1 Wakolinto 12:10 - I CILAGANE CIPYA 1991

¹⁰ kamupelaga yunji cipegwa co kunoza mapoto, na yunji cipegwa co kuyiganula nghani yo Mulungu, na yunji cipegwa co wutanje we vipegwa vyono vikulawa mu Muhe na vyono si vyo Muhe, kamupelaga yunji cipegwa co kulonga milonjele ye cijenzi, na yunji kanyhi cipegwa co wulolose.

Luganuzi Luswanu Kuli Wanhu Wose 2002

¹⁰ kamupelaga yunji cipegwa co kunoza mapoto, na yunji cipegwa co kuyiganula nghani yo Mulungu, na yunji cipegwa co wutanje we vipegwa vyono vikulawa mu Muhe na vyono si vyo Muhe, kamupelaga yunji cipegwa co kulonga milonjele ye cijenzi, na yunji kanyhi cipegwa co wulolose.

1 Wakolinto 12:10 ပူးပေါင်းရင်းမြစ်များ

Maluko 16:17

Ne vitanjilo vivi, vyowezana hamonga na wawo wono wehuwiye: mwitagwa lyangu mo wololavizya macisi, wolonga milonjele mipya.

Maluko 16:20

Nawo iwejizwa wakabita wakawa wakuganula hanhu hose. Nayo u Muwaha yaketuma mulimo hamonga nawo no kuyifisiliza inghani yiyo kwe vitanjilo vyono vyawezanaga hamonga nawo.]

Luka 24:49

Nane nomuletelenyi yuyo mono Baba yehuwiza vyono komutuma, ninga mulindilize mumo mwikaya, sunga muvwikwe i vilungo avilya vya kucanyha.”

Yohana 14:12

Mbeka nghumutyenyi: Mono yanyihuwiye, imetumo gono nitumaga, nayo kogetuma, kanyhi kosuma kwituma sunga ne mawaha gono gacizize gaga. Vyono ane nghubita kwa Baba.

Yohana 16:13

Langa kolo yakuza, u Muhe we Mbeka, yo komutonjenyi mu mbeka yose, hambi nha si kolonga zo wulajilize wakwe, langa kolomulonjelenyi zose zono kolohulika, nayo kolonga zono zikuza.

Metumo ge Watumwa 1:8

Ninga mopegwa vilungo, kolo yakumuzizenyi u Muhe Mono Yelile, nanye mowa wahomelezi wangu mu Yelusalemi, na mu yisi yose ya Yudiya, na Samaliya, sunga ko ku mhelo ye yinze.”

Metumo ge Watumwa 11:27

Mu vilo vivyo du, wawizi wanji wakaza ku Antiyokiya wakulawa ku Yelusalemi.

Metumo ge Watumwa 11:28

Yakema muyawo yumonga litagwa lyakwe Agabo, na kwe vilungo vyo Muhe, yakalajila vyono yolowa nzala mbaha kononze kose. (Ne nzala yiyo yikawa mu vilo vyo mutemi Kilawudiyo.)

Metumo ge Watumwa 19:6

Hobaho Pawulo yakawawicila miwoko, no Muhe Mono Yelile yakawatimila, wakanza kulonga milonjele yinji yinji, no kuyiganula inghani yo Mulungu.

Metumo ge Watumwa 5:3

Ninga Petelo yakamuwuza yakutya, “Ati, Ananiya, alo so cici Setani yakumemizye nhumbula yako, ho umukoce u Muhe Mono Yelile, ho ukacepule nusu ye zipesa zono wawuguza mugunda?

Walumi 12:6

Kanyhi, cina vipegwa vyono visimajiye, vyono linha ilihewa lyono capegwa. Na mono yena icipegwa co wuwile, ale yimunojeye yacitumamilaje mu nghango yo wihuwilo wakwe.

Walumi 15:19

Mu vilungo vye vitanjilo na mu mezino, na mu vilungo vyo Muhe wo Mulungu. Holeka mu wupilima hanhu hose, ku wulawilila ku Yelusalemi sunga ku Iluliko, nghuluganula no kulukwiza u Luganuzi Luswanu lwa Kilisito.

1 Wakolinto 11:4

Holeka u mulume wo wose mono yakuhemba, hamba yakuganula nghani yo Mulungu akuno yagubicize no mutwe wakwe, ale yuyo yakumubedegala Kilisito.

1 Wakolinto 13:8

Wendo si wudumaga hamba hadodo. Na hone Kovili i vipegwa vyo kuyiganula nghani yo Mulungu, avyo langa mwizuwa linji vilawuka, na hone vipegwa vyo wulonga zinonga zinjenzi, avyo vyoloduma, na hone kowuli wusomi, nawo nha vivyo du wolopuluta.

1 Wakolinto 14:13

Holeka mono yakulonga mu milonjele mijenzi, yimunojeye yalombe, ho yasume kuyilolosa.

1 Wakolinto 14:39

Holeka anye wandugu zangu, yinojeye kulinye muwe no wuhile wo kuyiganula nghani yo Mulungu, ninga hamba nha vivyo, mulece kumulemeza yunji ku wulonje milonjele mijenzi.

Wagalatiya 3:5

Ma, u Mulungu, yakawa kumupelenyi u Muhe kanyhi no kwituma mapoto muli nyenye, vyono mukuzifisiliza za mu Wulajilize hongo, hamba vyono mukuluhulika u Luganuzi Luswanu no kulwihuwila?

1 Watesalonike 5:20

mulece kuwubedegala wuwizi.

Wahebelaniya 2:4

Nayo u Mulungu yakonjeleza u wuhomelezi wakwe nha vivyo, lono yanozeza vitanjilo ne mezino ge mawala menji, na lono yawagawila wanhu i vipegwa vyo Muhe Mono Yelile nha vyono mweneco yali yendile.

1 Yohana 4:1

Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ngʼo. Hambi i wawizi wenji wo wulambi nha wakwijela mononze.

Wugubule 2:2

Manyile i metumo gako gose, niwumanyile no wuhidimbazi wako, hamonga no wukangalizi wako wose. Kanyhi manyile nha vyono si wukusuma kuwakangalila wanhu wabi, kanyhi na vyono wakondya kuwamanya awalya wono wakwiyitya watumwa, nawo wo si wene, kumbe wakulonga wulambi.