Mikpiirm 11:18 - Ngangam

¹⁸ Binib bà ŋa yé aʼyaab ya benku ni là ben' aʼbo, nɛ fɛnfɛnnɔ aʼmɔ ya mutuol ji fii' biʼbo. Uyo wà sɔ a li bu bitɛnkpiib tibuur, kí su aʼtonsɔnb biñɔbonsɔknb, kí su aʼnib bà kɛ boh ŋɛ, biwaab nin biciɛnb kɛ, kí gben bà bereh uŋɛndun nnɔ ya gbɛr.»

Mikpiirm 11:18 ပူးပေါင်းရင်းမြစ်များ

Matie 5:12

Li te mɛn uyɛnsɔnge ni, kí li poknh, kimɛ ni li lɛ lisuul là yɛbe paaki bó. Bi là jɛ̀nde' *Uwien ya ñɔbonsɔknb bà là te uyo bo nnɔ mɔ nnɔ nɛ.»

Tigbɛmɔnmɔnt tà Luk kɛle' tù nnɔ 1:50

U li tuu ki teh binib bà boh wɔ tinimɔ̀nt nɛ, haali uyo wà ŋa ŋmɔbe gbenm.

Ebrembɛ 9:27

Uwien sien' ki ye unil kɛ li kpo bolm miba nɛ, nɛ ni ya puoli bó wɔ ń bu binib tibuur.

Mikpiirm 10:7

Ama uyo wà Uwien ya tond nlole li cin kí piebe uʼnatunl nnɔ, u ya yo nɛ Uwien ya gbɛbɔlkaar tà u là tɔke' tù uʼtonsɔnb biñɔbonsɔknb nnɔ li tien.

Mikpiirm 11:2

Ama á dàan ki la kpaan kuduku nnɔ ya luo, kimɛ Uwien taa' wù ki de' bà ŋa yé uʼyaab nɛ. Bi li faake nin Uwien ya du kí wɔbn uʼnib kí tì baa iŋmaale pinan nin ile.

Mikpiirm 13:10

Uwien ye bi li cuo wà tiyonbt la, bi li mɔnbe kí cuo wɔ tiyonbt nɛ. U ye bi li ku wà nin kijusiek la, bi li mɔnbe kí ku wɔ nin kijusiek nɛ. Nɛn bo, Uwien ya nib ń li ŋmɔbe kuminku, kí li pɛ Uwien bo mɔnmɔnm.»

Mikpiirm 13:16

Kì wɔbn' binib kɛ, biwaab nin biciɛnb nin bifàadɛnb nin bijiinb nin iyonbe nin bà ŋa yé yonbe bi tien' kudìɛku biʼnɔjie bo bii biʼyutun bo.

Mikpiirm 14:10

Uwien ya benku ni li be biʼbo kí gbien, wɔ ń dɛre biʼtub ka ń muɔ bɛ cɛcɛkm, kí cère bɛ ń li te uʼtondb nin Kipebuk ya nun bó ki jɛ̀ndeh ki lɛbreh mitɛnñɔkjiɛm mà teknh umu ni.

Mikpiirm 15:1

Nɛ n tí laa' micincilntɔm kutaaku bo. Nì yé nibonciɛnn nɛ ki ŋmɔbe kuñaanku cɛɛn. N laa' Uwien ya tondb bilole, bɛn nɛ li cère ijɛnd ń tu uŋɛndun ya nib kí tì dukn bolm milole. Ijɛndfɔrkɛ nínɔ, kimɛ yɛn bo nɛ Uwien li tùɔre kí wuɔn uʼbenpiebe.

Mikpiirm 15:7

Nɛ tiwɛnfuobt tunan nnɔ ya kiba taa' miñɔ̀km ya sɛ̀n ilole ki de' Uwien ya tondb bilole nnɔ. Uwien wà tuu ki te uyo kɛ nnɔ ya mutuol nɛ gbe isɛ̀n nnɔ.

Mikpiirm 18:6

Tien bɛ mɛn bi tien' nɛ ma bo nnɔ, bi tien' nɛ ibiɛre yà nnɔ, jiin bɛ mɛn nnɔ bolm mile bo, bi là cère' ni jin' ijɛnd ma bo nnɔ, jiin bɛ mɛn nnɔ bolm mile bo.

Mikpiirm 19:15

Nɛ kijusiek kà ŋmɛ penpen nɔreh ki ñɛh utɛnjɛkl nnɔ ya ñɔbu ni. U li taa kɛn nɛ kí ku inibol. U li ŋuuke bɛ nin ufaa ki la ŋmɔbe nunsɔnge biʼbo, kí niin bɛ tɛn bi taanh ki mɛreh isibii ki ñɛndeh iʼñunm ma bo, kimɛ Uwien mituɔm kɛ ya daan ya mutuol fii' biʼbo ki gbien'-a!

Mikpiirm 19:18

Yì ń baa kí ji bibɛrb nin sojaciɛnb nin bifɛfaab nin itaan nin bà jɛke yì nin binib kɛ, bà yé iyonbe nin bà ŋa yé yonbe nin biwaab nin biciɛnb kɛ ya nɔnt.

Mikpiirm 19:5

Nɛn saan nɛ uniɛke uba len' kibɛrbiɛk nnɔ saan ki ye: «Ninbi, biwaab nin biciɛnb bà yé tiʼWien ya tonsɔnb ki boh wɔ nnɔ niʼkɛ ń li pɛ̀keh wɔ mɛn.

Mikpiirm 20:12

Nɛ n laa' bitɛnkpiib, biciɛnb nin biwaab kɛ se kibɛrbiɛk nnɔ ya nun bó. Nɛ bi pibre' tigbɔnt, ki liɛbe' ki pibre' kutɔku limiɛl ya gbɔnku nínɔ. Bi bun' bitɛnkpiib tibuur, wà kɛ là sɔn' ma bo. Bi bun' bɛ tɛn nì kɛle' ma bo tigbɔnt nnɔ ni nɛ.

Mikpiirm 20:15

Nɛ bi taa' binib bà kɛ ya yel ŋa kɛle' limiɛl ya gbɔnku ni nnɔ mɔ ki wiɛ' kumubùoku nnɔ ni.

Mikpiirm 22:12

*Yesu tí ye: «Li cengeh mɛn, n we ní na ń taande, kí li tuke lisuul ń lá su unil kɛ uʼtuonl kpɛ ma bo.