1 Petelo 4:3 - I CILAGANE CIPYA 1991

³ Hambi i vilo vyono vyakondya kupuluta, nha mwali mwina cilejeho ciwaha, co kwituma zono wanozaga wanhu wono siwamumanyile Mulungu. Mukekala mu mikalile yo wiyendeza nyo weneco, yo wiwoni, yo wukolwa, yo wisonji, wungʼwela, na yo wuhemba vihwani.

Luganuzi Luswanu Kuli Wanhu Wose 2002

³ Hambi i vilo vyono vyakondya kupuluta, nha mwali mwina cilejeho ciwaha, co kwituma zono wanozaga wanhu wono siwamumanyile Mulungu. Mukekala mu mikalile yo wiyendeza nyo weneco, yo wiwoni, yo wukolwa, yo wisonji, wung'wela, na yo wuhemba vihwani.

1 Petelo 4:3 ပူးပေါင်းရင်းမြစ်များ

Maluko 7:22

wusulumizi, wutili, wubugu, wubi, wukoci, wusisi, maligo, wiwoni no wulele.

Metumo ge Watumwa 17:30

Imyaka lono iwanhu wali wakali walele u Mulungu yakenoza kotya nha siyakuwona. Ninga alu yakuwalajiliza wanhu wose kono walila, wanene wayilece imikalile yawo mibi.

Walumi 13:13

I mijendele yetu, yeze yina cogopo nha vyono yinojeye mu misi, cilece kuwa no wubugu no wugala wujimbi, si mwihede na mu wusenyha, si mu wugombane no wivu.

1 Wakolinto 12:2

nanye mumanyile vyono lono mwali si munapituka, mwali mutemigwe no kwajilizwa ne vihwani vye bwete.

1 Wakolinto 6:11

Nanye wanji muli nyenye vyo mwali, ninga aluno mwahovugwa mu wubi, mukanozwa muwe mwelile, no kusiwanulwa so Mulungu, mukalamulwa no Mulungu, mwitagwa lyo Muwaha Yesu Kilisito na ko Muhe wo Mulungu wetu.

2 Wakolinto 12:21

Kanyhi nghogopa, na lunji kolo neza kuza mu muhinzo wuwo wono nokuza, u Mulungu wangu komhela u wula nyemo hali nyenye, nane nolila ku soko ya wenji wa muli nyenye wono wetuma wubi hamba kunena wuwo wavu wawo, ne masulumizi gawo mabi, hamonga ne mawubi gawo go wusenyha wawo, gono wali wakondya kwituma.

Wagalatiya 5:19

Ale, ne metumo ge ciyinze yinze nha gali calinze; nago nha goga, wusenyha, wavu, yihede,

Wagalatiya 5:21

simbili, wukolwe wo wujimbi, wubugu, na ganji gose gono genha gaga. Nghumulonjelenyi kanyhi nha vyono namula kumulonjelenyi, i wanhu wono wakwituma gono genha gago, si wokwinjila mu wutemi wo Mulungu.

Waefeso 5:18

Mulece kugala wujimbi, hambi wuwo nha wuletaga i mikalile ye caka caka, langa mweze mumemile u Muhe Mono Yelile.

1 Watesalonike 4:5

ninga si mu masulumizi mabi nhe wanhu we makungugo ganji wono si wamumanyile u Mulungu.

Tito 3:3

Hambi mu vipango vinji, nase nha cali walele, kanyhi cili cibede, call cajiliye. Cali cili wawanda we masulumizi ne makani ga mononze. Cekalilaga mu mikalile yo wavu no wivu, wanhu wakacisula, nase cikawasula.

1 Petelo 1:14

Kanyhi nha vyono yinha nhe wana wo Mulungu we cihuliko, holeka mulece kugatyatya kanyhi imasulumizi mabi, gono mwali mwina nago lono mwali mukali walele.

Yuda 1:4

Hambi nha howali wanji wono siwamwihuwiye u Mulungu, wono weyinjize cinyele muli sese, i wanhu wono so cambuzi ce mikalile yawo mibi, wakuyipitulasya inghani ye lihewa lyo Mulungu wetu no kumukana Yesu Kilisito u mulongola wetu we ciwene no Muwaha wetu. Ninga i Mandiko Gono Gelile, gali gakondya kulonga zo wulingʼanizwe wono wuwalindiye i wanhu wawo kulawa katali.