1 Wakolinto 10:32 - I CILAGANE CIPYA 1991

³² Mulece kuwa cikobazo kuli Wayahudi, hamba kuli Wagiliki, hamba mwikanisa lyo Mulungu.

Luganuzi Luswanu Kuli Wanhu Wose 2002

³² Mulece kuwa cikobazo kuli Wayahudi, hamba kuli wono si Wayahudi, hamba mwi'kanisa lyo Mulungu.

1 Wakolinto 10:32 ပူးပေါင်းရင်းမြစ်များ

Metumo ge Watumwa 20:28

Mwikamisaje mo weneco, mulikamisaje na lilyo i litewa lyose, lyono u Muhe Mono Yelile yamuwicenyi anye ho mulidime. Mulidimaje ilikanisa lyo Mulungu, lyono yaligula ne sakami yo Mwanagwe.

Metumo ge Watumwa 24:16

Ku soko yiyo, nene no mweneco, nghwihidimbaza, ho niwe na nhumbula swanu kuli Mulungu, na kuli wanhu, nhondo zose.”

Walumi 14:13

Holeka cilece kwilingʼaniza, langa ciyohaje ho cilece kuwa cikobazo hamba hadodo kuli muyetu, hamba kumupela soko yo kwituma wubi.

1 Wakolinto 1:2

nase, cikumwandicilenyi anye mono muli likanisa lyo Mulungu lyono lili kuko ku Kolinto. Anye mono mwakondya kwezezwa mu wilunza na Kilisito Yesu, kanyhi mukacemwa ho muwe wanhu wo Mulungu, hamonga ne wanhu wose, hanhu ho hose, wono wakumulomba u Muwaha wetu Yesu Kilisito, u Muwaha wawo, sunga na sese nha vivyo.

1 Wakolinto 10:33

Ale, wose muweze nha vyono ninha nene, ane nghujela kuwendeza wanhu wose mu zinzila zose, hamba kulondola cambuzi cangu no mweneco, langa nghulondola cambuzi ce wanhu wose, ho waponywe.

1 Wakolinto 11:22

Alu mwene, si mukusuma kulya no kungʼwa mu zikaya zenyu? Hamba, ma, mukulibedegala i likanisa lyo Mulungu, no kuwapela cevu wawo wono wasina cinji? Alu mukusaka nimulonjelenyi nitye wule? Nimukumyenyi ku soko ye nghani yiyi? Aa, ngʼo hamba hadodo!

1 Wakolinto 12:28

Nayo u Mulungu yawika mwikanisa, walongozi, watumwa, we kejete, wawizi, we kadatu, wejizi, hanyuma yayo, yakawa kuwawika walya wono wena vipegwa vyo kunoza mapoto, kuponya, kutaza, walongola, na wono wakulonga nonga njenzi.

1 Wakolinto 15:9

Hambi ane nha nili mudodo muno muno muli watumwa wose, mono singhwiliye hamba kucemwa mutumwa, kusoko vyono naligaza muno i likanisa lyo Mulungu.

1 Wakolinto 7:17

Munhu wo wose yimunojeye yekale mu mikalile nha vyono vinha vipegwa vyono u Muwaha yamugawila, na kanyhi nha vyono yacemwa no Mulungu. Na lili lyeʼlajliizo lyangu kuli makanisa gose.

1 Wakolinto 8:13

Holeka hono ndigwa yiwe yikuwa kumuletela ndugu yangu wugwe, hodu sinolila lukulu nyama, ho ndece kumugwisiza ndugu yangu mu wubi.

2 Wakolinto 1:1

Kulawa kuli nene Pawulo no mutumwa wa Kilisito Yesu so wuhile wo Mulungu no ndugu yetu Timoteyo. Cikumwandicilenyi anye mono muli we likanisa lyo Mulungu lyono lili kuko ku Kolinto, hamonga ne wanhu wose wo Mulungu we hanhu hose mu Akaya.

2 Wakolinto 6:3

Na kanyhi vyono si cikusaka ciwe ne lilema lyo lyose mu witumami wetu, holeka si cendile kumuwicila munhu wo wose cikobazo co cose.

Wagalatiya 1:13

Hambi nha manyile vyono mwazihulika i ze mikalile yangu ye katali yo wibata dini ye Ciyahudi, kanyhi na vyono naligazaga muno muno likanisa lyo Mulungu, sunga nghawa nili behi no kulihodanjlia lukulu.

Wafilipi 1:10

ho musume kuhagula zinghani ziswanu. Baho ho mowa mwina nhumbula nzelu, kanyhi musina ilema sunga ko Kwizuwa lya Kilisito.

Wafilipi 3:6

nane nali nili mupiligazi muno, ninga naligazaga likanisa. Na ku so wilingʼano wono wukutujliwa mu wuhulika u Wulajilize, ane nghawa sina ilema lyo lyose.

1 Watesalonike 2:14

Nye wandugu zangu, nanye nha zamwaganenyi zono zagagana i Makanisa go Mulungu ga ku Yudiya, zinghani zono zawagana i wanhu wa Kilisito Yesu. Nanye mwatamiswa ne wanyawusi wayenyu, nha vyono iwene nawo wagazwa ne Wayahudi wayawo,

1 Timoteyo 3:15

Ninga hono nyhezwe muno, ale, ibaluwa yiyi yokumanyiza imikalile yono yicinojeye ciwe nayo mu mhuga yo Mulungu, lyono lyo likanisa lyo Mulungu mumi, lyono lye ʼsumbili no musinji we mbeka.

1 Timoteyo 3:5

Hambi hono munhu yawe si yakusuma kuyitonga viswanu i mhuga yakwe, mweneco, alu ho kosuma wule kulidima likanisa lyo Mulungu?