1 Wakolinto 13:5 - I CILAGANE CIPYA 1991

⁵ Wendo wukuwa wina cogopo, kanyhi si wukuwa kwilondolela weneco cambuzi, kanyhi wendo si wukolagwa neʼkuwo mbela, hamba si wukumbucilaga zimbi, hamba si wuwalaga wubi wono wapuluta yaye,

Luganuzi Luswanu Kuli Wanhu Wose 2002

⁵ Wendo wukuwa wina cogopo, kanyhi si wukuwa kwilondolela weneco cambuzi, kanyhi wendo si wukolwaga ne'kuwo mbela, hamba si wukumbucilaga zimbi, hamba si wuwalaga wubi wono wapuluta yaye,

1 Wakolinto 13:5 ပူးပေါင်းရင်းမြစ်များ

Matayo 5:22

Ninga ane nghumutyenyi, muli wose mono yakumuwonela likuwo u nduguye, yuyo yimunojeye yalingʼanizwe. Nayo mono yakumubedegala unduguye, ale yuyo kotegulwa ku wulingʼanizwe. Na mono yakumutya u nduguye ‘Go mulele gwe,’ yuyo yanojeye yenjile mu moto we Gehena.

Matayo 9:4

Nayo Yesu yakagamanya i mahweso gawo, yakawatya, “Alo so cici mukwihwesa zimbi mu zinhumbula zenyu?

Maluko 3:5

Baho u mwene Yesu yakawalanga wose kwe kuwo, akuno yakukalala ku soko yo wukamu we zinhumbula zawo. Hanyuma yakamulonjela umunhu yuyo, yakutya, “Golola muwoko wako!” Nayo yakawugolola u muwoko wakwe, nawo wukawa wapona kanyhi.

Luka 7:39

U Mufalisayo yuyo mono yamucema Yesu, yaza kuziwona zizo, yakatya mu nhumbula yakwe, “Munhu ayu yali yawe muwizi, yali yamutanje mucekulu yuyu vyono yenha na vyono mubi.”

1 Wakolinto 10:24

Ninga u munhu yalece kwilondolela cambuzi cakwe mweneco, langa i cambuzi co muyagwe.

1 Wakolinto 10:33

Ale, wose muweze nha vyono ninha nene, ane nghujela kuwendeza wanhu wose mu zinzila zose, hamba kulondola cambuzi cangu no mweneco, langa nghulondola cambuzi ce wanhu wose, ho waponywe.

1 Wakolinto 11:18

Mwamulizo wa zose ane nghuhulika vyono lono mwehanguliza hamonga, gakwijela matemanuko muli nyenye. Nane kunji nghwihuwila hadodo,

1 Wakolinto 12:25

ho halece kuwa na matemanuko mu muwili, langa vilunzwa vyose ho visume kwiyitaza hamonga.

1 Wakolinto 7:36

Na lono munhu yawone nha vyono si kosuma kumutendela viswanu u mucumba wakwe, hono yalece kumutola, na hono u wusulumizi wakwe wakumukwega, ciba yanoze nha vyono yakusaka, wetole du si vyono kowa yetuma wubi yaye.

2 Wakolinto 5:19

Wo wutya, u Mulungu yakuyilamula yinze no mwene mu nzila ya Kilisito, no kuleka kuwawalila wanhu u wubi wawo. Umwene yacipela nghani yo kuwalamula i wanhu no Mwene.

Wagalatiya 5:13

Hambi anye mo wandugu zangu nha mwacemelwa wulelele. Ninga u wulelele wuwo wulece kuwa cikojelo co kutemwa ne masulumizi ga mononze. Langa munojeye mweze kwiyitumamila mu wendo.

Wafilipi 2:21

Hambi wanji wose nha wakulondola i zawo weneco, si nho kulondola za Yesu Kilisito.

Wafilipi 4:8

Ze ndumilizo wandugu zangu, mugamemyaje mahweso genyu ne zinghani ziswanu zono zili mbeka, swanu, na ze lingʼani, zono zilenguce, zono zikwendeza na ze cogopo.

2 Watesalonike 3:7

Nanye nyo weneco mumanyile nha vyono munojeye mutyatye luzu lwetu. Vyono ase lono cali cili hamonga nanye, si cali wadoba.

2 Timoteyo 2:10

holeka nghukangalila muli vyose ku soko ye wahagulwa wo Mulungu, nawo nha vivyo ho watuje u Wukombozi wono wukuziza mu nzila ya Yesu Kilisito, kanyhi wono wuletaga lukumyo lwe cibitilila.

2 Timoteyo 4:16

Ha witetele wangu wulongozi, hasina hamba munhu monga mono yema ku lubavu lwangu, langa wose wandeka. Ninga Mulungu yalece kuwawalila wubi wawo!

Yakobo 1:19

Wandugu zangu wendece, kumbucilenyi nghani yiyi! Umunhu wo wose yeze mupelu kuhulika ninga yalece kuwa mupelu kulonga hamba yalece kuwa mupelu kusimba.