1 Wakolinto 14:12 - I CILAGANE CIPYA 1991

¹² Holeka vyo yinha sunga na kuliʼnye, holeka vyono mwina wuhile wo kuvituga vipegwa vyo Muhe, holeka muhidimbale ko muno, ho muvituje avilya vyono vyosuma kulizenga likanisa.

Luganuzi Luswanu Kuli Wanhu Wose 2002

¹² Holeka vyo yinha sunga na kuli'nye, holeka vyono mwina wuhile wo kuvituga vipegwa vyo Muhe, holeka muhidimbale ko muno, ho muvituje avilya vyono vyosuma kulizenga likanisa.

1 Wakolinto 14:12 ပူးပေါင်းရင်းမြစ်များ

Walumi 14:19

Holeka yicinojeye cizibate nhondo zose izinghani zono ziletaga mulamu, na zono zikucitaza kwiyizenga sese wose.

1 Wakolinto 12:31

Holeka mweze kusaka kupegwa vipegwa viswanu muno. Alu nane nomulajlienyi i nzila swanu muno muno yono yicizize zinzila zizi zose.

1 Wakolinto 12:7

Na munhu wo wose kapegwaga u wuzelu wo Muhe so cambuzi ca wose.

1 Wakolinto 14:1

Ale muhidimbale kuwa no wendo. Muhidimbale kanyhi nha vivilya, ho muvituje vipegwa vinji vye cimuhe, ko muno cipegwa co kuyiganula nghani yo Mulungu.

1 Wakolinto 14:13

Holeka mono yakulonga mu milonjele mijenzi, yimunojeye yalombe, ho yasume kuyilolosa.

1 Wakolinto 14:26

Nye wandugu zangu, alu cilonje ciwe kutya nhawule? Ninga kolo mwehanguliza hamonga, yunji yembe lwimbo, na yunji yejize, na yunji yaweze no wugubulilwe wono wukulawa kuli Mulungu, yunji nayo yetumamilaje cipegwa co kulonga mu milonjele mijenzi na yunji yalolose zono zikulongwa. Na zose zitumwe ku soko yo kulizenga likanisa.

1 Wakolinto 14:5

Heya, ane nali nyende anye wose mulonje mu milonjele mijenzi, ninga hamba nha vivyo, nali nyende ko muno muweze ne cipegwa co kuyiganula nghani yo Mulungu, hambi u munhu mono yena cipegwa co kuyiganula nghani yo Mulungu, yuyo nha yo muswanu muno, kuciza ayulya mono yakulonga mu milonjele mijenzi, mba langa sunga hawe ho yuli yunji mono kosuma kuzilolosa zizo zono yakuzilonga, i likanisa nalyo ho lizengwe.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.