1 Timoteyo 4:3 - I CILAGANE CIPYA 1991

³ Iwanhu we liwala lilyo, wejizaga vyono gowa masutya kwitola, sunga no kulya zindigwa zinji zinji. Ninga u Mulungu nha yaziwumba i zindigwa zizo, ho wawalya wono wehuwiye na wono watuga kuyimanya imbaka, wazitumamile kwe lilumbo.

Luganuzi Luswanu Kuli Wanhu Wose 2002

³ Iwanhu we liwala lilyo, wejizaga wakutya, gowa masutya kwitola, sunga no kulya zindigwa zinji zinji. Ninga u Mulungu nha yaziwumba i zindigwa zizo, ho wawalya wono wehuwiye na wono watuga kuyimanya imbeka, wazitumamile kwe lilumbo.

1 Timoteyo 4:3 ပူးပေါင်းရင်းမြစ်များ

Matayo 14:19

Yakawalajiliza i wanhu wekale hasi mu mahanze, Mwene yakayisola yiyilya i mikate mihano, hamonga ne zisomba vyono nyejete, yakagalamila ku wulanga, yakamulumbo Mulungu. Hanyuma yakayibegula yiyo i mikate yakawapela i wejizwa wakwe, nawo wakawapela wanhu.

Matayo 15:11

I cinhu cono cikumuhodanga munhu, si acilya cono cikumwinjila mu mulomo wakwe, langa acilya cono cikulawila mu mulomo wakwe. Cico langa co cikumuhodanga munhu.”

Matayo 15:36

Nayo yakayisola i mikate yiyilya, mupunghati, hamonga ne visomba vivilya, yakamulumbo Mulungu, yakayibegula, yakawapela i wejizwa wakwe, nawo wakawagawila wanhu.

Luka 24:30

Kukawa, lono yali vikalane nawo ha ndigwa, yakawusola mukate, yakawulugutiza, yakawubegula, yakawapela.

Yohana 6:23

zingalawa zinji zikalawa ku Tibeliya, zikafika behi na baho hono wanhu walile mikate mu cipango cono Muwaha yamulumbilo Mulungu.

Metumo ge Watumwa 27:35

Yaza longa zizi, yakasola mukate, yakamulumbila Mulungu hali wene wose, yakawubegula, yakanza kulya.

Walumi 14:17

Hambi wutemi wo Mulungu nha si wuli mu wutye no wungʼwe, langa wuli mu wilingʼano, no mulamu, ne nyemo mu Muhe Mono Yelile.

Walumi 14:3

No munhu mono kalizaga vyose, yalece kumubedegala ayulya mono si kalizaga vyose, nayo mono kalizaga mboga ye mahamha du, yalece kumulingʼaniza ayulya mono kalizaga vyose, hambi u Mulungu nha yakondizye kumuvumila.

Walumi 14:6

Mono yakulikumbucila lizuwa, yakulikumbucilila ku soko yo kumukumya u Muwaha, nayo mono yakulya ndigwa yo wutunga, yakunoza nha vivyo so kumukumya u Muwaha, hambi nha yakumulumba u Mulungu. Nha vivyo mono si yakulya indigwa yo wutunga, yakunoza nha vivyo ku soko yo kumukumya Muwaha, nayo nha vivyo yakumulumba u Mulungu.

1 Wakolinto 6:13

Kosuma kutya, “Indigwa yili so yinda, nayo yinda yili so ndigwa.” Heya, ninga u Mulungu, kolovihodanga vyose vyono vyejete. Ninga u muwili wo munhu si wawumbwa ho witumamilwe mu wusenyha, aa, ngʼo, langa wawumbwa ho wumwitumamile u Muwaha, nayo u Muwaha so muwili.

1 Wakolinto 7:28

Ninga na hono wutole, ale si kowa wetuma wubi yaye, no muhinza nayo nha vivyo hono yatolwe, si kowa yetuma wubi yaye. Wawo langa wono wetolile, wotuga magaziko ga mono yinze yiyi, ninga ane ku lwangu, si nali nyende zizo zimwaganenyi anye.

1 Wakolinto 8:8

Ninga ndigwa siyosuma kucitegula behi no Mulungu. Na hamba hono cilece kuyilya, si cocepucilwa na cinji, na hamba hono cilye, si cokonjelezezwa na cinji.

Wakolosayi 2:16

Holeka mulece kuvumila munhu wo wose yamuwicilenyi wulajilize wo wose muli vyono mukulya hamba kungʼwa, hamba mu wuwala i mazuwa mawaha, hamba zi sikukuu zo mwezi mupya, hamba Sabato.

Wakolosayi 3:17

Na zose zono mukwituma, mu wulonje, hamba mu witume, mwitumilaje zose mwitagwa lyo Muwaha Yesu, akuno mukumulumbila u Mulungu Baba muli mwene.

1 Timoteyo 2:4

mono yakuhila i wanhu wose waponywe, kanyhi wafice ku wumanye mbeka.

1 Timoteyo 4:4

Hambi vyose vyono yaviwumbo Mulungu nha viswanu, hamba hasina cono cinojeye kusemunwa, langa yinojeye vyose vibocelwe kwe ʼmalombo no wulumbe,

1 Timoteyo 5:14

Holeka nali nyende wawo i wafwile we lizika lidodo watolwe, walele wana no kuzikamisa zikaya zawo, iwalugu wetu ho walece kutuga cilejeho co kucitovulila.

Wahebelaniya 13:4

U wutole wuweze ne cogopo kuli wanhu wose, i walume ne wacekulu yiwanojeye weze wehuwilwa kuli munhu na muyagwe. Hambi u Mulungu nha kowalingʼaniza i wanhu we mikalile mibi ne wasenyha.

Wahebelaniya 13:9

Mulece kutyatya ze mafundo ganji ganji ge cijenzi. I lihewa lyo Mulungu lyo likucisikamya i zinhumbula zetu, hamba si myoto ya mu wulye; hambi i malajilizo nha si gamutaza hamba hadodo u munhu wo wose mono yagatyatya.