1 Wakolinto 1:5 - I CILAGANE CIPYA 1991

⁵ Hambi nha ku soko yo wilunze wenyu na Kilisito, nha mwakondya kuwa muli wagoli we vinhu vyose. Kanyhi, mwakondya kupegwa u wumanye wose hamonga ne vilungo vyose vyo kuganulila,

Luganuzi Luswanu Kuli Wanhu Wose 2002

⁵ Hambi nha ku soko yo wilunze wenyu na Kilisito, nha mwakondya kuwa muli wagoli we vinhu vyose. Kanyhi, mwakondya kupegwa u wumanye wose hamonga ne vilungo vyose vyo kuganulila,

1 Wakolinto 1:5 ပူးပေါင်းရင်းမြစ်များ

Metumo ge Watumwa 2:4

Wose wakamemywa Muhe Mono Yelile, wakanza kulonga milonjele hayo hayo, nha vyono Muhe yawapela vilungo mu wulonje.

Walumi 11:12

Holeka hono u wugwe wawo, wuwaletela we yinze wugoli wo wumoteswe wuwaha, ale nha vivyo wuwe wawo wo kuwa wasina i mikalile miswanu ye cimuhe, wuwaletela wumoteswe wuwaha iwanhu we makungugo ganji. Holeka yili calinze muno, vyono wukwilanicile wawo, woleta uwumoteswe winji muno.

Walumi 15:14

Wandugu zangu, ane no mweneco, manyiye lukulu vyono anye mo weneco mumemile u wuswanu, no wumanye wose, na kanyhi vyono mosuma kwiyilanjiza nyenye wose.

Walumi 15:4

Hambi zose zono zandikwa, nha zandikwa ho zicijize ase, nase ho cituje witumbilo mu wukangalile, na mu wusindamice wono cikupengwa ne Mandiko gago Gono Gelile, ho ciwe no witumbilo.

1 Wakolinto 12:10

kamupelaga yunji cipegwa co kunoza mapoto, na yunji cipegwa co kuyiganula nghani yo Mulungu, na yunji cipegwa co wutanje we vipegwa vyono vikulawa mu Muhe na vyono si vyo Muhe, kamupelaga yunji cipegwa co kulonga milonjele ye cijenzi, na yunji kanyhi cipegwa co wulolose.

1 Wakolinto 12:8

U Muhe kamupelaga yunji i nghani ye mahala, na yunji i nghani yo wusome, nha vyono yendile u Muhe yuyo du.

1 Wakolinto 13:2

Na kanyhi yisumice niwe ne cipegwa ciswanu co kuyiganula nghani yo Mulungu, no kuzimanya ze cinyele zose, sunga no kusuma kuzimanya zose, kanyhi ndahile kuwa no wihuwilo wono wukwilaniciye, sunga sume kugahamye matunda, ninga hamba nha vivyo hono niwe sina wendo, ane si nili cinji yaye.

1 Wakolinto 13:8

Wendo si wudumaga hamba hadodo. Na hone Kovili i vipegwa vyo kuyiganula nghani yo Mulungu, avyo langa mwizuwa linji vilawuka, na hone vipegwa vyo wulonga zinonga zinjenzi, avyo vyoloduma, na hone kowuli wusomi, nawo nha vivyo du wolopuluta.

1 Wakolinto 14:26

Nye wandugu zangu, alu cilonje ciwe kutya nhawule? Ninga kolo mwehanguliza hamonga, yunji yembe lwimbo, na yunji yejize, na yunji yaweze no wugubulilwe wono wukulawa kuli Mulungu, yunji nayo yetumamilaje cipegwa co kulonga mu milonjele mijenzi na yunji yalolose zono zikulongwa. Na zose zitumwe ku soko yo kulizenga likanisa.

1 Wakolinto 8:11

Na hobaho yuyo u nduguyo u musocele, mono Kilisito yafwa ku soko yakwe, kokwajilila ku soko yo wumanye wako.

2 Wakolinto 4:6

U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.

2 Wakolinto 6:10

Hamba ciwe catuga wulipicizwe, ninga si cikawulagwa yaye, hamba ciwe cina wuzinguce, ninga cikusangalala nhondo zose, hamba ciwe ciciwape muno muno, ninga cikuwagolifya wanhu wenji, cijelaga nha cili wanhu mono cisina cinji co cose, ninga kumbe ho cina navyo i vinhu vyose.

2 Wakolinto 8:7

Vyono mukwizize vyose, mu wihuwilo, wulonje, wumanye, wupiligazi wo kwituma i ziswanu, sunga na mu wendo wenyu wa kuliʼse. Holeka, cikuhila mucile muno mu witumami wuwuno wo wendo.

2 Wakolinto 9:11

Nayo komugolifyenyi nhondo zose muli vyose, wanhu ho wasume kumulumbo Mulungu, ku soko ye vipegwa vyenyu vyono wakuvibocelela mu miwoko yetu.

Waefeso 1:17

ho u Mulungu wo Muwaha wetu Yesu Kilisito u sogo wo lukumyo, yamupelenyi u Muhe wakwe mono komupelenyi wizuce, no kumugubulilenyi ho mumumanye u Mulungu.

Waefeso 2:7

Nha vivyo vyo yenda kuwulajila kuli wanhu wa ku myaka yono yokuza, u wuwaha we lihewa lyakwe wono yacipela bwete so wilunze wetu na Kilisito Yesu.

Waefeso 3:8

Ane nili mudodo si nhe wanhu wo Mulungu wose, ninga napegwa ilihewa lyakwe, ho niwaganulile iwanhu we makungugo u wugoli wa Kilisito wono wusina cipimo,

Waefeso 6:19

Munombelaje na nene nha vivyo, lono nghuduwa, ho Mulungu yamhele cono nolonga, ho sume kuwamanyiza i wanhu sina woga, inghani yono yihundikwe yo Luganuzi Luswanu.

Wafilipi 1:9

U wulombe wangu wowu, nghulomba u wendo wenyu wucile konjelezeka muno muno hamonga no wumanye we mbeka hamonga no wutanje wose,

Wakolosayi 2:3

Muli mwene mo wuhundikwe u winji wose we mahala no wumanye.

Wakolosayi 3:10

no kuwuvwala u wunhu wupya. Wono wukujendelela kunozelezwa no Mulungu mono yawuwumba, nha vyono yinhe hwani yakwe, ho mumumanye u Mulungu mu wukwilanicile wose.

Yakobo 3:13

Ma, nani mono yena mahala no wizuce muli nyenye? Ale, yayilajliaje ta inghani yiyi mu mikalile yakwe miswanu, na mu metumo gakwe maswanu, gono ganozagwa mu winenenyhezi ne mahala.

2 Petelo 3:18

Ninga mujendelele kuwilucila mwihewa no muwumanyo Mutwa wetu no Mukombozi Yesu Kilisito. U lukumyo lweze kuli mwene, kulawa lulu na ku cibitilila Heya.