1 Wakolinto 10:14 - I CILAGANE CIPYA 1991

¹⁴ Holeka ku soko yiyo mo wendece wangu, mwilegaje mu wuhemba vihwani.

Luganuzi Luswanu Kuli Wanhu Wose 2002

¹⁴ Holeka ku soko yiyo mo wendece wangu, mwilegaje mu wuhemba vihwani.

1 Wakolinto 10:14 ပူးပေါင်းရင်းမြစ်များ

Metumo ge Watumwa 15:20

Langa ciwandicile baluwa, ciwalonjele vyono, walece kulya zindigwa zisemunwa, zono zilavigwe so vihwanicizo vye milungu, weleje no wusenyha, walece kulya nyama yo yose yono yinyonjigwe, kanyhi walece kungʼwa sakami.

Walumi 12:19

Mo wendece wangu, mulece kwilipiciza, langa mumulecelaje u Mulungu inghani yiyi, hambi i Mandiko Gono Gelile nha gakutya, “U mulimo wo kulipiciza wo mulimo wangu, yo nene du mono nolipiciza, vyo yakutya u Muwaha.”

1 Wakolinto 10:15

Ane nghulongana nanye nhe wanhu we mahala, holeka mwihagulilaje nyo weneco muli zizo zono nghulonga.

1 Wakolinto 10:19

Alu nghusaka nonje cici? Wo wutya ndigwa yono yikumbiciywe vihwani yikuwa yili cinhu cinji mbi, kuciza ndigwa? Hamba vivyo vihwani wule, vikuwa vinhu vye mbeka kuciza vihwani?

1 Wakolinto 10:7

Kanyhi mulece kuwa wahemba vihwani, nha vyono wali wenha wayawo wanji, nha vyono i Mandiko Gono Gelile gakutya, “I wanhu wakekala ho walye no kungʼwa wakenuka wedawale.”

1 Wakolinto 5:11

Ninga ane cono natunilizaga mu wandice wangu nha coci, mulecele lukulu kuhanga na we ndugu Mukilisito, u musenyha, mubuguci, mono yakuhemba vihwani, musonjeza wayagwe, mugaloʼjimbi, kanyhi mulambilambi. U munhu we liwala lilyo, hamba kulya du, mulece kulya hamonga nayo.

2 Wakolinto 11:11

Alo nhawule nghulonga nha vivi? Vyono si nimwendilenyi nyenye? Ninga Mulungu yamanyile vyono nimwendilenyi nyenye muno!

2 Wakolinto 12:15

Ane nyendezwe muno nitumile cono nina naco, sunga ko ku wilavizya lukulu nene no mweneco, ku soko ye cambuzi ce zinhumbula zenyu. Alu hongo monyenda hadodo, vyono atiʼne nimwendilenyi anye muno muno?

2 Wakolinto 12:19

Lunji mukwihwesa vyono sunga nalu cikali cikwitetela haliʼnye! Ninga cikuzilonjela i zinghani zizi hali Mulungu akuno cilunzize na Kilisito. Ninga soko ye zinghani zizo zose, nye nyo wedece wangu, ho musume kuzengwa.

2 Wakolinto 6:17

Holeka u Muwaha kanyhi yakutya, “Ale muwuce muli wene, mweze musiwanuce mulece kupamiziza lukulu cinhu cavu nane ho nomubocelenyi.

2 Wakolinto 7:1

Holeka nyo wendece, vyono cakondya kupegwa i vilagane vivyo yicinojeye nase ciyeze muli zose zono zosuma kucitipiza mu miwili sunga na mu zinhumbula zetu, ho ciwe celile muno muno, no kwikala mu mikalile yono yimogopilo Mulungu.

Wafilipi 4:1

Holeka wandugu zangu wendece, nina nyhilu muno yo kumuwonenyi, hambi anye nha yo nyenye nyemo yangu, no mukumbo wo lukumyo lo wusume wangu. Holeka nyo wendece wangu, vyo yinojeye kuli anye, mweze mukamile muli Muwaha.

Filemoni 1:1

Ane yo nene Pawulo mono mbopigwe mu jela ku soko ya Kilisito Yesu, na Timoteyo ndugu yetu, cikukwandicila agwe Filemoni u mwendece wetu no mwitumami muyetu,

Wahebelaniya 6:9

Ninga hamba ciwe cikulonga nha vivi, mo wendece wetu, cina witumbilo wuwaha muli zo wuwe wenyu cimanyile vyono mwabocela u wulugutizwe muli azilya i ziswanu ze mhonelo yenyu.

1 Petelo 2:11

Nye nyo wendece wangu, nghumunenenyi nyenye nha wajenzi kanyhi wakola nzila mononze! Mwiyilegaje mu masulumizi go muwili gono vikulewana ne nhumbula.

1 Yohana 5:21

Mo wanangu, mwilegaje ne milungu yo wulambi!

Wugubule 13:8

Na wose wono wekaye mononze wolihemba, ninga awalya wono matagwa gawo gandikwe mu citabu co wumi co Mwana we ngholo mono yawulagwa ku wulawo mwamulizo we yinze, wawo langa si wolihemba yaye.

Wugubule 2:14

Ninga hamba nha vivyo, nina nghani zinji nyhefu kuliʼgwe, vyono wanji wa muli nyenye, muli watyatyi wa Balamu mono yamufunda Balaki, ho yawawicile cikobazo i wana wa Isilayeli ho walye zindigwa zono zali zikumbiciye vihwani, kanyhi wasenyhe.

Wugubule 21:8

Ninga i wanhu woga, na wono si wehuwiye, na wono wena metumo ge cikomaza, ne wawulaji, ne wasenyha, ne wahawi, na wono wakuhemba vihwani, sunga ne walambi wose, awo wose lifungu lyawo mugati ye lilamba lyono likwaka moto ne cibiliti, alyo lyeʼfwa lye kejete.”

Wugubule 22:15

Ninga mabwa, ne wahawi, ne wasenyha, ne wawulaji, ne wahemba vihwani, sunga na wose wono wendile kulonga zo wulambi, wawo wose si wokwinjilila lukulu mwikaya lilyo, langa wokwikala kunze du.