1 Petelo 1:3 - I CILAGANE CIPYA 1991

³ Yalumbwe Mulungu, u Sogo yo Mutwa wetu Yesu Kilisito! Ko lusungu lwakwe luwaha, yacinoza cilelwe wupya mu wuzukula Yesu muli wafu. Yakondya kucipela u witumbilo wo wumi,

Luganuzi Luswanu Kuli Wanhu Wose 2002

³ Yalumbwe Mulungu, u Sogo yo Mutwa wetu Yesu Kilisito! Ko lusungu lwakwe luwaha, yacinoza cilelwe wupya, ko kumuzukula Yesu muli wafu. Yakondya kucipela u witumbilo wo wumi,

1 Petelo 1:3 ပူးပေါင်းရင်းမြစ်များ

Yohana 1:13

Wono si waleleywe mu vilungo vye cimunhu munhu, hamba mu vilungo vyo munhu, hamba mu wuhile wo munhu, langa u Mulungu mweneco yo Sogo yawo.

Walumi 12:12

No witumbilo wenyu wumuwicenyi na nyemo nhondo zose, mweze na ngola mu wugaye, kanyhi mweze kuswelelela mu wulombe nhondo zose.

Walumi 15:13

Ale u Mulungu mono wo musinji wo witumbilo, yamumemyenyi inyemo yose, no mulamu wono wukulawa mu wihuwilo wenyu, u witumbilo wenyu ho wonjezece mu vilungo vyo Muhe Mono Yelile.

Walumi 4:25

U mwene yalavywa ho yawulagwe ku soko yo wubi wetu, kanyhi yakazukulwa, ase ho cisume kuvumilwa hali Mulungu.

Walumi 5:10

Hambi ase lono cali cikali cili sili nayo, u Mulungu yakacilamulila mu wufwe wo mwanagwe. Naluno vyono cakondya kwilamula no mwene, alu yili calinze vyono coponywa so wumi wa Kilisito.

Walumi 8:11

U Muhe wo Mulungu, mono yamuzukula Kilisito mu wafu, hono yekale muli nyenye, yuyo mono yamuzukula Kilisito mu wafu, koloyiwumifya miwili yenyu yono yifwizaga, so Muhe wakwe mono yekaye muli nyenye.

Walumi 8:24

Hambi nha caponyezwa witumbilo, ninga uwitumbilo wono wuwonaga, si witumbilo. Hambi wa hayi mono ketumbilaga icinhu cono yawene?

1 Wakolinto 13:13

Holeka zikusigala zizino zidatu, nha cinji, u Wihuwilo, u Witumbilo no wendo, ninga kanyhi yono yicizize muli zizino zose, wo wendo.

1 Wakolinto 15:20

Ninga i mbeka yoyi, vyono Kilisito yakondya kuzukulwa muli wafu, na yo yikulajila vyono, wawalya wono wagonile mu wufwe, wolozukulwa.

2 Wakolinto 1:3

Yalumbwe u Mulungu u Sogo yo Mutwa wetu Yesu Kilisito, Baba mono yena lusungu, kanyhi yo Mulungu mono kaletaga u lutuzo lose.

Wagalatiya 6:16

Na wose wono wakuwutyatya u wo ton ji wuwu, u mulamu no lusungu vyeze muli wene, kanyhi u mulamu no lusungu vyeze kuli Wayisilayeli i wahagulwa wo Mulungu.

Waefeso 1:17

ho u Mulungu wo Muwaha wetu Yesu Kilisito u sogo wo lukumyo, yamupelenyi u Muhe wakwe mono komupelenyi wizuce, no kumugubulilenyi ho mumumanye u Mulungu.

Waefeso 1:3

Alenyi cimulumbe u Mulungu u Sogo yo Mutwa wetu Yesu Kilisito! Hambi mu wilunza na Kilisito, mumo mo yacimotezye ko kucipela ivipegwa vyose vye cimuhe kulawa ku wulanga.

Waefeso 1:7

Hambi nha cikukombozezwa mu sakami ya Kilisito, nha cinji u wubi wetu wukuwuswa, nha vivyo vyo winha u wuwaha we lihewa lyakwe,

Waefeso 2:4

Ninga u Mulungu yo munya u lusungu lwinji. Yacenda ko wendo wuwaha,

Waefeso 3:20

Ale kuli yuyo mono kwe vilungo vyakwe vyono vikwituma mugati yetu, yasumile kwituma zimbaha zono zicizize kuli zono cidahile kulomba hamba kwihwesa,

Wakolosayi 1:23

Ninga munojeye mujendelele kuwa wehuwilwa mu wusimyo wono wukamile, hamba kutezwa mu witumbilo wo Luganuzi Luswanu lono mwaluhulika. Ane Pawulo nili mwitumami wa lulo u Luganuzi Luswanu lono lwakondya kuganulwa kuli wanhu wose wa mononze.

Wakolosayi 1:27

Ninga u wuhile wo Mulungu, yakusaka yawamanyize i wanhu wakwe ze nghani mbaha yiyi na zo lukumyo, vyono vili so wanhu wose. Ne nghani yeneco nha yoyi: Kilisito yali muli nyenye, ne nghani yiyo yo yikumanyiza vyono anye mohanga u lukumyo lo Mulungu.

1 Watesalonike 1:3

Nase cikumukumbucilenyi hali Mulungu Baba, vyono mukulajila u wihuwilo wenyu mu witume, na vyono u wendo wenyu wo wukumupelenyi u witume wo wupiligazi, kanyhi na vyono u witumbilo wenyu wukamile muli u Muwaha wetu Yesu Kilisito.

1 Watesalonike 4:13

Nyo wandugu zangu, cikuhila muyimanye i mbeka ya kuli walya wono wakondya kufwa, ho mulece kuwa na wukalale nhe wanhu wono wasina u witumbilo.

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

1 Timoteyo 1:14

Ninga u Mutwa wetu yakamhela i lihewa lyakwe ko winji, kanyhi yakamhela wihuwilo no wendo mu wilunza na Kilisito Yesu.

Tito 2:13

akuno cikulilindila lizuwa alilya i liswanu lyono cilitumbiye, mu cipango cono lokwijelela u lukumyo lwo Mulungu Muwaha no Mukombozi wetu Yesu Kilisito.

Wahebelaniya 3:6

Langa Kilisito yo mwihuwilwa nho mwana mono yena Wulajilize mu nyumba yo Mulungu. Ne nyumba yakwe yo sese, hono cibatilile lukulu zo wuluwuce wetu wa muli cono citumbiye.

Yakobo 1:18

So wendo wakwe mweneco yacilela mu nghani yakwe ye mbeka, ho ciwe nha cili mikalo milongozi wa muli viwumbwa vyakwe.

1 Petelo 1:13

Ale, holeka mwiwikanizizaje lukulu ko wuhile no kwikala meso. Wicenyi witumbilo wenyu wose mu wumoti wulya wono molopegwa mwidaha lono Yesu Kilisito yakwijela!

1 Petelo 1:21

Na mu nzila yakwe, anye mukumwihuwilo Mulungu mono yamuzukula muli wafu no kumupela lukumyo, holeka uwihuwilo no witumbilo wenyu wuli kuli Mulungu.

1 Petelo 1:23

Hambi nha mu nzila ye nghani nyumi yo Mulungu, inghani ye cibitilila, anye mwalelwa wupya, si mwinha i wana wo sogo ya munhu mono yadahile kulwa, langa usogo yo munhu mono siyadahale kufwa cibitilila.

1 Petelo 2:2

Nha vyono iwana wadodo wasulumilaga mele, na nyenye nha vivyo munojeye muwe no wusulumizi we mele geneco ge cimuhe, na mu vilungo vyago, ho musume kuwiluka no kukombozwa.

1 Petelo 3:15

Langa mumukumyaje Kilisito nho Muwaha mu zinhumbula zenyu. Kanyhi mweze mwiwikanize nhondo zose kumupitula yunji wo wose mono komuwuzenyi zo witumbilo wono wuli muli nyenye,

1 Petelo 3:21

I lilenga lyono lyali yo hwani yo wubaputizo wono wukumuponyenyi nyenyeʼlu. Wubaputizo si nghani yo wuwusa makwe mu muwili, langa co cilagane kuli Mulungu cono cinozezagwa mu ciselinji ciswanu. Cikumuponyenyi mu nzila yo wuzuce wa Yesu Kilisito,

1 Petelo 3:5

Nha vivyo i katali, vyo wehambaga iwacekulu we lingʼani wono wali wamwitumbiye Mulungu, wakawa wali cihuliko kuli walume zawo.

1 Yohana 2:29

Mumanyile nha vyono Kilisito yo we lingʼani muno, holeka yinojeye munhu wo wose yamanye vyono mono yakwituma zo wilingʼano yuyo yo mwana wo Mulungu.

1 Yohana 3:3

Na muli wose mono yena u witumbilo wuwu muli Kilisito yakwiyeza, nha vyono u mwene Kilisito yelile muno.

1 Yohana 3:9

Munhu wo wose mono yaleleywe muli Mulungu, siketumaga wubi, vyono yakondya kuwa no wuwe wa cinya Mulungu muli mwene, nayo sikosuma kwituma wubi vyono u mwene yawa mwana wo Mulungu.

1 Yohana 4:7

Mo wendece wangu, ciyendaje, hambi u wendo nha wulawaga kuli Mulungu. Muli wose mono yena wendo ale yuyo yo mwana wo Mulungu, kanyhi yamumanyile u Mulungu.

1 Yohana 5:1

U munhu wo wose mono yehuwiye vyono Yesu yo Kilisito, yuyo yo mwana wo Mulungu, na mono yamwendile u mulezi, yakuwa kumwenda no mwana wa yuyo mulezi.

1 Yohana 5:18

Ninga cimanyile vyono muli wose mono yakondya kuwa mwana wo Mulungu, siketumaga wubi, ku soko u Mwana wo Mulungu yakumukamisa. Na yuyo u Mubi si kosuma kumutamisa yaye.

1 Yohana 5:4

Hambi muli wose mono yawa mwana wo Mulungu nha kosuma kuyisuma i yinze. Mumo mo cikuyisumila i yinze, u wihuwilo wetu.