1 Wakolinto 11:26 - I CILAGANE CIPYA 1991

²⁶ Hambi nha ho hose lono mukuwulya u mukate wuwu no kucingʼwa i cikombe cici, nha mukwanza ze lifwa lyo Muwaha, sunga kono kolo kuziza.

Luganuzi Luswanu Kuli Wanhu Wose 2002

²⁶ Hambi nha ho hose lono mukuwulya u mukate wuwu no kucing'wa i cikombe cici, nha mukwanza ze lifwa lyo Muwaha, sunga kono kolo kuziza.

1 Wakolinto 11:26 ပူးပေါင်းရင်းမြစ်များ

Yohana 14:3

Na hono mbite, nghamuwikanizizenyi wikalo, nolowuya, ho nimucemelenyi kwangu, nanye ho mwikale hono ho nili ane.

Yohana 21:22

Yesu yakamutya, “Hono nyende yuyu yekale sunga kolo nghuza, agwe wina nghani ʼci? Agwe wunhyatyaje nene.”

Yohana 21:23

Ne nghani yiyo yikamanyika muli we zindugu, vyono u mwijizwa yuyo si kolofwa. Ninga Yesu si yamulonjela vyono u mwijizwa yuyo si kolofwa, langa yatya, “Hono nyende yuyu yekale sunga kolo nghuza, agwe wina nghani ʼci?”

Metumo ge Watumwa 1:11

nawo wakatya, “Nye nyo wanhu wa Galilaya, alo so cici mwimile mugalamiye ku wulanga? Ayu Yesu mono yasoligwe kuliʼnye no kubita ku wulanga, kolokuza kanyhi nhavivyo vyono mumuwene yakubita ku wulanga.”

1 Wakolinto 15:23

Ninga munhu na hakwe mweneco nha vyono yawajigwe, na Kilisito, yo mulongozi muli wose, hanyuma ho awalya i wakwe Kilisito kolo yeza kuza.

1 Wakolinto 4:5

Holeka mulece kulingʼaniza lono vilo vikali si nafika, muzilekaje ziwe nha vivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, kuwulawa kuli Mulungu.

1 Watesalonike 4:16

Hambi nha wololavywa u wulajilize, lizi lya malayika muwaha, ne lizi lye ndulele yo Mulungu, nayo u Muwaha mweneco kolotima kulawa ku wulanga. Hobaho awalya wono wawuka kononze akuno wamwihuwiye Kilisito, wololongola kuzukulwa.

2 Watesalonike 1:10

kolo yakuza mwizuwa lilyo no kulubocela u lukumyo ne lilumbo kulawa kuli wanhu wose wono wamwihuwiye. Nanye nha vivyo, molowa wayagwe na wawo, hambi nha mwayibocela i nghani yono camuletelenyi.

Wahebelaniya 9:28

nha vivyo nayo Kilisito yelavya i kumbiko lwa kamonga du ho yawuwuse u wubi wa wenji. Nayo yalaza kuza lwe kejete ho yalece kuziza so wihoma no wubi, langa so kuwakomboza wawo wono wakumulindila.

2 Petelo 3:10

Lizuwa lyo Muwaha lyolokuza nha muhizi. Mwizuwa lilyo, wulanga wolokwajilila ne cihumbi ciwaha, ne vinhu vyayo vyo kulawa katali vyolokongomezwa no moto, nayo yinze yolokwajilila, hamonga ne vinhu vyose vyono vili mumo.

1 Yohana 2:28

Holeka mo wanangu mwikalaje muli mwene, ne lidaha lilaza kuwa lyaza, ciwe cikamile, ho cilece kuwa na soko yo kwihundika so cevu, mwizuwa lyo wuze wakwe.

Yuda 1:14

Nayo Enoci u kuku yetu wo mupunghati vyono yalawa Adamu, yawawilila i wanhu wawo yakutya, “Langa ta, u Muwaha yaza na maelufu ga wamalayika wakwe wono welile,

Wugubule 1:7

Langa ta! Yakuziza mu mavunde! Ne wanhu wose wolomuwona, sunga na walya wono wamucinya no mugoha. Ne makungugo gose ga kononze gololila ku soko yo mwene. Heya! Vyo yiweze.

Wugubule 22:20

Nayo mono yakuhomelela zizino, yakutya, ‘Heya mbeka! Nghuza musunho muno muno.” Heya. Na yiweze nha vivyo! Wuze go Muwaha Yesu!