1 Wakolinto 13:13 - I CILAGANE CIPYA 1991

¹³ Holeka zikusigala zizino zidatu, nha cinji, u Wihuwilo, u Witumbilo no wendo, ninga kanyhi yono yicizize muli zizino zose, wo wendo.

Luganuzi Luswanu Kuli Wanhu Wose 2002

¹³ Holeka zikusigala zizino zidatu, nha cinji, u Wihuwilo, u Witumbilo no wendo, ninga kanyhi yono yicizize muli zizino zose, wo wendo.

1 Wakolinto 13:13 ပူးပေါင်းရင်းမြစ်များ

Luka 10:27

Nayo yakapitula yakatya, “Kumwendo Muwaha Mulungu wako ne nhumbula yako yose, na ko mutima wako wose, na kwe vilungo vyako vyose, na kwe mahala gako gose. Na komwendo muyago nha vyono wiyendile go mweneco.”

Luka 22:32

ninga ane nghukulombela agwe Simoni, wihuwilo wako ho wulece kucepuka; nagwe kolo wukumbuyila kanyhi, ho uwasikamye wanduguzo.”

Walumi 15:13

Ale u Mulungu mono wo musinji wo witumbilo, yamumemyenyi inyemo yose, no mulamu wono wukulawa mu wihuwilo wenyu, u witumbilo wenyu ho wonjezece mu vilungo vyo Muhe Mono Yelile.

1 Wakolinto 14:1

Ale muhidimbale kuwa no wendo. Muhidimbale kanyhi nha vivilya, ho muvituje vipegwa vinji vye cimuhe, ko muno cipegwa co kuyiganula nghani yo Mulungu.

1 Wakolinto 16:14

Na zo zose zono mowa kunoza, ale, muzinozezaje mu wendo.

1 Wakolinto 3:14

Ne cinhu co cose cono u munhu yacitumamila, mu wuzenga mu musinji wuwo, hono cisume kuwukangalila u moto wuwo, ale u munhu yuyo nayo kolobocela i cihumbilizwa cakwe,

1 Wakolinto 8:1

Aluno kuli i zindigwa zono zikumbiciywe vihwani, cimanyile nha vyono ase wose cina uwutanje mu mahala, ninga kanyhi u wutanje wuwo, wuwapelaga wanhu wawo no widunhumuzi, ninga u wendo, wuzengaga.

1 Wakolinto 8:3

Ninga u munhu mono yamwendile u Mulungu, yuyo langa yo yamanyice kuli mwene.

2 Wakolinto 5:10

Hambi ase wose nha yowa yicinojeye kwima heʼgoda lyo wulingʼanizi lya Kilisito, u munhu wo wose ho yabocele zono zimunojeye nha vyono genha i metumo gakwe gono yetumaga lono yali yakali yekaye moonze, hono maswanu, hamba mabi.

2 Wakolinto 5:15

Umwene yafwa ku soko ye wanhu wose, wawalya wono wakuwumipa, ho walece kwiwumipila weneco, langa wawe womi ku soko yo mwene mono yafwa, yakazukulwa ku soko yawo.

Wagalatiya 5:6

Hambi hono ciwe cakondya kuwa muli Kilisito Yesu, kwalama hamba wula kwalama mose musina cambuzi, i nghani yono yina cambuzi, wo wihuwilo wono wukwitumila u mulimo mu wendo.

Wafilipi 1:9

U wulombe wangu wowu, nghulomba u wendo wenyu wucile konjelezeka muno muno hamonga no wumanye we mbeka hamonga no wutanje wose,

Wakolosayi 1:27

Ninga u wuhile wo Mulungu, yakusaka yawamanyize i wanhu wakwe ze nghani mbaha yiyi na zo lukumyo, vyono vili so wanhu wose. Ne nghani yeneco nha yoyi: Kilisito yali muli nyenye, ne nghani yiyo yo yikumanyiza vyono anye mohanga u lukumyo lo Mulungu.

Wakolosayi 1:5

Hambi nha mwahulika zo witumbilo wono wukwijela muli mwene baho ha lulongozi du, lono mwayihulicila inghani ye mbeka yo Luganuzi Luswanu. Holeka aluno u wihuwilo wenyu, no wendo wenyu, vili mu nghani yiyilya yono mwayitumbila yono muwiciywe viswanu ku wulanga.

Wakolosayi 3:14

Ne mbaha yono yicizize zose, mwikalanaje mu wiyendi nyenye wose. Hambi u wendo nha wo wukuwa kuvilunziza i vinhu vyose mu wumonga wono wukwilaniciye.

1 Watesalonike 1:3

Nase cikumukumbucilenyi hali Mulungu Baba, vyono mukulajila u wihuwilo wenyu mu witume, na vyono u wendo wenyu wo wukumupelenyi u witume wo wupiligazi, kanyhi na vyono u witumbilo wenyu wukamile muli u Muwaha wetu Yesu Kilisito.

1 Watesalonike 5:8

Ninga ase cili wanhu wa mu misi, holeka yicinojeye ciwe no wiyimile. Yicinojeye civwale u wihuwilo no wendo viwe nha civwalo cono cosuma kucicitiza mu mhambaga, kanyhi no witumbilo wetu we mhonelo, yiwe nha kofiya ya cuma.

1 Timoteyo 1:5

Ale u wulunji we lilajilizo lili nha wukukongʼonheza uwendo wono wukulawa mu nhumbula nzelu no mutima muswanu, na mu wihuwilo we mbeka.

2 Timoteyo 1:7

Hambi u Muhe mono capegwa no Mulungu, si Muhe mono kocinoza ciwe woga, aa, ngʼo, langa yo Muhe mono kocipela wendo no wiyidime.

Wahebelaniya 10:35

Holeka mulece kuwutaga u wuluwuce wenyu, hambi nha womuletelenyi wuhumbilizwe wuwaha.

Wahebelaniya 10:39

Ninga ase si cili wayagwe na walya wono wakuwuya ne nyuma, no kwajilila, langa ase cihuwiye no kuponywa i zinhumbula zetu.

Wahebelaniya 6:11

Hambi u wuhile wetu kuli nyenye nha wowu, cikumusacenyi wose muli nyenye, munhu yalajile u wuhijilile wuwo du, sunga ko ku mudumo wo wumemelecele wo witumbilo wenyu.

Wahebelaniya 6:19

No witumbilo wuwo wukuwa nha cimizo mu mikalile yetu. No witumbilo wuwo wukamile kanyhi wa mbeka mbeka, kanyhi wukwinjila sunga ko kwibupa lye nyumba yo Mulungu ya ku wulanga, sunga ko kugati ya hono helile hayo.

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

1 Yohana 2:10

Na mono yamwendile u nduguye, yuyo yali mu wuzelu, na muli mwene musina cinhu cinji co cose cono cosuma kumukobaza munhu yunji.

1 Yohana 2:14

Nghumwandicilenyi nanye mo wadodo, vyono mumumanyile u Sogo yo munhu. Nghumwandicilenyi nanye mo wa sogo zo munhu, vyono mumumanyile u mwene mono yali ho yuli ku wulawa ha mwamulizo. Nghumwandicilenyi nanye mo wazelelo vyono muli vilungo, ne nghani yo Mulungu yikwikala muli nyenye, kanyhi mumusumile ayulya u Mubi.

1 Yohana 2:24

Holeka i nghani yi yilya yono mwayihulika kuwulawa mwamulizo, yikalaje mu zinhumbula zenyu. Ne nghani yiyilya yono mwayihulika hono yikale muli nyenye, ale mokwikala nhondo zose muli mu wumonga no Mwana no Sogo yo Munhu.

1 Yohana 3:3

Na muli wose mono yena u witumbilo wuwu muli Kilisito yakwiyeza, nha vyono u mwene Kilisito yelile muno.

1 Yohana 3:9

Munhu wo wose mono yaleleywe muli Mulungu, siketumaga wubi, vyono yakondya kuwa no wuwe wa cinya Mulungu muli mwene, nayo sikosuma kwituma wubi vyono u mwene yawa mwana wo Mulungu.