1 Wakolinto 13:4 - I CILAGANE CIPYA 1991

⁴ Wendo wukangalilaga, wutazaga wenji, wendo wusina wivu, hamba si wikumyaga yaye, hamba siwuwezaga no wiwoni.

Luganuzi Luswanu Kuli Wanhu Wose 2002

⁴ Wendo wukangalilaga, wutazaga wenji, wendo wusina wivu, hamba si wikumyaga yaye, hamba siwuwezaga no wiwoni.

1 Wakolinto 13:4 ပူးပေါင်းရင်းမြစ်များ

Matayo 27:18

Nayo yalongaga nha vivyo ku soko na mweneco yali yamanyile vyono wamuleta Yesu kuli mwene ku soko yo wivu wawo du.

Metumo ge Watumwa 7:9

“Ne wasetu wawo, wakamuwonela Yusufu wivu, wakamuguza, yakategulwa ku Misili ku wuwanda. Ninga Mulungu yali yali hamonga nayo.

Walumi 1:29

Wamemile u wubalya we mawala gose, wubalabala, wusulumizi, simbili. Wamemile mvivi, wuwulaji, wugombe, wukonji, wuhile wubi, wungwele, wubi, wahesi,

Walumi 13:13

I mijendele yetu, yeze yina cogopo nha vyono yinojeye mu misi, cilece kuwa no wubugu no wugala wujimbi, si mwihede na mu wusenyha, si mu wugombane no wivu.

1 Wakolinto 3:3

hambi nha mukali muli wanhu we ciyinze yinze. Alu wulenyi, tya yili mbeka, vyono muli nyenye mukali mowuli wivu no wugombane? Alu i zinghani zizo zo zikulajilila vyono anye, mukali muli wanhu we ciyinze yinze, kanyhi mwikaliye mu mikalile ye ciyinze yinze.

1 Wakolinto 4:18

Ale, alu wanji wa muli nyenye, wanza kwidunhumula, wakwihwesa mba vyono ane sinokuza kanyhi kuko kwenyu.

1 Wakolinto 4:6

Nye, wandugu zangu, zizo zose zono nizilonjile za kuli Apolo, na za kuli nene no mweneco, nha colecezo kuli nyenye. Na mu colecezo cetu ane na Apolo, anye ho musume kuyimanya nhunizo ye nghani ayi yono yikutya nhavi, “Muzikamisaje zono zandikwe.” Halece kuwa na munhu yunji wa muli nyenye, mono kosuma kwilumbila kuli u munhu yumonga, no kumubedegala umuyagwe.

1 Wakolinto 5:2

Alu mosuma nhawule kwilumba? Mbeka, yali yinojeye kuliʼnye kulila, na yuyo mono yetumile zizo, yinojeye yawuswe mulinye.

1 Wakolinto 8:1

Aluno kuli i zindigwa zono zikumbiciywe vihwani, cimanyile nha vyono ase wose cina uwutanje mu mahala, ninga kanyhi u wutanje wuwo, wuwapelaga wanhu wawo no widunhumuzi, ninga u wendo, wuzengaga.

2 Wakolinto 12:20

Nane nghogopa vyono na lunji kolo nghuza kwenyu, nomwaganenyi mu wuwe wono si wukunyendeza, nane baho lu, si noleka kuwa mu wuwe wono si mwendile nanye. Nane nghogopa yilece kuwa lunji ko wuli wugombane, wivu, makuwo, wubuguci, maheho, nzwaji ze caka caka, wusomenghanya, wiwoni, no wisagale muli nyenye.

2 Wakolinto 6:6

Cikwilajila nha vyono cili wetumami wo Mulungu mu nzila yo wele wa mu nhumbula, mu wumanye, mu wukangalile, mu wunhu wuswanu, ko Muhe Mono Yelile, na ko wendo we mbeka wono wusina hamba wukonji,

Wagalatiya 5:26

Cilece kuwa cili wedunhumuzi, cilece kwisagala, hamba kwiyiwonela wivu.

Waefeso 4:2

Mweze muli wenenenyhezi nhondo zose, muli wapolo, mwina ngola, mwiyikangalilaje nyenye wose mu wendo.

Waefeso 4:32

Mweze na nhumbula swanu, mukwiwonela lusungu nyenye wose, mweze kwiyinenela nyenye wose nha vyono nayo u Mulungu yamunenelenyi nyenye mu nzila ya Kilisito.

Wafilipi 1:15

Yili mbeka, ho wali wayawo wanji wono wakumuganula Kilisito kusoko vyono wena wivu, kanyhi wo wanhu wono Wendile wugombane, ninga wanji wakumuganula Kilisito kwa mutima muzelu.

Wakolosayi 1:11

U Mulungu yamupelenyi vilungo no wusume wakwe wo lukumyo, ho muwe na ngola muli vyose kanyhi hamonga no wukangalile.

Wakolosayi 2:18

Kanyhi mulece kuvumila kulingʼanizwa na munhu yunji, mono yakwinoza nha munhu we lilumbo ku soko yo wuwona wupumulilwe wakwe, na kwisacila u winenenyhezi wo wulambi, no wuhembi wo kuhemba wamalayika. U munhu mono yenha nha vivyo yalelepeye mu mahala go wulele ge ciyinze yinze.

Wakolosayi 3:12

Anye muli wanhu wo Mulungu, u mwene yamwendenyi anye kanyhi yakamuhagulenyi. Holeka nanye muvwale i nhumbula yo lusungu, wuswanu, winenenyhezi, wupolo, no wukangalizi.

1 Watesalonike 5:14

Kanyhi cikumunenenyi wandugu zangu, muwafundaje i wanhu wadoba, muwasinyhimikaje we zinhumbula zinyoga, muwebatilizaje wono wasoceye, kanyhi mweze na ngola kuli wose.

1 Timoteyo 6:4

yuyo yamemile widunhumuzi, kanyhi hamba siyamanyile cinji co cose. Yo munhu mono yendile wiwanganile no wisonji we zinghani ze bwete, ne zinghani ze liwala lilyo, ziletaga wivu, wisonji, maligo, maganicizo mabi,

2 Timoteyo 2:25

mono mupolo, lono yakuwalanjiza walugu wakwe, lunji u Mulungu kowapela cilejeho co kunena, nawo ho wayimanye i mbeka.

2 Timoteyo 3:10

Ninga agwe Timoteyo, wagebata i mejizo gangu, ne mikalile yangu, no wuhile wangu mu mikalile yangu, u wendo wangu, ne ngola yangu,

2 Timoteyo 4:2

holeka wuyiganulaje nghani yiyo, wiyohaje du kuyiganula (mu cipango cono cinojeye, hamba yiwe mu cipango cono si cinojeye), kalipile no kulanjiza, kanyhi wuwaswaswanizaje wanhu wose, akuno wukuwejiza ko wukangalizi wose.

Tito 3:3

Hambi mu vipango vinji, nase nha cali walele, kanyhi cili cibede, call cajiliye. Cali cili wawanda we masulumizi ne makani ga mononze. Cekalilaga mu mikalile yo wavu no wivu, wanhu wakacisula, nase cikawasula.

Yakobo 4:5

Mulece kwihwesa mba vyono i Mandiko Gono Gelile galongaga zinghani za bwete, lono gatezaga, “Umuhe wono Mulungu yawika muli sese, wina wivu wuwaha.”

1 Petelo 2:1

Holeka, lecenyi wubi wose: no wulambi, no wukoci, ne zinghani zose ze nhovu, vivyo vyose viwucile lukulu muli nyenye.

1 Petelo 3:8

Ale ze ndumilizo nghutya nhavi: yiwanojeye muwe na nhumbula monga, na ihweso limonga, yiwanojeye kwiyenda nha ndugu, mweze wapolo kanyhi muli wenenenyhezi nyenye wose.

1 Petelo 4:8

Ne nghani mbaha muno muno, mwiyendaje yendi yendi kwe nhumbula yose, hambi uwendo nha wuhiliwizaga wubi winji.

2 Petelo 1:7

Mu wogopo Mulungu namo, monjeleze wenda ndugu, na mu wenda ndugu namo monjeleze wendo.

1 Yohana 4:11

Nye mo wendece wangu, hono Mulungu yawe yacenda nha vivyo, yicinojeye nase ciyendaje.