1 Wakolinto 13:2 - I CILAGANE CIPYA 1991

² Na kanyhi yisumice niwe ne cipegwa ciswanu co kuyiganula nghani yo Mulungu, no kuzimanya ze cinyele zose, sunga no kusuma kuzimanya zose, kanyhi ndahile kuwa no wihuwilo wono wukwilaniciye, sunga sume kugahamye matunda, ninga hamba nha vivyo hono niwe sina wendo, ane si nili cinji yaye.

Luganuzi Luswanu Kuli Wanhu Wose 2002

² Na kanyhi yisumice niwe ne cipegwa ciswanu co kuyiganula nghani yo Mulungu, no kuzimanya ze cinyele zose, sunga no kusuma kuzimanya zose, kanyhi ndahile kuwa no wihuwilo wono wukwilaniciye, sunga sume kugahamya matunda, ninga hamba nha vivyo hono niwe sina wendo, ane si nili cinji yaye.

1 Wakolinto 13:2 ပူးပေါင်းရင်းမြစ်များ

Matayo 13:11

Nayo Yesu yakawapitula yakawatya, “Anye mwapegwa u wumanye wa zo Mulungu zono zihundicigwe, ninga wene awa si wapegwa yaye.

Matayo 17:20

Yesu yakawatya, “Ku soko yo wihuwilo wenyu wucefu. Nghumulonjelenyi mbeka, hono muwe mwina u wihuwilo wudodo du nha vyono yinha yi mbeyu ya haladali, mosuma kulilonjela i litunda lili, mukutya, ‘Wuwuce ahano, wubite ahalya,’ nalyo mbeka lyobita. Hasina nghani yo yose yono yali yiwe si yisumice kuliʼnye. [

Matayo 21:19

Yakawuwona mukuyu wunji ha mhelo ye nzila, yakawubitila, ho yahepe imikalo yayo, ninga yakawagana wusina mikalo hamba hadodo, langa go mahamha du gali wene. Hodu yakawa kuwulonjela yakawutya, “Wulecele lukulu kulela kanyhi mikalo cibitilila!” Hobaho baho du, no mukuyu wuwo wukawa kunyala.

Matayo 21:21

Yesu yakawapitula yakawatya, “Nghumulonjelenyi mbeka, vyono hono muwe no wihuwilo wono wusina mahwele, si mosuma kunoza nha vivi du, langa mosuma sunga na hono mulilonjele ilitunda lili mutye, ‘Ukulice ukegumile mwilenga,’ nayo vyo yowa nha vivyo.

Metumo ge Watumwa 13:1

Kwi Kanisa lya ku Antiyokiya, kwali kowali wanhu wanji wono wali wawizi ne wejizi, na muli wawo, yali Balanaba na Simoni mono kacemagwa Mutitu, Lukiyo wa ku Kulene, Manayeni mono yawiluswa hamonga no mutemi Helode, na Sawulo.

Walumi 11:25

Wandugu zangu, nghuhila muyimanye imbeka yiyi yono hundikwe, ho mulece kwiwona nha muli we mahala. I cibede ce Wayahudi, cali ca cipango cidodo du, sunga kolo iwanhu we makungugo ganji wamuziza u Mulungu.

Walumi 15:14

Wandugu zangu, ane no mweneco, manyiye lukulu vyono anye mo weneco mumemile u wuswanu, no wumanye wose, na kanyhi vyono mosuma kwiyilanjiza nyenye wose.

Walumi 16:25

Alenyi luno cimukumye u Mulungu! U Mwene kosuma kumusikamizizyenyi mu Luganuzi Luswanu lululya, lono naluganula muli zinghani za Yesu Kilisito, na mu nghani ayilya ye cinyele ye mbeka yono yali hundikwe mu ndelo nyinji zono zapuluta.

1 Wakolinto 11:4

Holeka u mulume wo wose mono yakuhemba, hamba yakuganula nghani yo Mulungu akuno yagubicize no mutwe wakwe, ale yuyo yakumubedegala Kilisito.

1 Wakolinto 12:28

Nayo u Mulungu yawika mwikanisa, walongozi, watumwa, we kejete, wawizi, we kadatu, wejizi, hanyuma yayo, yakawa kuwawika walya wono wena vipegwa vyo kunoza mapoto, kuponya, kutaza, walongola, na wono wakulonga nonga njenzi.

1 Wakolinto 13:1

Hamba nonje i milonjele ye wanhu hamba na ye Wamalayika, ninga hono niwe sina wendo, ane nowa nihwanile nhe lizozo du lye lidebe lyono lisina cinji, hamba lunji nha kotya cenjele.

1 Wakolinto 13:3

Na hono ndavye i sawo yangu yose no kuwapela waciwa, na hamba niwulavye muwili wangu wunyanywe mu moto, ninga hono niwe sina wendo, azo zose si zonghwila cinji yaye.

1 Wakolinto 13:8

Wendo si wudumaga hamba hadodo. Na hone Kovili i vipegwa vyo kuyiganula nghani yo Mulungu, avyo langa mwizuwa linji vilawuka, na hone vipegwa vyo wulonga zinonga zinjenzi, avyo vyoloduma, na hone kowuli wusomi, nawo nha vivyo du wolopuluta.

1 Wakolinto 14:29

Kuli za walya wono wakuyiganula nghani yo Mulungu, nawo wadahile kulonga wejete hamba wadatu du, na wayawo wanji, wawe kuzipima zinghani zawo.

1 Wakolinto 14:39

Holeka anye wandugu zangu, yinojeye kulinye muwe no wuhile wo kuyiganula nghani yo Mulungu, ninga hamba nha vivyo, mulece kumulemeza yunji ku wulonje milonjele mijenzi.

1 Wakolinto 14:4

Mono yakulonga mu nonga njenzi, ayo yakwiyizenga mweneco du. Ninga mono yena cipegwa co kuyiganula nghani yo Mulungu, yuyo yakulizenga likanisa.

1 Wakolinto 15:51

Ale, muhulicize ta, nimulonjelenyi nghani ye cinyele yili nhavi, ase hamba si cilafwa wose, langa wose colohunduswa,

1 Wakolinto 16:22

U munhu wo wose mono siyamwendile Muwaha, yaweze mulijitwe. Go Muwaha wuze!

1 Wakolinto 4:1

Ale, u munhu yaciwonaje ase nha cili wetumami wa Kilisito mono cakozwa i zinghani ze cinyele zo Mulungu.

1 Wakolinto 7:19

Hambi kwalama hamba wula kwalama nha si cinji yaye, cinhu ciwaha, kwibata i malajilizo go Mulungu du.

1 Wakolinto 8:4

Holeka kuli i zindigwa zono zikumbiciywe vihwani, ase cimanyile, vyono vihwani si cinji mono yinze, ase cimanyile vyono u Mulungu yo yumonga du.

2 Wakolinto 12:11

Alu naweza nha nili mulele, ninga yo nyenye mono mundindimize ho niwe nha vivyo. Hambi anye, nha yo nyenye mono mwali munojeye munumbe. Vyono, hamba niwe si nili cinji yaye, ninga hamba nha vivyo, ane si nili mudodo kuciza wawo i “Watumwa wenyu wono wakumucile.”

Wagalatiya 5:16

Holeka ane nghutya nhavi, i mijendele yenyu yeze kulongozwa no Muhe, nanye ho si motyatizya lukulu i masulumizi ga mononze.

Wagalatiya 5:22

Ninga zono zikwijela so wutongwa no Muhe, wo wendo, nyemo, mulamu, wukangalizi, wuswanu, wucemezi, wihuwilwa,

Wagalatiya 6:3

Munhu hono yewone kotya nha yali cinji, na kumbe ho si yali cinji, yuyo yakwikonga mweneco.

Waefeso 3:4

nanye kolo mukuzisoma izinghani zangu, mosuma kuwutanga u wumanye wangu wa muli zono zihundicigwe za muli Kilisito.

Waefeso 6:19

Munombelaje na nene nha vivyo, lono nghuduwa, ho Mulungu yamhele cono nolonga, ho sume kuwamanyiza i wanhu sina woga, inghani yono yihundikwe yo Luganuzi Luswanu.

Wakolosayi 1:26

yo nghani yono yali hundikwe kuli wanhu wose kulawa katali na katali, ninga aluno yakondya kuwamanyiza wanhu wakwe.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali lingʼani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

1 Yohana 4:8

U munhu mono yawusina u wendo, yuyo siyamumanyile no Mulungu, hambi u Mulungu nha wo wendo.