Maatosa 6:9 - Ooratha Caaquwa Goofatho

⁹ “Hiza, hintte yaagidi woossite: ‘Salon de7iya nu aawaw, ne geeshsha sunthay anjjetto.

Gofa New Testament

⁹ “Hiza, hintte yaagidi woossite, ‘Salon de7iya nu aawaw, ne geeshsha sunthay anjjetto.

ጌሻ ማፃፋ

⁹ “ህዛ፥ ህንተ ያግድ ዎስተ፦ “ ‘ሳሎን ደእያ ኑ አዋዉ፥ ነ ጌሻ ሱንይ አንጀቶ።

Geeshsha Maxaafa

⁹ “Hiza, hinte yaagidi woossite: “ ‘Salon de7iya nu aawaw, ne geeshsha sunthay anjeto.

ኦራ ጫቁዋ ጎፋ

⁹ «ሂዛ፥ ሂንቴ ያጊዲ ዎሲቴ፡ ‹ሳሎን ዴዒያ ኑ ኣዋው፥ ኔ ጌሻ ሱንይ ኣንጄቶ።

Maatosa 6:9 ပူးပေါင်းရင်းမြစ်များ

Maatosa 10:29

Nam77u buubbeti issi santimen bayzettokonaayye? Hanoppe attin, enttafe issinnaka hintte Xoossay goonna de7ishin sa7an wodhdhuku.

Maatosa 23:9

Hinttew salon issi aawa xalaali de7iya gisho ha sa7an oonakka ‘Aawaw’ gidi xeegoppite.

Maatosa 26:29

Shin taani hinttew odays; taani ta Aawa kawotethan ooratha woyne ushshaa hinttera uyana gallasa gakkanaw nam77antho ha woyne ushshaa uyikke” yaagis.

Maatosa 26:42

Yesuusi qassi nam77antho bidi, “Ta Aawaw, taani ha waaye xuu7appe uyonna de7ishe aadhdhanaw dandda7ettonnabaa gidikko ne sheney hano” yaagidi Xoossaa woossis.

Maatosa 5:16

Hessa mela asay hintte lo77o oosuwa be7idi, salon de7iya hintte aawa bonchchana mela hintte poo7oy asa sinthan poo7o.

Maatosa 5:48

Hiza, salon de7iya hintte aaway polo gidoyssada hintteka polo gidite.

Maatosa 6:14

“Hintte hinttena qohidayssata atto giikko, salon de7iya hintte Aaway hintte qohuwakka atto gaana.

Maatosa 6:6

Shin neeni woossiya wode ne soo gela, wulaa gorddada geeman de7iya ne Aawakko woossa; geeman oosettidayssa be7iya ne aaway new woytuwa immana.

Maatosa 7:11

Yaatin hintte iita gidishe hintte naytas lo77obaa imo erikko, hintte salo aaway bana woosseyssatas lo77obaa waati darssidi immenee?

Luqaasa 15:18

Denddada ta aawakko bada, ‘Ta aawaw, salon Xoossaa, sa7an nena qohas.

Luqaasa 15:21

Na7aykka, ‘Ta aawaw salon Xoossaa, sa7an nena ta qohas. Hizappe ne na7a geetettada xeegettanaw bessike’ yaagis.

Luqaasa 2:14

“Bonchchoy Xoossaas dhoqqa saluwan, saroy biitta bolla Xoossay dosiya asaas gido” yaagidi galatidosona.

Yohaanisa 20:17

Yesuusi iikko, “Taani buroo ta Aawakko boonna gisho tana oykkada ashshanaw koyoppa. Shin ta ishatakko bada, ‘Taani ta Aawakkonne hintte Aawakko, ta Xoossaakonne hintte Xoossaako, simmana gis’ gada enttaw oda” yaagis.

Roome 1:7

Roomen de7iya, Xoossay siiqeyssatasinne iya geeshsha dere gidana mela dooridayssatas. Xoossaa nu Aawappenne Godaa Yesuus Kiristtoosappe aadho keehatethaynne sarotethay hinttew gido.

Roome 8:15

Nuuni, “Abbaa, ta Aawaw” yaagidi xeegiya, Xoossaa nayta oothiya Geeshsha Ayyaana ekkidaappe attin zaaridi yashshan daanaw aylle oothiya ayyaana ekkibookko.

Galatiya 1:1

Asappe woykko asa baggara gidonnashin Yesuus Kiristtoosappenne iya hayqoppe denthida Xoossaa Aawappe hawaare gidana mela kiitettida ta Phawuloosi,

Galatiya 4:6

Nu Xoossaa nayta gidiya gisho “Abbaa, Aawaw” gidi xeegiya ba Na7aa Ayyaana nu wozanaa giddo kiittis.

1 ፅሞትዮሳ 6:16

Issi iya xalaali hayqqenna. Oonikka shiiqanaw dandda7onna poo7on de7ees. Oonikka iya be7ibeenna; qassi be7anawukka dandda7enna. Bonchchoynne merinaa wolqqay iyaw gido. Amin77i.

1 ጰፅሮሳ 1:17

Asa som77o be7onna iya oosuwada pirddiya Xoossaa, “Nu Aawaw” gidi xeegiyabaa gidikko, ha sa7aa imathatetha duussaa yashshan de7ite.

ዮሃኒሳ ቆንጬ 4:11

“Nu Godaw, nu Xoossaw, neeni bonchcho, sabanne wolqqaa ekkanaw bessaasa. Neeni ubbaa medhdhadasa; ubbabay ne sheniyada hanis, medhettis” yaagidosona.

ዮሃኒሳ ቆንጬ 5:12

He kiitanchchoti dhoqqu gida qaalan, “Shukettida Dorssay wolqqaa, duretethi, cinccatethinne minotethi, bonchcho, sabanne galataa ekkanaw bessees” yaagidosona.