Matie 2:2 - Ngangam

² nɛ ki niire' ki ye: «Bi maa' kibuk kà kì yé Sufmbɛ ya bɛr nnɔ te lɛ saan-i? Kimɛ ti laa' kiʼŋmaabil lɛnpuoli bó nɛ ki baa' tí puke kɛ̀.»

Matie 2:2 ပူးပေါင်းရင်းမြစ်များ

Matie 2:3

Ubɛr Herod nin Yerusalɛm ya nib kɛ cii' tigbɛr nnɔ ma nnɔ, nɛ tù bɛke' bɛ cɛɛn.

Matie 21:5

«Tɔke mɛn Siyɔn yaab kí ye biʼbɛrciɛn we ní. U te suoo nɛ, ki jɛke uŋuunñɔ nin uʼbuk.»

Matie 27:11

*Yesu se gobina Pilat ya nun bó, nɛ u niire' wɔ ki ye: «Sin, a yé Sufmbɛ ya bɛr nɛ-ɛɛ?» Nɛ Yesu jiin' wɔ ki ye: «Sin nɛ ye nnɔ.»

Tigbɛmɔnmɔnt tà Luk kɛle' tù nnɔ 19:38

ki wuureh ki teh: «Uwien ya mɔnm ń li te ubɛr wà we ní Yonbdaan ya yel bo nnɔ bo. Uyɛnduɔn ń li te paaki bó, pɛ̀ke mɛn Uwien paaki bó.»

Tigbɛmɔnmɔnt tà Luk kɛle' tù nnɔ 2:11

Dinnɔ wuɔ nɔ, bi maa' niʼŊmiɛnl *Kristo Yonbdaan, *Dafid ya du ni.

Tigbɛmɔnmɔnt tà Luk kɛle' tù nnɔ 23:3

Nɛ Pilat niire' wɔ ki ye: «Sin, a yé *Sufmbɛ ya bɛr nɛ-ɛɛ?» Nɛ u jiin' wɔ ki ye: «Sin nɛ ye nnɔ.»

Tigbɛmɔnmɔnt tà Luk kɛle' tù nnɔ 23:38

Bi là kɛle' ki tɛbn' uʼyul ya paaki bó, ki ye: «*Sufmbɛ ya bɛr sɔ nɔ.»

Tigbɛmɔnmɔnt tà San kɛle' tù nnɔ 1:49

Nɛ Natanayɛl ye: «Cɛnbaa, a mɔnbe ki yé Uwien ya Bijɛ nɛ. A yé Israyɛl ya bɛrciɛn nɛ.»

Tigbɛmɔnmɔnt tà San kɛle' tù nnɔ 12:13

nɛ bi bɛre' mubiɛbisiimu ya fɛr ki tobreh wɔ usɛn bó, ki wuureh ki teh: «Osana! Uwien ya mɔnm ń li te wà we ní Yonbdaan ya yel bo nnɔ bo. Uwien ya mɔnm ń li te Israyɛl yaab ya bɛr bo.»

Tigbɛmɔnmɔnt tà San kɛle' tù nnɔ 18:37

Nɛ Pilat tɔke' wɔ ki ye: «Nɛn mɛn la, a yé ubɛr nɛ-a!» Nɛ *Yesu jiin' wɔ ki ye: «Sin nɛ ye n yé ubɛr. N baa' uŋɛndun wuu ni ń lá tɔke binib tigbɛmɔ̀nt nɛ. Nɛn bo nɛ bi maa' nni. Unil wà kɛ pɛ tigbɛrmɔ̀nt bo nɛ cengeh nʼbó.»

Tigbɛmɔnmɔnt tà San kɛle' tù nnɔ 19:19

Pilat kɛle' mikɛlm miba ki ye: «Nasarɛt ya *Yesu wà yé *Sufmbɛ ya bɛr nnɔ sɔ», nɛ ki cère bi taa' ki tɛbn' uʼdɔpɔnpɔn bo.

Tigbɛmɔnmɔnt tà San kɛle' tù nnɔ 20:28

Nɛ Toma ye: «A yé nʼYonbdaan nin nʼWien nɛ.»

Tigbɛmɔnmɔnt tà San kɛle' tù nnɔ 5:23

ŋɔ binib kɛ ń kpiɛke uʼBijɛ tɛn bi kpiɛkreh uʼBaa ma bo. Unil wà kɛ ŋa kpiɛke' Uwien ya Bijɛ la, wa kpiɛke' uʼBaa wà sɔn' wɔ ní nnɔ mɔ nɛ.

Tigbɛmɔnmɔnt tà San kɛle' tù nnɔ 9:38

Nɛ u ye: «Yonbdaan, n teke' ŋɛ ki jin',» nɛ ki gbaan' uʼnintuɔli ki puke' wɔ.

Ebrembɛ 1:6

Ama uyo wà Uwien yíe uʼBijɛ wà yé kibukpiɛk nnɔ ń baa uŋɛndun ni nnɔ, u len' ki ye: «Uʼtondb kɛ ń gbaan kí puke uʼBijɛ.»

Mikpiirm 22:16

«Min *Yesu nɛ sɔn' ní nʼtond wɔ ń lá tɔke nɛ tigbɛr tuu nʼtáan ni. N yé Dafid ya yaabil nɛ, ki wien tɛn litɛnŋɛŋmaasɛl.»