1 Wakolinto 1:21 - I CILAGANE CIPYA 1991

²¹ Ninga nha vyono yinha inghani ye Mahala go Mulungu, iwanhu si wosuma kumumanya u Mulungu, ko kwitumamila i zinzila ze mahala gawo weneco. Ninga hanhu hayo, u Mulungu yenda kuwakomboza wawalya wono wakwihuwila mu nzila ye cinhu cono i we mahala wakuziwona nha kotya wulele du, nha cinji inghani yono cikuyiganula.

Luganuzi Luswanu Kuli Wanhu Wose 2002

²¹ Ninga nha vyono yinha inghani ye Mahala go Mulungu, iwanhu si wosuma kumumanya u Mulungu, ko kwitumamila i zinzila ze mahala gawo weneco. Ninga hanhu hayo, u Mulungu yenda kuwakomboza wawalya wono wakwihuwila mu nzila ye cinhu cono i we mahala, wakuziwona nha kotya wulele du, nha cinji inghani yono cikuyiganula.

1 Wakolinto 1:21 ပူးပေါင်းရင်းမြစ်များ

Matayo 11:25

Mwipango lilyo Yesu yakatya, “Nghukulumba gwe Baba, go Muwaha wo wulanga ne yinze, hambi nha kuwahundika we mahala i zinghani zizi, langa wukawagubulila i wana wadodo.

Luka 10:21

Mu cipango cico Yesu yakamemywa Muhe Mono Yelile yakatya; “Nghukulumba, Gwe Baba, Mukala wulanga ne yinze, vyono kuzihundika zizi kuli we mahala no wizuce, ukawagubulile wadodo, heya Baba, vyo yakwendeza gwegwe.”

Luka 12:32

“Mulece kogopa anye mo cipuga cidodo, hambi Sogo yenyu nha yendile kumupelenyi wutemi.

Yohana 12:31

Alu co cipango co kulingʼanizwa iyinze yiyi, alu muwaha we yinze yiyi kotagwa kunze.

Walumi 1:28

Kanyhi vyono iwanhu wakalema kuwa hamonga no Mulungu, nayo Mulungu yawalecile mu mahala gawo go wajilile, ho wetume zono si wali wanojeye wazitume.

Walumi 11:33

O, lecenyi u wugoli ne mahala no wumanye wo Mulungu, si wakulonga! Ne ziningʼaniza zakwe si za kulonga! Sunga ne zinzila zakwe si zimanyikaga yaye. Nha vyono gakulonga i Mandiko Gono Gelile.

1 Wakolinto 1:18

Hambi inghani yono yikulolosa zo wufwe wa Kilisito mu musalaba, yikuwa nha nghani ya wulele kuli walya wose wono wali mu mukumbo wo wajilile, ninga kuli ase mono cili mu nzila ye mhonelo, inghani yiyo, vyo vilungo vyo Mulungu.

1 Wakolinto 1:23

ninga se, cikumuganula Kilisito du mono yatumbikwa mu musalaba. Ninga kuli Wayahudi inghani yiyi, yili cikobazo kuli wene, na kuli iwanhu we makungugo, inghani yiyi, wulele du kuli wene,

1 Wakolinto 1:24

ninga kuli awalya wono wakondya kucemwa, i Wayahudi ne Wagiliki, Kilisito vyo vilungo vyo Mulungu ne mahala go Mulungu.

1 Wakolinto 1:25

Hambi cono cikwijela nha wo wulele wo Mulungu, nha co cina i mahala gono gacizize i mahala ge wanhu, na cono cikwijela kotya nha wo wusocele wo Mulungu, co cina vilungo muno muno si nha ivilungo vye wanhu.

1 Wakolinto 1:27

Nha cinji wo wutya, u Mulungu yagahagula agalya, gono yinze yigawonaga nha wulele du, ho yasume kuwakoza cevu i we mahala, na kanyhi yagahagula agalya gono yinze yigawonaga nha wusocele du, ho yawakoze cevu wawo wono wali vilungo.

1 Wakolinto 11:32

Ninga lono cikulingʼanizwa no kulipicizwa no Muwaha, ho baho cikwijizwa ho ciwe ne cogopo, ho cilece kulingʼanizwa hamonga ne yinze.

1 Wakolinto 2:14

U munhu we ciyinze yinze si kazibocelaga izinghani zo Muhe wo Mulungu. Hambi u munhu we liwala lilyo, izinghani zo Mulungu, nha wulele du kuli mwene, ku soko vyono zimupulute imahala gakwe, hambi zene, nha zitanjikaga ko wutazi wo Muhe du.

1 Wakolinto 4:10

Ase cili walele ku soko ya Kilisito, ninga anye muli we mahala ku soko yo wilunze na Kilisito! Ase cisoceye, ninga anye muli vilungo. Anye mukupegwa lilumbo, ninga ase cikubedegalwa.

1 Wakolinto 6:2

Hamba si mumanyile lo, vyono i wanhu wo Mulungu wo woloyilingʼaniza i yinze? Alu hono kumbe yinze yololingʼanizwa na nyenye, alu kusoko ci muwe si munojeye kwiyilingʼaniza hamba muli izinghani zi ndodo ndodo?

Wagalatiya 1:15

Ninga u Mulungu, so lihewa lyakwe, yali yakondya kuhagula lono nali nghali hamba si nalelwa, nayo yakawa kunyhema ho nimwitumamile.

Wagalatiya 4:8

I katali vyono mwali si mumumanyile u Mulungu, holeka mwayitumamilaga milungu yono si milungu ye mbeka.

Waefeso 1:9

U Mulungu yacifisiliza cicilya cono yali yatemizye, yakacimanyiza zo wuhile wakwe wono wali wihundice, wono yali yewikanize kuwufisiliza mu nzila ya Kilisito.

Waefeso 3:10

ho alu i wawaha ne vilungo vya ku wulanga vimanyizizwe mu nzila ye Likanisa, ho wasume kugamanya i mahala go Mulungu gono gena mihilimo minji.

Wakolosayi 1:19

Hambi u Mulungu nha yawona vyono u Mwana nayo yena u wukwilanicile wose wo wulungu muli mwene.

Wahebelaniya 1:14

I Wamalayika, yo myuhe du yono yikumwitumamila u Mulungu, nayo u Mulungu kawatumaga ho wawataze wawalya wono wowubocela u wukombozwe.

Wahebelaniya 2:3

Alu ase ma! ho coponela hayi hono ciyileceleze mhonelo mbaha nha yiyi? Yono yamula kutongwa no Muwaha mweneco, na wono wahulika, wakacihomelela vyono yili mbeka.

Wahebelaniya 7:25

Holeka u mwene, yadahile nhondo zose kuwaponezya lukulu wose wono wakumubitila u Mulungu muli mwene, hambi u mwene nha kekalaga cibitilila yakuwalonjela hali Mulungu.

Yakobo 4:4

Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.

Yakobo 5:15

Na hono walombe wehuwiye, yuyo mutamwa koponywa, u Muwaha komupela ciba, no wubi wono yali yetuma wonenelwa.

Yakobo 5:20

manyenyi vyono, yuyo mono yakumupitula munya wubi kuwulawa mu nzila yakwe yo wajilile, kaloyiponya i nhumbula yakwe mwifwa no wubi winji wonenelwa.