Tigbɛmɔnmɔnt tà Luk kɛle' tù nnɔ 2:9 - Ngangam

⁹ Yonbdaan ya tond uba puɔ' biʼsaan, nɛ Yonbdaan ya wenwenku wende' ki yile' biʼbo, nɛ bujɛwaanbu cuo' bɛ cɛɛn.

Tigbɛmɔnmɔnt tà Luk kɛle' tù nnɔ 2:9 ပူးပေါင်းရင်းမြစ်များ

Matie 1:20

U maaleh nnɔ ma nnɔ, nɛ ki laa' Yonbdaan ya tond uba tidɛknt ni. Utond nnɔ tɔke' wɔ ki ye: «*Yosɛf, *Dafid ya yaabile, la fɛnge kí ye ŋa ń taa aʼpo Mari kí baa aʼden, kimɛ *Mifuoñaanm nɛ cère' u punbe'.

Tigbɛmɔnmɔnt tà Luk kɛle' tù nnɔ 1:28

Utond nnɔ baa' ki kɔn' Mari den, nɛ ki ye: «N fuondeh ŋɛ Mari. Yonbdaan tien' ŋɛ tinimɔ̀nt ki gbien', nɛ ki te nin ŋɛ.»

Tigbɛmɔnmɔnt tà Luk kɛle' tù nnɔ 2:8

Tɔ, biwɛnkpaab biba là te mitinfɛnm nnɔ ni, ki kɔh ikpàan bó, ki gɔh ki gu biʼwɛnt kuñɔnku.

Tigbɛmɔnmɔnt tà Luk kɛle' tù nnɔ 24:4

Nì bɛke' bɛ cɛɛn nɛ ba ji bɛn bi li ye bà. I ya tàan bo nɛ bi laa' bijɛb bile baa' ki lá sere' biʼsaan, ki guo tikpɛlcɛr tù windeh ki dɔnbeh inun bó.

Tigbɛmɔnmɔnt tà San kɛle' tù nnɔ 12:41

Esayi là len' nnɔ, kimɛ u là laa' *Yesu ya kpiɛke ma nnɔ nɛ cère' u len' uʼgbɛr.

Itùon 12:7

Nɛ Yonbdaan Uwien ya tond uba pɔk ki puɔ' nɛ uʼwenwenku wende' kuduku nnɔ ni. U ñi' Piɛr ya kɛle ni ki fìnde' wɔ, nɛ ki tɔke' wɔ ki ye: «Fii tonm», nɛ tikudɔkr nnɔ lore' uʼnuɔ ni ki lu'.

Itùon 27:23

N yé Uwien ya nil nɛ, nɛ ki pukeh wɔ. Kuñɔnku kuu nɔ u sɔn' uʼtond uba nʼsaan,

Itùon 5:19

Ama niʼdaali ya ñɔnku, nɛ Yonbdaan Uwien ya tond baa' ki lá pìire' lipɛkl ya nagɛnku, ki ñɛn' bɛ, nɛ ki tɔke' bɛ ki ye:

2 Korɛnt yaab 3:18

Tinbi bà kɛ niba ŋa ji lìeke tiʼnun bó nnɔ, ti te tɛn kinunliik nɛ bi likeh ki lɛnh Yonbdaan ya kpiɛke windeh ma bo. Nɛ wɔn wà yé *Mifuoñaanm nnɔ lèbreh tɛ ki cèreh ti nɛngreh wɔ, ki lɛnh ukpiɛke u yɛbreh ki joh.

2 Korɛnt yaab 4:6

Kimɛ Uwien wà là ye: «Kuwenwenku ń wende licinñunl ni nnɔ», wɔn nɛ wende' tiʼfɛ̀l ni ŋɔ tí bɛnde uʼkpiɛke wà windeh [Yesu] Kristo ya nun bó nnɔ.

1 Timote 3:16

Imɔ̀n, Uwien bo ya paanm ya gbɛr tà buɔ u kpiire' tù nnɔ yé tigbɛciɛnt nɛ. Kristo nɛ yé tigbɛr tà buɔ nnɔ, ki tien' uʼba unisaal, ki ñɛn' uʼba upaan bo *Mifuoñaanm nɛ wuɔn' ki ye u yé ugbɛmɔ̀ndaan, u cère' Uwien ya tondb laa' wɔ, bi kpaande' uʼgbɛr bà ŋa yé *Sufmbɛ ni, nɛ binib teke' wɔ uŋɛndun ni ki jin', Uwien taa' wɔ uʼkpiɛke ni ki don' paaki bó.

Ebrembɛ 12:21

Nà là tien' nnɔ là ŋmɔbe bujɛwaanbu cɛɛn, nɛ Moyis len' ki ye: «Bujɛwaanbu ŋmɔbe nni haali nʼgbɛnɛnt kɛ tì ŋɔh.»

Mikpiirm 18:1

Ni ya puoli bó nɛ n tí laa' tidɛknt yaam Uwien ya tond uba ñɛn' paaki bó ki jiinh ní, ki ŋmɔbe mituɔm ki gbien', nɛ uʼwenwenku wende' utingbɛn kɛ bo,

Mikpiirm 20:11

N laa' kibɛrbɛcɛnciɛnk kiba kì pìen, ki laa' wà kɛ kiʼbo nnɔ. Kitink nin kutaaku gben' uʼnun bó kpɛkpɛl ka sìen' bonn.