1 Wakolinto 12:18 - I CILAGANE CIPYA 1991

¹⁸ Ninga nha vyono yinha, u Mulungu yaciwika i vilunzwa vivyo mu muwili nha vyono yenda mweneco.

Luganuzi Luswanu Kuli Wanhu Wose 2002

¹⁸ Ninga nha vyono yinha, u Mulungu yaviwika i vilunzwa vivyo mu muwili nha vyono yenda mweneco.

1 Wakolinto 12:18 ပူးပေါင်းရင်းမြစ်များ

Luka 10:21

Mu cipango cico Yesu yakamemywa Muhe Mono Yelile yakatya; “Nghukulumba, Gwe Baba, Mukala wulanga ne yinze, vyono kuzihundika zizi kuli we mahala no wizuce, ukawagubulile wadodo, heya Baba, vyo yakwendeza gwegwe.”

Luka 12:32

“Mulece kogopa anye mo cipuga cidodo, hambi Sogo yenyu nha yendile kumupelenyi wutemi.

Walumi 12:3

Kusoko ye lihewa lyo Mulungu lyono napegwa, holeka nghumulonjelenyi nyenye wose, vyono, mulece kwiwona nha muli cinji si nha vyono mwinha. Langa imahweso genyu, geze galingʼaniciye cijelo co wihuwilo, nha vyono u Mulungu yamugawila munhu na cakwe.

Walumi 12:6

Kanyhi, cina vipegwa vyono visimajiye, vyono linha ilihewa lyono capegwa. Na mono yena icipegwa co wuwile, ale yimunojeye yacitumamilaje mu nghango yo wihuwilo wakwe.

1 Wakolinto 12:11

Zizo zose yo milimo yo Muhe yuyo du monga, mono kamupelaga munhu na cipegwa cakwe cono cisimajiye, nha vyono yendile mweneco.

1 Wakolinto 12:17

Na hono lu u muwili wose wali wuwe liso, alu likutu lyali liwe hayi? Na hono u muwili wose wali wuwe likutu, alu u munhu yali yasume nhawule kuhemvya.

1 Wakolinto 12:19

Na hono i vilunzwa vyose vyali viwe cilunzwa cimonga, alu u muwili ma ho wali wuwe hayi?

1 Wakolinto 12:24

na hovili vilunzwa vinji vyono si vikusaka wulanjililwe. U Mulungu mweneco yawuwicila muwili wityatye wayo, no kucinoza cilunzwa cono cicepuciywe, ho ciwe ne lilumbo muno,

1 Wakolinto 12:28

Nayo u Mulungu yawika mwikanisa, walongozi, watumwa, we kejete, wawizi, we kadatu, wejizi, hanyuma yayo, yakawa kuwawika walya wono wena vipegwa vyo kunoza mapoto, kuponya, kutaza, walongola, na wono wakulonga nonga njenzi.

1 Wakolinto 15:38

Ninga Mulungu kayipelaga yiyo yi mbeyu, u muwili wono yakwenda mweneco, ne mbeyu yo yose, yitugaga u muwili wayo yili wene wono wisimajiye ne mbeyu yinji.

1 Wakolinto 3:5

Alu, Apolo yo nani? Hamba Pawulo yo nani? Hambi ase wose nha cili wetumami du, mono camuletelenyi anye u wihuwilo. Nase wose cikwituma u mulimo wono yacipela u Muwaha.

Waefeso 1:5

U Mulungu yali yehwesize ku wulawa mwamulizo vyono yacilete kwakwe ho ciwe wakwe mu nzila ya Yesu Kilisito. Vyo yali yendile na vyo yali yehwesize.

Waefeso 1:9

U Mulungu yacifisiliza cicilya cono yali yatemizye, yakacimanyiza zo wuhile wakwe wono wali wihundice, wono yali yewikanize kuwufisiliza mu nzila ya Kilisito.

Wugubule 4:11

“Agwe yo gwegwe go Muwaha nago Mulungu wetu, mono wunojeye lukumyo, ne lilumbo ne vilungo, hambi nha yo gwegwe muwumbi we vinhu vyose, na ku so wuhile wako, vyose vikawa, na vyose vyapegwa wumi no kuwumipa.”