1 Wakolinto 13:12 - I CILAGANE CIPYA 1991

¹² Cono cikuciwona alu cinha futa du mwilole, yono si yikwijela viswanu, ninga baho hanyuma langa, ho colowona viswanu ciwonelela. Aluno manyile hadodo vivi du, ninga baho hanyuma langa, ho nolomanyila zose lukulu, nha vyono u Mulungu nayo yamanyile ane.

Luganuzi Luswanu Kuli Wanhu Wose 2002

¹² Cono cikuciwona alu cinha futa du mwi'lole, ninga baho hanyuma langa, ho colowona viswanu ciwonelela. Aluno manyile hadodo vivi du, ninga baho hanyuma langa, ho nolomanyila zose lukulu, nha vyono u Mulungu nayo yamanyile ane.

1 Wakolinto 13:12 ပူးပေါင်းရင်းမြစ်များ

Matayo 18:10

“Ale mwilanjililaje! Mulece kumubedegala yunji muyagwe ne wadodo wawa. Nghumulonjelenyi imbeka, vyono i wamalayika wawo kuko ku wulanga, wekalaga nhondo zose ha mwande yo Sogo yangu mono yali ku wulanga. [

Matayo 5:8

Wamoti wono wena nhumbula nzelu, hambi nha womuwona u Mulungu.

Yohana 10:15

nha vyono Baha yamanyile, nane vyono nimumanyile Baba. Nane nghuwulavya u wumi wangu, kusoko ye zingholo.

Walumi 8:18

Hambi nha nghuwona vyono magayo ga lulu si nghani yaye, hono cigalingʼanize no lukumyo lono lologubulilwa kuliʼse.

1 Wakolinto 13:11

Ane lono nali nghali nili mwana mudodo nalongaga cidodododo, natangaga cidodododo, nehwesaga cidodododo. Ninga aluno vyono neza nili munhu mututu, hodu nakondya kuzileka i zinghani zose ze cidodododo.

1 Wakolinto 8:3

Ninga u munhu mono yamwendile u Mulungu, yuyo langa yo yamanyice kuli mwene.

2 Wakolinto 3:18

Holeka ase wose mono si cifunicize wusu wetu, ale cikumulajilila lukumyo lo Muwaha kotya nha mwilole, no lukumyo lulo nalo lono lukulawa kuli Muwaha, mono wo Muhe, wucikawanizaga ho cihwane muno muno ne cihwani cakwe, ku so lukumyo lono lucilile.

2 Wakolinto 5:7

Hambi nha cikujendela wihuwilo, hamba si ko wuwone yaye.

Wafilipi 3:12

Si nghwiwona vyono kotya nakondya kusuma, hamba vyono nakondya kuwa nghwilaniciye, langa nghujendelela kusimbilila ho nicituje i cipegwa cono nebatilwa na Kilisito Yesu.

Yakobo 1:23

Wo wose mono kahulikaga nghani yiyo, hamba siyakuyituma, yuyo yehwanile u munhu mono yakwilanga ifuta yakwe mwilole.

1 Yohana 3:2

Mo wendece wangu, alu ase cili wana wo Mulungu ninga yikali sinejela calinze vyono colowa. Ninga cimanyile du vyono i cipango Kilisito kolo yakwijela, colokwihwana nayo, hambi nha colomuwona vyono yenha.

Wugubule 22:4

Nawo wowuwona wusu wakwe, ne litagwa lyakwe lyokwandikwa mu mahanda go wusu wawo.