1 Wakolinto 1:8 - I CILAGANE CIPYA 1991

⁸ U mwene Yesu, komusikamyenyi nyenye wose sunga ko ku ndumo, ho muze mwijele musina yilema lyo lyose, kwizuwa alilya lyo Muwaha wetu Yesu Kilisito.

Luganuzi Luswanu Kuli Wanhu Wose 2002

⁸ U mwene Yesu, komusikamyenyi nyenye wose sunga ko ku ndumo, ho muze mwijele musina yilema lyo lyose, kwizuwa alilya lyo Muwaha wetu Yesu Kilisito.

1 Wakolinto 1:8 ပူးပေါင်းရင်းမြစ်များ

Luka 17:24

Hambi nha vyono linha limuli, lono likumulika likulawa ku lubavu lumonga lo wulanga, sunga ku lubavu luyagwe lo wulanga; vyo kolowa no Mwana wo Munhu mwizuwa lyakwe.

Luka 17:30

Nha vivyo vyo yolowa yinha mwizuwa lilyo lyono kologubulilwa u Mwana wo Munhu.

Walumi 14:4

Hambi alu agwe wuli nani, mono kumulingʼaniza u mwitumami wa yunji? Na hono yeme hamba hono yagwe, yo nghani yo Mutwawe, heya, kokwimywa no kusikamywa, hambi u Muwaha nha yadahile kumwimya.

Walumi 16:25

Alenyi luno cimukumye u Mulungu! U Mwene kosuma kumusikamizizyenyi mu Luganuzi Luswanu lululya, lono naluganula muli zinghani za Yesu Kilisito, na mu nghani ayilya ye cinyele ye mbeka yono yali hundikwe mu ndelo nyinji zono zapuluta.

Walumi 8:19

Hambi iviwumbwa vyose, nha vikulanjilila muno, u Mulungu yawalajile calinze iwanagwe.

1 Wakolinto 3:13

Na yiwe vyo vyose du, vyono yowa yinha, ninga u wuswanu wo mulimo wa yumonga yumonga, wolokwijelela Mwizuwa lilyo lya Kilisito, lilawa kuyanzalika i milimo yose. Hambi Lizuwa lilyo nha lyolokuza lina no moto, no moto wuwo nawo, wolowujela u mulimo wo wose, no kusuma kuwulajila u wuswanu wayo.

1 Wakolinto 5:5

ale, mumupelaje Setani u munhu yuyo, u muwili wakwe ho wuhodangwe, ninga nhumbula yakwe, ho yisume kuponywa, Mwizuwa alilya lyo Muwaha.

2 Wakolinto 1:13

Holeka cikumwandicilenyi nanye izinghani zono mosuma kuzisoma no kuzizuka.

2 Wakolinto 1:14

Ninga hamba yiwe aluno mukucizuka hadodo du, nitumbiye vyono hanyuma mocizucila lukulu, Mwizuwa alilya lyo Muwaha wetu Yesu, ho muze musume kwilumbila muli sese, nha vyono nase colokwilumbila muli nyenye.

2 Wakolinto 1:21

U Mulungu mweneco yo kacisikamyaga ase hamonga na nyenye mu wilunza na Kilisito, kanyhi yo kacisiwanulaga,

Waefeso 5:27

ho yetujile Likanisa lyono lyelile, na lyono iswanu, Likanisa lyono lisina manamha manamha hamba cilema, hamba ganji go gose gono genha gaga.

Wafilipi 1:10

ho musume kuhagula zinghani ziswanu. Baho ho mowa mwina nhumbula nzelu, kanyhi musina ilema sunga ko Kwizuwa lya Kilisito.

Wafilipi 1:6

Holeka nitumbiye vyono, u Mulungu mono yawanza u mulimo wuwu muswanu muli nyenye, kowujendeleza sunga ko ku wukondelecele mwizuwa tilya lya Kilisito Yesu.

Wakolosayi 1:22

Ninga alu so wufwe wo Mwanagwe mono yekala baha mononze, u Mulungu yakondya kwilamula nanye, ho yamuletenyi hali mwene mwelile, musina yilema.

Wakolosayi 2:7

Kanyhi munojeye muhomele milela muli mwene no kwizenga muli mwene kanyhi musikame mu wihuwilo wenyu nha vyono mwejizwa. Muweze ne lilumbo iwaha.

1 Watesalonike 3:13

Holeka nayo komukamyenyi zinhumbula zenyu, nanye mowa mukwilaniciye mu wele hali Mulungu no Sogo yetu, mwipango lono kolokuziza u Muwaha wetu Yesu hamonga ne wakwe wose.

1 Watesalonike 5:2

Hambi nha mumanyile nyo weneco vyono, i lizuwa lyo Muwaha lyolokuza nha muhizi vyono kazaga ku cilo.

2 Watesalonike 2:2

vyono mulece kuwa na mahwele ge mbela mbela mu zinhumbula zenyu, hamba mulece kogopa so wulonje wo wutya, “I lizuwa lyo Muwaha lyakondya kuza.” Lunji yikwihweswa vyono i nghani yiyi yikulawilila mu wuwile wunji wunji, hamba mu wuganule, hamba mu baluwa yono yikutegwa vyono yilawiliye kono kwetu.

2 Watesalonike 3:3

Ninga u Muwaha yo mwihuwilwa. U Mwene komusikamyenyi kanyhi komudimenyi viswanu kuli ayulya mubi.

2 Timoteyo 1:12

na ku soko yiyo, holeka nghutamiswa nha vivi. Holeka nghali nina witumbilo wuwaha, hambi nha nimumanyile mono namwihuwila, kanyhi manyiye lukulu vyono mwene kocikamisa cicilya cono yanghoza, sunga Mwizuwa lilya.

2 Timoteyo 1:18

U Muwaha yamuwonele lusungu Mwizuwa lilya! Kanyhi na gwegwe nha vivyo, wuzimanyile viswanu zi nyinji zono yanyitumamila kuko ku Efeso.

1 Petelo 5:10

Ninga kolo mukugazika cidaha cidodo vivi, Mulungu mono yo ndawililo ye lihewa lyose na mono yakumucemenyi muwuhanje ulukumyo lwakwe we cibitilila muwilunza na Kilisito, umweneco komukwilanicizenyi no kumukangazenyi, kanyhi komupelenyi vilungo no musinji wono wukamile.

2 Petelo 3:10

Lizuwa lyo Muwaha lyolokuza nha muhizi. Mwizuwa lilyo, wulanga wolokwajilila ne cihumbi ciwaha, ne vinhu vyayo vyo kulawa katali vyolokongomezwa no moto, nayo yinze yolokwajilila, hamonga ne vinhu vyose vyono vili mumo.

2 Petelo 3:14

Holeka nyo wendece wangu, vyono mulilindiye lizuwa lilyo, mupiligale kwiyeza muno muno, muwe musina manamha manamha hali Mulungu, ho mowa no mulamu nayo.