1 Timoteyo 1:3 - I CILAGANE CIPYA 1991

³ Nyendile gwe wikale kuko ku Efeso, nha vyono nakunena lono nabitaga ku Makedoniya. Iwanhu wanji wali kuko wono wakwijiza imejizo go wulambi. Wuwagomezaje wanhu wawo wapelele lukulu.

Luganuzi Luswanu Kuli Wanhu Wose 2002

³ Nyendile 'gwe wikale kuko ku Efeso, nha vyono nakunena lono nabitaga ku Makedoniya. Iwanhu wanji wali kuko wono wakwijiza imejizo go wulambi. Wuwagomezaje wanhu wawo wapelele lukulu.

1 Timoteyo 1:3 ပူးပေါင်းရင်းမြစ်များ

Metumo ge Watumwa 18:19

Wakafika ku Efeso, kono Pawulo yakawaleka wa Pelisicila na Akula, ninga mwene yakenjila mu nhangʼanilo yo wuhembelo vikawa kulongana ne Wayahudi.

Metumo ge Watumwa 18:21

Langa lono yawukaga, yakatya, “Hono Mulungu yende nolokuza kanyhi kono kwenyu.” Nayo yakatulucila mu ngalawa ku wulawa ku Efeso.

Walumi 15:26

Hambi we makanisa ga Makedoniya na Akaya, nha wendezwa kuhanguliza sawo yawo, no kuwataza iwanhu wo Mulungu wono waciwa kuko ku Yelusalemi.

Walumi 16:17

Ale nghumunenenyi wandugu zangu, muwalangaje wono wakuleta matemanuko ne vikobazo vyo kuwagwisa wanji, cinyume ce mejizo gono mwejizwa, ale muwelegaje iwanhu wawo,

2 Wakolinto 11:4

Hambi nye nha mukumukangalila u munhu wo wose mono kokuza no kumuganula Yesu mono yesimajiye na yulya mono camuganula, kanyhi mukubocela muhe no luganuzi vyono visimajiliye lukulu no Muhe no Luganuzi vyono mwayibocela kulawa kuliʼse.

Waefeso 4:14

Ho cilece kuwa kanyhi nha wana, wono cowa kugumilwa no kupemheluswa ako na ako mu mbeho ye mejizo gono gakutulwa ne wanhu wakonji, ho wawajilize wanji ko wusugu.

Wafilipi 2:24

Nane nitumbiye muli Muwaha vyono si noleka kuza kuko kwenyu vilo vivi.

1 Timoteyo 4:11

Ale uwapelaje malajliizo gaga ne mejizo gaga.

1 Timoteyo 4:6

Hono uwapele i wandugu wose imalajilizo gaga, ale kowa mwitumami muswanu wa Yesu Kilisito, akuno wukwijendeleza mu cimuhe mu zinghani zo wihuwilo ne mejizo ge mbeka, gono go mweneco kugatyatyaga.

1 Timoteyo 5:7

Uwapelaje malajilizo gaga, ho walece kuwa na yilema.

1 Timoteyo 6:10

Hambi u wenda muno we zipesa nha wo mwamulizo wo wubi wose. Iwanhu wanji wasulumilaga muno kutuga mapesa, sunga wawuleka no wihuwilo wawo, no kudumanjila dumanjila ako na ako, kutali no wihuwilo wawo no kutukuwika i mitima yawo ko wusungu wuwaha muno.

1 Timoteyo 6:17

Uwalonjelaje iwanhu wagoli we vinhu vye mikalile ya lulu, walece kwidunhumula, hamba kuwika u witumbilo wawo mu sawo yono siyidahile kwitumbilwa, langa wamwitumbilaje Mulungu, mono ko wuswanu wakwe, kacipela i vinhu vyose civisangalalile.

1 Timoteyo 6:3

U munhu wo wose mono yakwijiza suta ne zinghani zizi, kanyhi mono si yakuzivumila i zinghani ze mbeka zo Mutwa wetu Yesu Kilisito ne mafundo ge dini yetu,

2 Timoteyo 1:18

U Muwaha yamuwonele lusungu Mwizuwa lilya! Kanyhi na gwegwe nha vivyo, wuzimanyile viswanu zi nyinji zono yanyitumamila kuko ku Efeso.

2 Yohana 1:7

Hambi i wakoci wenji nha wemuka kononze wono siwakuvumila vyono Yesu Kilisito yaza kono kwetu yakawa munhu. No munhu mono yakulonga nha vivyo, yuyo yo mulugu wa Kilisito.

Wugubule 2:14

Ninga hamba nha vivyo, nina nghani zinji nyhefu kuliʼgwe, vyono wanji wa muli nyenye, muli watyatyi wa Balamu mono yamufunda Balaki, ho yawawicile cikobazo i wana wa Isilayeli ho walye zindigwa zono zali zikumbiciye vihwani, kanyhi wasenyhe.

Wugubule 2:20

Ninga nina nghani monga du kuliʼgwe, nayo yoyi, Agwe wukumukangalila ayulyo mucekulu mono yakucemwa Yezebeli, mono yakwiyitya mwene yo muwizi wo Mulungu. Mwene yuyo Yezebeli yakuwa kuwafunda, kanyhi yakuwasutizya i wetumami wangu wasenyhe no kulya zindigwa zono zikumbiciywe vihwani.