1 Wakolinto 1:6 - I CILAGANE CIPYA 1991

⁶ hambi inghani ya Kilisito nha yakondya kukangazwa muliʼnye,

Luganuzi Luswanu Kuli Wanhu Wose 2002

⁶ hambi inghani ya Kilisito nha yakondya kukangazwa muli'nye,

1 Wakolinto 1:6 ပူးပေါင်းရင်းမြစ်များ

Maluko 16:20

Nawo iwejizwa wakabita wakawa wakuganula hanhu hose. Nayo u Muwaha yaketuma mulimo hamonga nawo no kuyifisiliza inghani yiyo kwe vitanjilo vyono vyawezanaga hamonga nawo.]

Metumo ge Watumwa 11:17

Alu hono Mulungu yawapela nha vivyo i wanhu we Makungugo ganji icipegwa ci cilya cono yacipela nase lono camwihuwilila u Muwaha Yesu Kilisito, alu ane waco nili nani mbi, ho sume kumwimila Mulungu?”

Metumo ge Watumwa 11:21

U Muwaha yakawataza, ne wanhu wenji wakehuwila, no kumupitucila u Muwaha.

Metumo ge Watumwa 18:5

Ninga Sila na Timoteyo waza kuza wakulawa Makedoniya, Pawulo yakanza kwitumamila vipango vyakwe vyose, so kuluganula Luganuzi, yakuwahomelela Wayahudi nha vyono Yesu yo mwene Kilisito.

Metumo ge Watumwa 20:21

Nawahomelela wose, Wayahudi hamonga ne wanhu we makungugo, ho wamupitucile Mulungu no kumwihuwila Muwaha wetu Yesu.

Metumo ge Watumwa 20:24

Ninga ane si nghuganiciza wumi wangu nha cinji cikamu kuliʼne, si nho wukondeleze wo muhinzo wangu, no witumami wono nabocela kuli Muwaha Yesu, kuluhomelela u Luganuzi Luswanu lwe lihewa lyo Mulungu.

Metumo ge Watumwa 22:18

Nghamuwona Muwaha, nayo yakanyitya, ‘Wusunhe, wuwuce mbela mu Yelusalemi, hambi iwanhu wa baha, nha si wowuvumila wuhomelezi wako wa kuliʼne.’

Metumo ge Watumwa 23:11

Mu cilo cico, u Muwaha yakema behi na Pawulo, yakamutya, “Wisindamice, hambi nha vyono wuhomeleye zangu kukuno kono Yelusalemi, nha vivyo vyo yikunojeye kuhomelela na ku Lumi.”

Metumo ge Watumwa 28:23

Hodu wakawa kupanga nayo lizuwa lyo kwitangʼanila, na wenji muno wakamubitila ku nyumba yakwe yono yekalaga. Nayo Pawulo ku wulawa hakali mitondo sunga lyoswa, yakawa yakuwasimuliziza no kuwaloloseza zo Wutemi wo Mulungu, yakajela muno kuwakwega ho walumbe izinghani za Yesu, yakwitumamila Wulajilize wa Musa ne mandiko ge wawizi.

Walumi 15:19

Mu vilungo vye vitanjilo na mu mezino, na mu vilungo vyo Muhe wo Mulungu. Holeka mu wupilima hanhu hose, ku wulawilila ku Yelusalemi sunga ku Iluliko, nghuluganula no kulukwiza u Luganuzi Luswanu lwa Kilisito.

2 Wakolinto 12:12

I mapoto ne mezino vyono yikulajila calinze vyono nane nili mutumwa, nha vyanozezwa muli nyenye ko wukangalizi wose.

Wagalatiya 3:5

Ma, u Mulungu, yakawa kumupelenyi u Muhe kanyhi no kwituma mapoto muli nyenye, vyono mukuzifisiliza za mu Wulajilize hongo, hamba vyono mukuluhulika u Luganuzi Luswanu no kulwihuwila?

2 Watesalonike 1:10

kolo yakuza mwizuwa lilyo no kulubocela u lukumyo ne lilumbo kulawa kuli wanhu wose wono wamwihuwiye. Nanye nha vivyo, molowa wayagwe na wawo, hambi nha mwayibocela i nghani yono camuletelenyi.

1 Timoteyo 2:6

mono yelavya mweneco ho yawakomboze iwanhu wose. Wuwo wali wo wuhomelezi we cipango cono u Mulungu yakuhila kuwaponya wanhu wose.

2 Timoteyo 1:8

Ale, holeka wulece kuwona cevu kumuhomelela u Muwaha wetu Yesu, hamba wulece kuwona cevu ku soko yangu nene no mufungwa, mono funjigwe ku soko yakwe, Yesu. Ninga wuhanje magazo ku soko yo Luganuzi Luswanu, mu nghango ye vilungo vyono Mulungu yakukupela.

Wugubule 1:2

nayo Yohana yakazilonga zose zono yaziwona. Awuno wo wuhomelezi wakwe kuli ze nghani yo Mulungu ne mbeka yono yagubulwa na Yesu Kilisito.

Wugubule 1:9

Ane yo nene Yohana u ndugu yenyu, na mu wilunza na Kilisito, nghuhanga hamonga nanye mu wukangalila magayo gono gakuwagana wose wono wali mu wutemi wakwe. Ane nawikwa mu cizingwa ca Patimo, ku soko yo kuyiganula nghani yo Mulungu ne mbeka ya Yesu.

Wugubule 12:11

Nawo iwandugu zetu wakamusuma ku so sakami yo Mwana we ngholo, na kwe vilungo vye imbeka yono wayiganula, kanyhi wawuwona u wumi wawo si cinji, hamba wafwe.

Wugubule 12:17

Holeka lizoka lilyo likawa kumusimbila yuyo mucekulu, hodu likawa kwibitila, likawa kubita no kwihoma na wanji we mbeyu yo mucekulu yuyo wose wono wakukamisa malajilizo go Mulungu, kanyhi wehuwilwa mu mbeka yono yaziza muli Yesu.

Wugubule 19:10

Ale, nane nghagwa hasi funama ha magulu gakwe nghuhila nimuhembe. Ninga mwene yakanonjela yakutya, “Leka! Ane nane nili mwitumami du nha gwegwe hamonga ne wanduguzo, ase wose mono ciyikamisaga i mbeka yiyilya yono Yesu yayigubula. Muhembo Mulungu!” Hambi i mbeka yono Yesu yayigubula, yo yikuwamulicila wawizi.

Wugubule 6:9

Hanyuma kanyhi u Mwana we ngholo yakacinamatula i cinamatizo ce hano. Ale hasi ye cikumbicilo co kufusiza wuvumba, nghawona awalya wono wawulagwa ku soko ye nghani yo Mulungu, na ku soko yo kuyiganula.