1 Wakolinto 14:3 - I CILAGANE CIPYA 1991

³ Ninga ayulya mono yena cipegwa co kuyiganula nghani yo Mulungu, ayo langa kalongaga ne wanhu, ku soko yo kuwazenga, no kuwatuza mitima yawo, kanyhi no kuwasikamya.

Luganuzi Luswanu Kuli Wanhu Wose 2002

³ Ninga ayulya mono yena cipegwa co kuyiganula nghani yo Mulungu, ayo langa kalongaga ne wanhu, ku soko yo kuwazenga, no kuwatuza mitima yawo, kanyhi no kuwasikamya.

1 Wakolinto 14:3 ပူးပေါင်းရင်းမြစ်များ

Luka 3:18

Hamonga ne zinghani zinji nyinji, Yohana yakawakongʼonheza i wanhu akuno yakuwaganulila Luganuzi Luswanu.

Metumo ge Watumwa 13:15

Imasomo gali geza kukondya kusomwa, mu wulawa mu citabu co Wulajilize wa Musa, mu mandiko ge wawizi, iwanhu we nhangʼanilo yiyo yo wuhembelo, wakawatumila munhu, wakutya, “Nye wandugu, cikumulombenyi hono mwina nghani yo kuwejiza wanhu, ale lonjenyi.”

Metumo ge Watumwa 14:22

Wakawasinyhimika zinhumbula i wejizwa, no kuwasikamya wekalaje mu wihuwilo. Wakawalonjela wakutya, “Yicinojeye ase wose kukolela mu magayo menji, mu winjile mu wutemi wo Mulungu.”

Metumo ge Watumwa 15:32

Yuda na Sila, vyono nawo wali wawizi, wakawasindamika we zindugu na nghani nyinji.

Metumo ge Watumwa 4:36

Hakawa na mulawi yumonga mulelelwa ku Kupulo, itagwa lyakwe Yusufu, mono watumwa wamucemaga Balanaba, (nhunizo yayo, “Mwana wo wutuzwe.”)

Metumo ge Watumwa 9:31

Nhondo ilikanisa lya mu Yudiya, na mu Galilaya, na mu Samaliya mose, likatuga mulamu mwidaha lilyo. Likasinyhimikwa no kuwilucila mu cogopo co Muwaha, likonjelezeka no kusindamikwa no Muhe Mono Yelile.

Walumi 12:8

Nayo mono yena icipegwa co kuwalanjiza iwanji, yanoze nha vivyo. Nayo mono yakumugawila u muyagwe muli cono yena naco, ale yanoze nha vivyo ko mutima muzelu. Nayo mono yapejigwe wulongola, ale yetumaje yahidimbaye. Nayo mono yakwituma nghani yo lusungu, yetumaje no luseko.

Walumi 14:19

Holeka yicinojeye cizibate nhondo zose izinghani zono ziletaga mulamu, na zono zikucitaza kwiyizenga sese wose.

Walumi 15:2

Yicinojeye ase wose, cimwendeze munhu na muyagwe mu wuswanu, ho nayo yasume kwima mu wihuwilo.

1 Wakolinto 10:23

Kuliʼne ivinhu vyose visina mwiko, ninga hamba nha vivyo, si vyose vyono vikwiliye. Vinhu vyose visina mwiko ninga si vyose vyono vizengaga.

1 Wakolinto 14:12

Holeka vyo yinha sunga na kuliʼnye, holeka vyono mwina wuhile wo kuvituga vipegwa vyo Muhe, holeka muhidimbale ko muno, ho muvituje avilya vyono vyosuma kulizenga likanisa.

1 Wakolinto 14:17

Na lunji u wulombe wako wo wulumbe, wudahile kuwa mbeka wuswanu, ninga yuyo yunji hamba si yomutaza cinji yaye.

1 Wakolinto 14:26

Nye wandugu zangu, alu cilonje ciwe kutya nhawule? Ninga kolo mwehanguliza hamonga, yunji yembe lwimbo, na yunji yejize, na yunji yaweze no wugubulilwe wono wukulawa kuli Mulungu, yunji nayo yetumamilaje cipegwa co kulonga mu milonjele mijenzi na yunji yalolose zono zikulongwa. Na zose zitumwe ku soko yo kulizenga likanisa.

1 Wakolinto 14:31

Hambi wose nha mudahile kuyiganula nghani yo Mulungu akuno mukwiwalila, ho wose musume kwiyijiza no kusikamywa.

1 Wakolinto 8:1

Aluno kuli i zindigwa zono zikumbiciywe vihwani, cimanyile nha vyono ase wose cina uwutanje mu mahala, ninga kanyhi u wutanje wuwo, wuwapelaga wanhu wawo no widunhumuzi, ninga u wendo, wuzengaga.

2 Wakolinto 1:4

Mwene yo kacitazaga ase mu wugazice wetu wose, nase ho cisume kuwatuza wanji mu wugazice wose mu nzila yo lutuzo lulo lono cikulubocela kulawa kuli Mulungu.

2 Wakolinto 2:7

Alu yono yisigaye ku lubavu lwenyu, yinojeye anye mumunenele munhu yuyo, kanyhi mumusindamice, ho yalece kucila muno kuwa no wukalale no kutukuwika mutima wakwe.

Waefeso 4:29

Ne makani mabi galece kuhuikwa muli nyenye hamba hadodo, izinghani zenyu ziweze zono zina cambuzi nhondo zose, zono zikuwazenga no kuwataza wanji, ho ziwapele lihewa wono wakumuhulicizenyi.

Waefeso 6:22

Alu nghumutuma yaze kuko kwenyu, ho yamulolosezenyi za kono kwetu, nanye ho musindamikwe mu zinhumbula zenyu.

Wakolosayi 4:8

Yo yilecile nghumutuma, ho yamusindamicenyi zinhumbula zenyu kolo mwahulika i zetu.

1 Watesalonike 2:11

Kanyhi mumanyile nyo weneco vyono ase camutendelenyi nyenye yumonga yumonga, nha vyono u sogo yo munhu kawatendelega wanagwe mweneco.

1 Watesalonike 2:3

Ne nghani yono cikumusinjenyi, si nghani ya wulambi, hamba lunji yono yina wuhile wubi, hamba si cendile ho cimukonje munhu wo wose.

1 Watesalonike 3:2

cikamutumilenyi ndugu yetu Timoteyo, kanyhi mwitumami muyetu muli Mulungu mu wuganule u Luganuzi Luswanu lwa Kilisito. Cikamutumilenyi ho yaze yamusikamyenyi no kumusindamicenyi,

1 Watesalonike 4:1

Ze ndumilizo wandugu zangu, nha vyono mweyijiza kuli sese vyono munojeye mwikale ho mumwendeze u Mulungu. Nayo yili mbeka vyo mwikalaga. Alu cikumulombenyi kanyhi cikumunenenyi mwitagwa lyo Muwaha Yesu, vyono alu ho mucile muno kuwituma viswanu.

1 Watesalonike 4:18

Ale mwisindamicilaje mu zinghani zizi.

2 Watesalonike 3:12

Mwitagwa lyo Muwaha wetu Yesu Kilisito, cikuwalajiliza kanyhi cikuwasugula wanhu we liwala lilyo vyono yiwanojeye wawe no wunhu wuswanu, kanyhi wetume milimo ho wetujile vyawo weneco.

1 Timoteyo 1:4

Kanyhi wuwalonjelaje walecele lukulu zisimo zizilya zono zisina nhunizo yo yose hamba hadodo, hamonga ne zinghomo zinhali ze zindelwa ze wasetu, zono ziletaga wiwanganile wa bwete, hamba siziwazengaga wanhu mu wuhile wo Mulungu wono wumanyice mu nzila yo wihuwilo.

1 Timoteyo 4:13

Witumamilaje madaha gako hamonga ne vilungo vyako, mu wusoma calinze Imandiko Gono Gelile, mu wuganule na mu wijize, sunga kolo nghuza.

1 Timoteyo 6:2

Ne wawanda wono wena watwa zawo Wakilisito, walece kuwabedegala, hambi nha wandugu zawo. Langa yiwanojeye wawetumamile mu wuswanu muno wose, hambi wawo wono watugaga cambuzi mu mulimo wawo, nha wo wawo wono wehuwiye kanyhi wendece kuli Mulungu. Yikunojeye kwijiza no kuziganula izinghani azi:

2 Timoteyo 4:2

holeka wuyiganulaje nghani yiyo, wiyohaje du kuyiganula (mu cipango cono cinojeye, hamba yiwe mu cipango cono si cinojeye), kalipile no kulanjiza, kanyhi wuwaswaswanizaje wanhu wose, akuno wukuwejiza ko wukangalizi wose.

Tito 1:9

Yimunojeye kanyhi, yebatile lukulu i nghani huwilwa nha vyono wukwijizwa. Holeka kosuma kuwataza wanji so mafundo ge mbeka no kusuma kuwalajila i masutya gawo wono wakuwanga kuli ze mafundo gago.

Tito 2:15

Ale wuwafundaje zizo, kanyhi wuwitumamilaje u wulajilize wako wose akuno wukuwaswaswaniza no kuwasugula wono wakukuhuliciza. Munhu wo wose yalece kukubedegala.

Tito 2:6

Ne wazelelo nawo nha vivyo, wuwafundaje wawe no wiyimizi.

Tito 2:9

Yiwanojeye nawo i wetumami wawahulice iwawaha wawo, no kuwendeza muli zose. Walece kuwangana nawo,

Wahebelaniya 10:25

Cilece kuwuleka u wityatye wuwulya wo witangʼanila hamonga, nha vyono wanozaga wanji. Kanyhi yicinojeye kwiyitaza sese wose, nha vyono mukuwona, i lizuwa lilya lyo Muwaha lyeza lili behi.

Wahebelaniya 13:22

Holeka nghumunenenyi wandugu zangu, muyihulicizaje mutulile i nghani yiyi yo wulanjizwe. Hambi ayi nha baluwa fupi du yono nimwandicilenyi.

Wahebelaniya 3:13

Ninga mweze kwiyilanjiza nhondo zose, lono hakali kutegwa, “I zuwali,” muyenyu yunji yalece kukamufywa no wukoci wo wubi no kuwa ne cibede.

1 Petelo 5:12

Nimwandicilenyi i baluwa yiyi fupi, ko wutazi wa Silivano u ndugu yetu mono nimumanyile kanyhi mono nimwitumbiye. Nghusaka kumusikamyenyi no kuhomelela vyono ali lyeʼhewa lyo Mulungu lye mbeka. Holeka mwikalaje mukamile mwihewa lilyo.

Yuda 1:20

Ninga anye mo wendece, mujendelele kwiyizenga mu wukwilanicile mu wihuwilo wenyu wono welile. Mweze kulombela mu vilungo vyo Muhe Mono Yelile.