1 Wakolinto 15:3 - I CILAGANE CIPYA 1991

³ Nane nghamupelenyi anye zinghani zi mbaha muno muno zono nazibocela nene no mweneco, nha vyono, Kilisito yafwa so wubi wetu, nha vyono gakutya i Mandiko Gono Gelile,

Luganuzi Luswanu Kuli Wanhu Wose 2002

³ Nane nghamupelenyi anye zinghani zi mbaha muno muno, zono nazibocela nene no mweneco, nha vyono, Kilisito yafwa so wubi wetu, nha vyono gakutya i Mandiko Gono Gelile,

1 Wakolinto 15:3 ပူးပေါင်းရင်းမြစ်များ

Matayo 26:24

Heya u Mwana wo Munhu yakubita, nha vyono i Mandiko Gono Gelile gakulonga, ninga woyi he, kuli munhu yuyo yali yiwe yili ciba hono yali yalece kulelwa.”

Matayo 26:28

hambi ayi nha yo sakami yangu yono yikukangaza i cilagane co Mulungu, isakami yono yikwitika ku soko yo kuwanenela i wanhu wubi wawo.

Luka 24:25

Nayo Yesu yakawatya “Nhawule muli walele nha vivi, kanyhi muli wakamu mu zinhumbula zenyu, kuzihuwila zose zono walonga wawizi?

Yohana 1:29

I mitondo yaco, Yohana yakamuwona Yesu yakumuziza, yakatya, “Mulanje, ayu Mwana Ngholo wo Mulungu, mono yakuwusa, wubi we yinze!

Metumo ge Watumwa 17:2

Nayo Pawulo nha vyono yali yazoweye, yakenjila mu nghangʼanilo yo wuhembelo yakuwasimuliziza za mu Mandiko Gono Gelile mu Sabato idatu.

Metumo ge Watumwa 3:18

Ninga u Mulungu vyo yazifisiliza nha vivyo, azilya zono yazilajila katali mu milomo ye wawizi wose, vyono Kilisito wakwe kolotamiswa.

Metumo ge Watumwa 8:32

Ale ihanhu hono yasomaga mu Mandiko Gono Gelile, hali aha, “Yategulwa nha ngholo ku wuwulagwe Na kotya nyana ye ngholo hali wono wakuyicenyenha weha yinyamaye. Nha vivyo nayo siyenula mulomo wakwe.

Walumi 3:25

U Mulungu yamulavya mwene, ku so sakami yakwe, yawe nzila yo kuwawusiza iwanhu u wubi wawo, so wihuwilo wawo wa kuli mwene. Yanoza nha vivyo, ho yelajile vyono u Mwene yo we lingʼani. Baho ikatali u Mulungu yakangalilaga hamba si yehwesaga zo wubi we wanhu,

Walumi 4:25

U mwene yalavywa ho yawulagwe ku soko yo wubi wetu, kanyhi yakazukulwa, ase ho cisume kuvumilwa hali Mulungu.

1 Wakolinto 11:2

Nghumulumbenyi muno muno vyono mukunghumbucila, na vyono kanyhi muzibate muno na zizilya zono nghamulajilizenyi.

1 Wakolinto 11:23

Hambi ane nha nabocela kuli Muwaha i malajilizo gagalya gono nghamulecelenyi, vyono mu cilo ci cilya cono u Muwaha yalavizywa yasola u mukate,

2 Wakolinto 5:21

Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wilingʼano wo Mulungu.

Wagalatiya 1:12

Hambi ane nha si nalubocela kulawa kuli wanhu, hamba si nejizwa na munhu, langa Yesu Kilisito mweneco yo yangubulila.

Wagalatiya 1:4

Kilisito yelavya mweneco ku soko yo wubi wetu, ku soko yo wendo wo Mulungu wetu no Sogo yetu, ho yaciponye mu yinze yiyi yimbi ya lulu.

Wagalatiya 3:13

Kilisito yacikomboza mu wulijitwe wo Wulajilize, hambi nha yawusola u wulijitwe wuwo ku soko yetu, vyono i Mandiko gakulonga, “Muli wose mono kotumbikwa mu musalaba, yuyo mulijitwe.”

Waefeso 1:7

Hambi nha cikukombozezwa mu sakami ya Kilisito, nha cinji u wubi wetu wukuwuswa, nha vivyo vyo winha u wuwaha we lihewa lyakwe,

Waefeso 5:2

Imikalile yenyu yeze kulongozwa no wendo, nha vyono Kilisito yacenda, yakelavya ku soko yetu cilavywa ce mhunjile swanu ne likumbiko lyono limwendezaga u Mulungu.

Wahebelaniya 5:1

U Mukohani wo wose Muwaha, kahagulagwa kulawa muli wanhu ho yamwitumamile u Mulungu so wanhu, ho yalavye i vilavya ne makumbiko ku soko yo wubi wawo.

Wahebelaniya 5:3

Vyono na mweneco nayo musocele, holeka yimunojeye yalavye ikumbiko, si ku soko ye wanhu du, langa na ku soko yo wubi wakwe mweneco.

1 Petelo 1:11

Wakajela kumanya ivilo ne ndawililo ye litumo lilyo, nha cinji vilo vyono yalonga u Muhe wa Kilisito mono yali yali muli wene, lono yawilaga ze magazo gono gomuziza Kilisito, no lukumyo lono lotyatya.

1 Petelo 2:24

U mwene yawudinghulila u wubi wetu mu muwili wakwe mu musalaba, ho cisume kufwa ku lubavu lo wubi, no kuwumipila ku wilingʼano. Na muzinghomele zakwe, anye mo mwaponyezwa.

1 Petelo 3:18

Hambi Kilisito mweneco nha yafwa ku soko yo wubi wetu, yafwa kamonga du yikakwila, u munhu we lingʼani ku soko ye wabi, ho yamutegulenyi anye kuli Mulungu. Yawulagwa mu muwili ninga yakanozwa mumi mu Muhe,

1 Yohana 2:2

Kilisito lye kumbiko lyono likuwuwusa u wubi wetu, hamba si wubi wetu sese du, langa u wubi we yinze yose.

Wugubule 1:5

kanyhi na ku wulawa kuli Yesu Kilisito, u muhomelezi mwihuwilwa, u mulongozi kuzukulwa muli wafu, mono yatemile i watemi we yinze. Mwene yacendile, na so isakami yakwe yakaciwopola kulawa mu wubi wetu,