Mikpiirm 21:22 - Ngangam

²² Ma laa' udu nnɔ ni bi pɛ̀keh Uwien kuduku kùa ni, kimɛ Yonbdaan Uwien mituɔm kɛ ya daan nin Kipebuk nnɔ te udu nnɔ ni, nɛ binib pɛ̀keh bɛ.

Mikpiirm 21:22 ပူးပေါင်းရင်းမြစ်များ

Matie 24:2

Nɛ u ye: «Ni laa' tibont tuu kɛ-a? N tɔkeh nɛ imɔ̀n nɛ, kuduku kuu nɔ ya tɛnl liba mɔnɔn ŋa lá li juore kí li pɛ tɔl bo, bi lá li bere kuʼkɛ nɛ.»

Tigbɛmɔnmɔnt tà San kɛle' tù nnɔ 10:30

Min nin nʼBaa te miba nɛ.»

Tigbɛmɔnmɔnt tà San kɛle' tù nnɔ 13:32

Wɔn bo nɛ bi kpiɛke' Uwien la, Uwien bugbɛn mɔ li kpiɛke wɔ. U li kpiɛke wɔ fɛnfɛnnɔ nɛ.

Tigbɛmɔnmɔnt tà San kɛle' tù nnɔ 4:21

Nɛ *Yesu tɔke' wɔ ki ye: «Upii, teke kí ji kí ye, uyo we ní, nib ŋa ji lá li pukeh Baa Uwien lijuɔl liɛ bo, ka ji li pukeh wɔ Yerusalɛm mɔ ni.

Tigbɛmɔnmɔnt tà San kɛle' tù nnɔ 4:23

Uyo we ní, nɛ nì yé fɛnfɛnnɔ nɛ, bipupukmɔ̀nb li pukeh Baa Uwien biʼfɛ̀l ni nɛ imɔ̀nmɔ̀n. Kimɛ Uwien nuunh bi ya nib ya bol nɛ bɛ ń li pukeh wɔ.

Kolɔs yaab 1:19

Kimɛ Uwien ya yíem bo nɛ wɔn nin uʼyul te uʼBijɛ ni ki tì gben',

Kolɔs yaab 2:9

Kimɛ Uwien nin uʼyul te wɔn Kristo ni nɛ ki tì gben'.

Mikpiirm 1:8

Yonbdaan Uwien ye: «Min nɛ yé micincinm nin migbenm.» Wɔn nɛ yé wà là te, ki biɛ ki te, ki we ní, ki yé mituɔm kɛ ya daan.

Mikpiirm 11:17

ki teh: «Yonbdaan Uwien, mituɔm kɛ ya daan. Sin wà là te, ki biɛ ki te nnɔ, ti faareh ŋɛ, kimɛ a taa' aʼtɔciɛnm nɛ ki jin' aʼbɛl.

Mikpiirm 14:4

Ba kuɔn' biʼba jɔknt, bi te tɛn ujɛfaan wà ŋa bɛn jɛ nɛ, kimɛ ba paan' niba bo, bi pɛ Kipebuk nnɔ baba bo nɛ, ki joh kì joh nà kɛ saan. Uwien dɛ' bɛn nɛ binib ni ki wiɛ', bɛ ń li yé wɔn nin Kipebuk ya nikpiɛkb.

Mikpiirm 15:3

Ki gɛh Uwien ya tonsɔnl Moyis nin Kipebuk nnɔ ya yuon ki teh: «Yonbdaan Uwien mituɔm kɛ ya daan, aʼtùon yé itùonciɛn nɛ ki ŋmɔbe kuñaanku. A teh nà nnɔ nì cuube nɛ ki yé imɔ̀n. Sin nɛ yé inibol kɛ ya bɛr.

Mikpiirm 16:14

*Satan nɛ sɔn' yɛ̀, ì teh micincilnm, ki joh utingbɛn kɛ bo ya bɛrb saan, yɛ̀ ń taan bɛ ŋɔ bɛ ń tɔ butɔbu Uwien mituɔm kɛ ya daan ya wengbiin ya daali.

Mikpiirm 16:7

Nɛ n cii' uniɛke uba bó liponpuol saan u teh: «Yonbdaan Uwien mituɔm kɛ ya daan, aʼbuur yé imɔ̀n nɛ, ki cuube.»

Mikpiirm 19:15

Nɛ kijusiek kà ŋmɛ penpen nɔreh ki ñɛh utɛnjɛkl nnɔ ya ñɔbu ni. U li taa kɛn nɛ kí ku inibol. U li ŋuuke bɛ nin ufaa ki la ŋmɔbe nunsɔnge biʼbo, kí niin bɛ tɛn bi taanh ki mɛreh isibii ki ñɛndeh iʼñunm ma bo, kimɛ Uwien mituɔm kɛ ya daan ya mutuol fii' biʼbo ki gbien'-a!

Mikpiirm 4:8

Tiwɛnfuobt tunan nnɔ kɛ ŋmɔbe ifiɛbe iloluob nɛ, ki ŋmɔbe inun ifiɛbe nnɔ bo ñɛin, paaki nin tingi kɛ. Ñɔnku nin wien ni tù tuu ki gɛh iyuon nɛ ki teh: «Uñaan, uñaan, uñaan, Yonbdaan Uwien mituɔm kɛ ya daan nɛ yé uñaan. Wɔn nɛ là te, ki biɛ ki te, ki we ní mɔ.»

Mikpiirm 5:6

Nɛ n laa' Kipebuk kiba se ki nɛke kibɛrbiɛk nnɔ, tiwɛnfuobt tunan nnɔ nin biciɛnb nnɔ ya siik ni. Kipebuk nnɔ ŋmɔbe igbìɛn yà wɔngeh ki teh bi ku' kɛ̀ nɛ. Kì ŋmɔbe iyin ilole nin inun ilole nɛ. Ì yé *Uwien ya Fuoñaanm mà u sɔn' mɛ̀ utingbɛn bo niʼkɛ saan nnɔ nɛ.

Mikpiirm 7:15

Nɛn bo nɛ bi se Uwien ya bɛrbiɛk ya nun bó, ki sɔnh itùon ki dienh wɔ uʼduku ni ñɔnku nin wien ni. Nɛ wà kɛ kibɛrbiɛk bo nnɔ li lèkn biʼbo.

Mikpiirm 7:17

Kimɛ Kipebuk kà te kibɛrbiɛk saan nnɔ nɛ li liike bɛ kí taa bɛ kí jo liñunbunl là ya ñunm dienh limiɛl saan. Nɛ Uwien li ŋmire biʼnunsiir kɛ.»