece kwanjila cinji co cose cono wakusaka.

Tito 3:4

Ninga caza kugubulwa i cidaha co wuswanu no wendo wo Mulungu, Mukombozi wetu,