1 Petelo 4:2 - I CILAGANE CIPYA 1991

² Holeka kuwulawa lulu, imikalile yenyu yono yisigaye kwikala kukuno kononze, yinojeye muwe kutongwa no wuhile wo Mulungu, hamba si ne masulumizi ge cimunhu munhu.

Luganuzi Luswanu Kuli Wanhu Wose 2002

² Holeka ku wulawa lulu, imikalile yenyu yono yisigaye kwikala kukuno kono'nze, yinojeye muwe kutongwa no wuhile wo Mulungu, hamba si ne masulumizi ge cimunhu-munhu.

1 Petelo 4:2 ပူးပေါင်းရင်းမြစ်များ

Matayo 12:50

Vyono u munhu wo wose mono yakwituma nha vyono yakuhila Baba mono yali ku wulanga, ale, yuyo yo muwaha wangu, yo lumbu lyangu, kanyhi yo nyina yangu.”

Matayo 20:4

Nawo yakawalonjela yakatya, ‘Ale, mubite nanye muketume mulimo mu mugunda we mizabibu, nane nomupelenyi yilingʼani yenyu, nha vyono mwitumile.’

Matayo 21:31

Alu wa hayi wa muli wawa i wejete mono yetuma u wuhile wo sogwe?” Nawo wakamupitula wakatya, “Yuyulya u mwana mulongozi.” Yesu yakawatya, “Nane nghumulonjelenyi mbeka, vyono i watoweza kodi, sunga ne wasenyha, womulongolelenyi kwinjila mu wutemi wo Mulungu.

Matayo 7:21

“Si munhu wo wose mono yakunyitya, ‘Muwaha, Muwaha,’ yo kokwinjila mu wutemi wo Mulungu, langa yuyo du mono yakwituma u wuhile wo Sogo yangu mono yali ku wulanga.

Maluko 3:35

No munhu wo wose mono kokwituma u wuhile wo Mulungu, yuyo yo ndugu yangu, no lumbu lyangu nayo yo yaya.”

Maluko 7:21

Hambi mugati, mu zinhumbula ze wanhu nha mo galawaga mahweso mabi, gono gakuleta wusenyha, wuhizi, wuwulaji,

Yohana 1:13

Wono si waleleywe mu vilungo vye cimunhu munhu, hamba mu vilungo vyo munhu, hamba mu wuhile wo munhu, langa u Mulungu mweneco yo Sogo yawo.

Yohana 7:17

Munhu mono yendile kwituma zono u Mulungu yendile, yo komanya hono mejizo gangu galawa kuli Mulungu, hamba nene nghwilonjela mu wulajilize wangu no mweneco du.

Walumi 12:2

Kanyhi mulece kwiga imikalile ya lulu ya mononze yiyi, langa u Mulungu yamupitulenyi mu zinhumbula zenyu ko kugapitula imahala genyu. Baho langa ho mosuma kuwumanya u wuhile wo Mulungu, no kuyizuka inghani yono swanu, yono yikumunojeza, kanyhi yono yikwilaniciye.

Walumi 14:7

Hambi muli sese, nha hasina mono keyiwumipilaga mweneco, hamba hasina mono keyifwilaga mweneco,

Walumi 6:11

Holeka nanye nha vivyo, mwiwonaje nha vyono mufwiye kuli zo wubi, langa nha wono mukuwumipa hamonga no Mulungu, muli Yesu Kilisito.

Walumi 6:2

Aa, ngʼo! Ase cakondya kufwa kuli zo wubi, alu ho cojendelela kanyhi nhawule kwikala mu mikalile yo wubi?

Walumi 7:4

Ale nanye wandugu zangu, ku lubavu lo Wulajilize, nanye nhavivyo mwakondya kufwa, vyono anye muli vilunzwa vyo muwili wa Kilisito, alu mwaweza muli wakwe, u mwene mono yazukulwa muli wafu, ho cisume kwikala imikalile yono yina cambuzi mu wu mwitumamila u Mulungu.

2 Wakolinto 5:15

Umwene yafwa ku soko ye wanhu wose, wawalya wono wakuwumipa, ho walece kwiwumipila weneco, langa wawe womi ku soko yo mwene mono yafwa, yakazukulwa ku soko yawo.

Waefeso 2:3

Hamba na sese cali cinha cinya wawo, cawutyatyaga u wusulumizi wetu we ciyinze yinze, no kwituma zinghani zizilya zono zayendezaga imiwili yetu ne mahala getu, kuciyinze yinze, vyono wenha wene nha vivyo na sese, ilikuwo lyo Mulungu lyali licinojeye licagane.

Waefeso 4:17

Ale, nghumusugulenyi mwitagwa lyo Muwaha, mulece kujendelela kwikala kanyhi mu mikalile nha ye wanhu wono si wamumanyile u Mulungu, wono i mahweso gawo gaweza wulele,

Waefeso 5:17

Holeka mulece kuwa walele, ninga mujele kuzimanya zono zikumwendeza u Muwaha.

Waefeso 6:6

Mulece kwituma nha vivyo lono wakumulanjenyi ho mwiyendeze kuli wene, langa mwitumaje kwe mitima yenyu nha vyono yendile u Mulungu, vyono anye muli wetumami wa Kilisito.

Wakolosayi 1:9

Ku soko yiyo nase kanyhi, vyono calawa lizuwa lyono cahulicila i zenyu, si cidilaga kumulombelenyi. Cikumulomba u Mulungu yamumemyenyi u wumanye wose wo wuhile wakwe, yamumemyenyi mahala gose no wutanje wono wukuletwa no Muhe wakwe.

Wakolosayi 3:3

Hambi anye nha mwafwa, no wumi wenyu wuhundikanwe hamonga na Kilisito muli Mulungu.

Wakolosayi 4:12

Na Epafala nayo u munyawusi muyenyu, kanyhi u mwitumami wa Kilisito Yesu, nayo yakumulamusenyi. Kanyhi yakumulombelenyi nyenye nhondo zose ko wupiligazi, ho mwime mukamile, mukangale, mulece kusinjisika muli zose zono yakuzisaka u Mulungu.

1 Watesalonike 5:18

mweze mwina ne lilumbo muli zose. Hambi wuwo nha wo wuhile wo Mulungu kuli nyenye mu wilunze wenyu na Kilisito Yesu.

Wahebelaniya 13:21

U Mulungu wo mulamu yamukwilanicizenyi mu ziswanu zose, ho mwitume wuhile wakwe; nayo yetume muli sese zono zikumwendeza mweneco mu nzila ya Kilisito. Kuli mwene lweze lukumyo cibitilila ne cibitilila. Heya.

Yakobo 1:18

So wendo wakwe mweneco yacilela mu nghani yakwe ye mbeka, ho ciwe nha cili mikalo milongozi wa muli viwumbwa vyakwe.

1 Petelo 1:14

Kanyhi nha vyono yinha nhe wana wo Mulungu we cihuliko, holeka mulece kugatyatya kanyhi imasulumizi mabi, gono mwali mwina nago lono mwali mukali walele.

1 Petelo 2:1

Holeka, lecenyi wubi wose: no wulambi, no wukoci, ne zinghani zose ze nhovu, vivyo vyose viwucile lukulu muli nyenye.

1 Yohana 2:17

I yinze nayo yimalikaga hamonga ne vinhu vyayo vyono vikuleta masulumizi, langa mono ketumaga u wuhile wo Mulungu, yo yakwikala cibitilila.