1 Wakolinto 1:17 - I CILAGANE CIPYA 1991

¹⁷ Ane Kilisito si yanhuma ho niwe kubaputiza wanhu, langa yanhuma ho niluganule u Luganuzi Luswanu, kanyhi na vyono mu wuganule wangu, ndece kwitumbila i mahala no wulonji we wanhu wanji, i vilungo vyo wufwe wa Kilisito wa mu musalaba, ho vilece kuwa nha nghani ya bwete du.

Luganuzi Luswanu Kuli Wanhu Wose 2002

¹⁷ Ane Kilisito si yanhuma ho niwe kubaputiza wanhu, langa yanhuma ho niluganule u Luganuzi Luswanu, kanyhi na vyono mu wuganule wangu, ndece kwitumbila i mahala no wulonji we wanhu wanji, i vilungo vyo wufwe wa Kilisito wa mu musalaba, ho vilece kuwa nha nghani ya bwete du.

1 Wakolinto 1:17 ပူးပေါင်းရင်းမြစ်များ

Yohana 4:1

Wafalisayo wahulika vyono Yesu yabaputizaga no kuwatuga wejizwa wenji si nha Yohana. (

Yohana 4:2

Ninga i mbeka, Yesu mweneco si yabaputizaga, langa wejizwa wakwe wo wabaputizaga du.)

Metumo ge Watumwa 10:48

Hobaho yakawatya, wabaputizwe mwitagwa lya Yesu Kilisito. Wakamunena yekale nawo baho vilo vitela tele.

1 Wakolinto 2:1

Ane nane, mo wandugu zangu, lono naziza kwenyu, si namuganulilenyi inghani yo Mulungu ko wusugu wa nonga, hamba kwe mahala ge cimunhumunhu.

1 Wakolinto 2:13

Holeka ase cikwijiza, ninga si kwe zinghani zono cejizizwa mu mahala ge cimunhumunhu, langa kwe zinghani zono cejizwa no Muhe, cikuzilolosa i zinghani zo Muhe kuli wono wena u Muhe yuyo.

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono muwikale wetu wa mono yinze yiyino na komuno muliʼnye, cekala ko winenenyhezi wose hamonga no wele wa mu nhumbula wono wukulawa kuli Mulungu, hamba si catongwa ne lihala lye cimunhumunhu, langa catongwa ne lihewa lyo Mulungu.

2 Wakolinto 10:10

Yunji yadahile kutya, “Baluwa za Pawulo nzito, kanyhi zina nghani zono zili vilungo, ninga mwene lono yalihamonga nase, yo munhu musocele, sunga lono yakuduwa du, koziwona i zinghani zakwe kotya si cinji ngʼo.”

2 Wakolinto 11:6

Lunji nowa sina wunghula wo wulolosa milonjele, ninga u wumanye awo langa nina nawo, nenghani yiyi cayilajila calinze kuliʼnye hanhu ho hose, na mu vipango vyose.

2 Wakolinto 4:2

Nase cakondya kuzilecela lukulu i zinghani zose ze cevu, na ze cinyele. Hamba si cili mu mikalile kanyhi yo wukonji, hamba kuyipitulasa nghani yo Mulungu, langa cikuyilajila i mbeka mu witume mbeka, na mu nzila yiyo mo cikwiwicilila mu wulamuzi we viselinji vye wanhu, hali Mulungu.

2 Petelo 1:16

Mu vilo vyono cawejizenyi ze nyiza yakwe mbaha u Mutwa wetu Yesu Kilisito, sicatyatya zisimo ze cibwete bwete zono zisina nhunizo yo yose. Ase cikawuwona ulukumyo lwakwe na meso getu co weneco.