1 Wakolinto 15:10 - I CILAGANE CIPYA 1991

¹⁰ Ninga ku so lihewa lyakwe Mulungu, naweza nha vyono ninha lulu, ne lihewa lyakwe si lyali lya bwete. Nane netuma u mulimo si nha wose, kanyhi hamba si nene yaye langa, lihewa lyo Mulungu lyono likwitumana hamonga na nene.

Luganuzi Luswanu Kuli Wanhu Wose 2002

¹⁰ Ninga ku so lihewa lyakwe Mulungu, naweza nha vyono ninha lulu, ne lihewa lyakwe si lyali lya bwete. Nane netuma u mulimo si nha wose, kanyhi hamba si nene yaye, langa lihewa lyo Mulungu lyono likwitumana hamonga na nene.

1 Wakolinto 15:10 ပူးပေါင်းရင်းမြစ်များ

Matayo 10:20

Kusoko vyono si nyenye mono mukulonga, langa u Muhe wo Sogo yenyu, yo yakulonga muli nyenye.

Matayo 25:16

Ale, yuyulya mono yapegwa i zisilinje ze elufu makumi mejete neʼhano yakazinozeza wusuluza, sunga yakatuga cambuzi ca silinje zinji elufu makumi mejete neʼhano.

Walumi 11:1

Alu nghuwuza nghutya, u Mulungu yawakumhila kutali iwanhu wakwe? Aa, ngʼo. Hambi na nene nha nili Muisilayeli, we mbeyu ya Abulahamu, we nghungugo ya Benyamini.

Walumi 12:3

Kusoko ye lihewa lyo Mulungu lyono napegwa, holeka nghumulonjelenyi nyenye wose, vyono, mulece kwiwona nha muli cinji si nha vyono mwinha. Langa imahweso genyu, geze galingʼaniciye cijelo co wihuwilo, nha vyono u Mulungu yamugawila munhu na cakwe.

1 Wakolinto 15:11

Ninga hamba nha vivyo, hono yiwe weneco wo wakuganula, hamba nene mono nghuganula, si nghani yaye, hambi nha co cico cono ciganulaga, na co cico cono mwihuwiye.

1 Wakolinto 15:2

Na vyono na mu nzila ya lulo Luganuzi Luswanu, mo mukuponyezwa, hono muzibate zinghani zono namuganulilenyi, na kanyhi hono yiwe si mwehuwila bwete.

1 Wakolinto 3:10

Na mu witumamile i lihewa lyono u Mulungu yamhela, kanyhi nho muzenji muswanu, we mahala, nasuma kuwika musinji wono u munhu yunji, yakusuma kuzenga mucanyha yawo. Holeka yinojeye u munhu wo wose mono yakuzenga mucanyha yayo, yeze mulanjisi muno.

1 Wakolinto 3:6

Ane no Pawulo, nahadika mbeyu, nayo Apolo, yakayimwajilila malenga, ninga u Mulungu yo yazicindya i zimbeyu.

1 Wakolinto 4:7

Hambi nani mbi mono yakukuwona agwe nha wuli cinji hamwande ye wanji? Hamba alu wina ci cici kanyhi cono siwapegwa, alu nhawule kanyhi wukwilumbilila mu cinhu cico, kotya nha munhu mono wukali si napegwa?

2 Wakolinto 12:11

Alu naweza nha nili mulele, ninga yo nyenye mono mundindimize ho niwe nha vivyo. Hambi anye, nha yo nyenye mono mwali munojeye munumbe. Vyono, hamba niwe si nili cinji yaye, ninga hamba nha vivyo, ane si nili mudodo kuciza wawo i “Watumwa wenyu wono wakumucile.”

2 Wakolinto 3:5

Ninga si vyono ase cosuma kwitumila nghani yinji yo yose mu vilungo vyetu co weneco, langa u wusume wetu wose, wulawaga kuli Mulungu,

2 Wakolinto 6:1

Holeka nase vyono cikwituma mulimo hamonga no Mulungu, cikumunenenyi mulece kuvumila i lihewa lyo Mulungu lyono mwabocela, lyajilile bwete.

Wagalatiya 2:8

Ku soko vyono yuyo mono yamupela Petelo i vilungo vyo kuwela mutumwa kuli Wayahudi, yo yuyo kanyhi mono yamhela nane i vilungo vyo kuwela mutumwa kuli wanhu we makungugo ganji.

Wafilipi 2:13

hambi u Mulungu nha yoketumaga u mulimo muli nyenye nhondo zose, no kumupelenyi u wusume wo kusaka no kufisiliza zose zono zili mu wulunji wo wuhile wakwe mweneco.

Wafilipi 4:13

Nosuma kuwa mu wuwe wo wose, hambi Kilisito nha yo kamhelaga i vilungo.

1 Watesalonike 5:12

Ninga cikumunenenyi wandugu zangu, muwapelaje cogopo awalya wono wakwituma muli nyenye, wawo wono wakumutonjenyi no kumwijizenyi muli ze mikalile ye Cikilisito.

1 Timoteyo 4:10

Ase cikupiligala no kwituma cihidimbaye, hambi nha cimuwiciye witumbilo wetu u Mulungu mumi, mono yo Mukombozi wetu co wanhu wose, na ko muno wa walya wono wehuwiye.