1 Wakolinto 1:20 - I CILAGANE CIPYA 1991

²⁰ Alu wa hayi wa muli nyenye, we mahala? Hamba wahayi lu, u mwijizi wo wulajilize? Hamba u munghula wo wuwanji wa mu vilo vivi, yali hayi lo? Ninga u Mulungu, yaganoza i mahala ga mononze yiyi, kuwa wulele du, hali Mwene.

Luganuzi Luswanu Kuli Wanhu Wose 2002

²⁰ Alu wa hayi wa muli nyenye, we mahala? Hamba wahayi lu, u mwijizi wo wulajilize? Hamba u munghula wo wuwanji wa mu vilo vivi, yali hayi lo? Ninga u Mulungu, yaganoza i mahala ga mononze yiyi, kuwa wulele du, hali Mwene.

1 Wakolinto 1:20 ပူးပေါင်းရင်းမြစ်များ

Matayo 13:22

I mbeyu ayilya nayo yono yagwila mu mabici ge mamivya, yihwanile u munhu mono yakuyihulika inghani, ninga i mahwele ga mononze yiyi hamonga ne masulumizi gayo ge zisawo, zikuyititiliza inghani yiyo, holeka u munhu yuyo si yakusuma kulela mikalo.

Yohana 12:31

Alu co cipango co kulingʼanizwa iyinze yiyi, alu muwaha we yinze yiyi kotagwa kunze.

Metumo ge Watumwa 17:18

Na wanji wono wali webate mejizo ge Waepikuliyo ne Wasitoyiko, wakewanganila nayo. Wanji wakatya “Alu yakusaka kulonga cici yuyu Cilomo?” Na vyono Pawulo yaganulaga za Yesu na zo wuzuce, wanji wakatya, “Yikwijela kotya mono yakuganula ze milungu mijenzi.”

Walumi 1:20

Ku wulawa lululya lono u Mulungu yayiwumbila yinze, ivilungo vyakwe vye cibitilila, no wulungulungu wakwe, hamba viwe si yikwijela kwa meso, ninga yimanyice calinze. Ne wanhu wosuma kuzimanya izinghani zizo, kusoko ye vinhu vivyo vyono u Mulungu yaviwumba. Holeka wasina cinji cono wokwikojela!

Walumi 1:22

Wakwiwona nha wono wena mahala, kumbe ho walele.

1 Wakolinto 1:19

Hambi i Mandiko Gono Gelile nha gakulonga gakutya, “Nogahodanga i mahala ga we mahala, Kanyhi nowuwembula no wizuce wa wono wasomile.”

1 Wakolinto 1:26

Nye wandugu zangu, muvikumbucilaje ivilo lono mwacemelwa no Mulungu, vyono wanji wa muli nyenye, mu wulanje we cimunhumunhu si mwali we mahala, ne vilungo, hamba we lilumbo lya hacanyha.

1 Wakolinto 1:27

Nha cinji wo wutya, u Mulungu yagahagula agalya, gono yinze yigawonaga nha wulele du, ho yasume kuwakoza cevu i we mahala, na kanyhi yagahagula agalya gono yinze yigawonaga nha wusocele du, ho yawakoze cevu wawo wono wali vilungo.

1 Wakolinto 1:28

Kanyhi u Mulungu yakazihagula zizilya zono hamba mu mahweso ge ciyinze yinze, zikwijela vyono zisina cambuzi hamba hadodo kanyhi zono zibedegaywe muno muno, zo nghani zono si zali zili baho kulawa na katali, na mu nzila ya zizo, ho yasume kuziwusiza lukulu mu mahweso ge wanhu, izinghani zono wanhu wehwesaga vyono zina cambuzi.

1 Wakolinto 11:32

Ninga lono cikulingʼanizwa no kulipicizwa no Muwaha, ho baho cikwijizwa ho ciwe ne cogopo, ho cilece kulingʼanizwa hamonga ne yinze.

1 Wakolinto 2:6

Hamba nha vivyo, ase citumamilaga u wulonje we mahala kuli walya wono wakangaye mu mikalile yawo ye cimuhe, kanyhi ne mahala gago go si mahala ga mononze yiyi, hamba si ge watemi wa mono yinze yiyi, wono wali mu mukumbo wo wajilile.

1 Wakolinto 2:8

Go mahala gono i watemi we yinze yiyi, si wasuma kugatanga, ku soko hono wali wagatanje, hamba si wali wamutumbice u Muwaha wo lukumyo mu musalaba,

1 Wakolinto 3:18

Mbeka mulece kwikonga! U munhu wo wose wa muli nyenye hono yehwese nha vyono yena mahala, kumbe ho mahala ge ciyinze yinze du, yili ciba u munhu yuyo hono yewone nha mulele, ho yasume kuwa ne mahala ge mbeka.

1 Wakolinto 3:19

Hambi i mahala ge ciyinze yinze, nha wulele du hamwande yo Mulungu. Nha vyono i Mandiko Gono Gelile gakulonga gakutya, “U Muwaha kawabataga we mahala, mu wusugu wawo.”

1 Wakolinto 6:2

Hamba si mumanyile lo, vyono i wanhu wo Mulungu wo woloyilingʼaniza i yinze? Alu hono kumbe yinze yololingʼanizwa na nyenye, alu kusoko ci muwe si munojeye kwiyilingʼaniza hamba muli izinghani zi ndodo ndodo?

Yakobo 4:4

Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.