Tigbɛmɔnmɔnt tà San kɛle' tù nnɔ 8:37 - Ngangam

³⁷ N bɛn ki ye ni yé *Abraham ya yaabii nɛ. Ama ni nuunh ní ku nni nɛ, kimɛ na tuo' nʼgbɛr.

Tigbɛmɔnmɔnt tà San kɛle' tù nnɔ 8:37 ပူးပေါင်းရင်းမြစ်များ

Matie 13:15

Kimɛ udu wuu ya nib ya yul faa nɛ. Bi kpɛ biʼtub nɛ, ki ŋuun', ka yíe biʼnun ń lɛ, ka yíe biʼtub ń cii, ka yíe bɛ ń bɛnde niʼtingi biʼyɛnm ni, ka yíe bɛ ń lèbre biʼtetem, ŋɔ ń buu bɛ.› »

Matie 3:9

ki la li maaleh niʼyɛnm ni ki teh: ‹Tiʼyaajɛ si *Abraham ma nnɔ, nì dɛ̀kre' nɛ›, kimɛ n tɔkeh nɛ nɛ, Uwien li fre kí cère itɛn yiɛ nɔ ń kpɛnde *Abraham ya yaabii.

Tigbɛmɔnmɔnt tà San kɛle' tù nnɔ 10:31

Nɛ *Sufmbɛ ya ciɛnb tí yuure' itɛn bɛ ń yèke kí ku wɔ.

Tigbɛmɔnmɔnt tà San kɛle' tù nnɔ 11:53

Kí ñɛ nɛn daali nɛ bi sien' ki ye bi li ku Yesu nɛ.

Tigbɛmɔnmɔnt tà San kɛle' tù nnɔ 5:44

Ni yíe ní li kpiɛkreh tɔb nɛ, ka nuunh kpiɛke wà ñɛh ní Uwien baba saan nnɔ. Nɛn bo, ni li tien mila kí teke nni kí ji?

Tigbɛmɔnmɔnt tà San kɛle' tù nnɔ 7:1

Ni ya puoli bó nɛ *Yesu cuonh Galile ya tinfɛnm ni, ka yíe wɔ ń jo Sude ya tinfɛnm ni, kimɛ Sufmbɛ ya ciɛnb bà te niʼbó nnɔ nuunh bɛ ń ku wɔ nɛ.

Tigbɛmɔnmɔnt tà San kɛle' tù nnɔ 7:19

Moyis nɛ ŋa là de' nɛ *yiko-oo? Nin nɛn kɛ niʼni uba ŋa pɛ yiko nnɔ bo. Bɛ tien' ni nuunh ní ku nni?»

Tigbɛmɔnmɔnt tà San kɛle' tù nnɔ 7:25

Yerusalɛm yaab biba lienh ki teh: «Ujɛ wà bi nuunh bɛ ń ku wɔ nnɔ ŋa sɔ-ɔɔ?

Tigbɛmɔnmɔnt tà San kɛle' tù nnɔ 8:33

Nɛ bi ye: «Ti yé *Abraham ya yaabii nɛ. Uba ŋa lì cuo' tɛ yonbt. Bɛ tien' a ye ti li ñɛ tiyonbt ni?»

Tigbɛmɔnmɔnt tà San kɛle' tù nnɔ 8:43

Bɛ tien' na ciih n lienh ki teh bà? Kimɛ na lì yíe ní cenge nʼgbɛr nɛ.

Tigbɛmɔnmɔnt tà San kɛle' tù nnɔ 8:56

Niʼyaajɛ *Abraham là maale' ki ye u li lɛ nʼyo, nɛ ki pokn'. U laa' nʼyo nnɔ, nɛn bo nɛ u là ŋmɔbe uyɛnsɔnge.»

Tigbɛmɔnmɔnt tà San kɛle' tù nnɔ 8:59

Nɛn saan nɛ bi gɛ̀nde' itɛn bɛ ń yèke kí ku wɔ, nɛ u lɔkre' ki ñɛn' Uwien ya duku ya luo bo.

Tigbɛmɔnmɔnt tà San kɛle' tù nnɔ 8:6

Bi là len' nnɔ ŋɔ bɛ ń dɛle *Yesu kudiɛku nɛ, kí lɛ bi li dule nà bo kí biin wɔ. Nɛ *Yesu gòn' ki ŋmɔbe uʼnɔbil ki dɛngeh tingi ni.

Itùon 13:26

Tɔ, nɛ Pɔl tí tɔke' bɛ ki ye: «Nʼyaab *Abraham ya yaabii nin bà ŋa yé *Sufmbɛ ki boh Uwien nnɔ, Uwien là cère' tinbi nɛ cii' tigbɛr tà li cère tí ŋmɛre nnɔ.

Erom yaab 9:7

*Abraham ya yaabii mɔ kɛ ŋa cinbe ki yé Uwien ya puonl ya bumu. Kimɛ Uwien là pùon' *Abraham ki ye uʼbijɛ *Isaak ya bumu baba nɛ li yé uʼyaabiimɔ̀n.

1 Korɛnt yaab 2:14

Unil wà ŋmɔbe inisaalyɛnmaale baba ŋa ń fre kí teke *Uwien ya Fuoñaanm ya gbɛr. Wɔn bo tù yé tiwaargbɛr nɛ, nɛ wa ń fre kí cii tuʼtingi, kimɛ *Uwien ya Fuoñaanm nɛ cèreh binib bɛndeh tù.

1 San 2:14

Nʼbumu, n kɛle' tigbɛr tuu ki de' nɛ, kimɛ ni bɛn Baa Uwien. Nʼbaambɛ, n kɛle' tigbɛr tuu ki de' nɛ, kimɛ ni bɛn wà te haali tibont kɛ ya cincinyo. Bifɛ̀nbɛ, n kɛle' tigbɛr tuu ki de' nɛ, kimɛ ni ŋmɔbe mituɔm, Uwien ya gbɛr te niʼfɛ̀l ni, nɛ ni faake' nin usɛnpol ubiɛrɔ.