Ebrembɛ 4:9 - Ngangam

⁹ Nɛn nɛ wuɔn' ki ye Uwien ya nib biɛ ki ŋmɔbe lifuorl tɛn Uwien là fuore' ma wienlole daali nnɔ.

Ebrembɛ 4:9 ပူးပေါင်းရင်းမြစ်များ

Matie 1:21

U li maa kibujɛbuk, nɛ á yin kɛ̀ *Yesu, kimɛ wɔn nɛ li ñɛn uʼbol yaab biʼbiɛre ni.»

Kugbɔnku kùa Pɔl kɛle' ki de' Tit nnɔ 2:14

Tinbi bo nɛ u kpo' ŋɔ wɔ ń ñɛn tɛ itùonbiɛrɛ kɛ ni, kí tien tɛ linibol là ŋa ŋmɔbe jɔknt, ki yé uʼyaal, liʼnun mɔ́n lɛ̀ ń li tuu ki teh nà mɔn.

Ebrembɛ 11:25

ki cɛ̀kre' uʼyɛnm ki ye bi jɛ̀ndeh wɔn nin Uwien ya nib la, nì mɔn ki cɛn' wɔ ń li te ibiɛre ni ki jinh uŋmaa wà ŋa ń wuɔke.

Ebrembɛ 3:11

Nɛ nʼbenpiebe ni n pole' ki ye: ‹ba ń baa n bonde' bɛ nà saan bɛ ń fuore nnɔ fiebu.› »

Ebrembɛ 4:1

Uwien bonde' lifuorl niba saan, ki pùon' ki ye uʼnib li baa niʼsaan kí fuore. Lipuonl nnɔ biɛ ki te nɛ. Nɛn bo, liike mɛn niʼyul bo, niʼni uba la taandeh ŋɔ ki la lúo lifuorl nnɔ.

Ebrembɛ 4:10

Kimɛ wà kɛ laa' lifuorl Uwien saan la, u sɔn' uʼtuonl ki gben' nɛ ki fuoreh tɛn Uwien là sɔn' uʼtuonl ki gben' ki fuore' ma nnɔ.

Ebrembɛ 4:3

Ama tinbi teke' tù ki jin'. Nɛn bo nɛ ti li lɛ lifuorl Uwien saan. U là len' lifuorl nnɔ bo ki ye: «Nʼbenpiebe ni n pole' ki ye: ‹Ba ń kɔ n bonde' bɛ lifuorl udu wà ni nnɔ ni fiebu.› » Ama Uwien nín sɔn' ki gben' uʼtuonl haali uŋɛndun ya cinm nɛ.

Ebrembɛ 4:8

Tɔ, nì yé Sosuwe bi là cère' bi laa' lifuorl la, Uwien ŋa bi li liɛbe kí len lidɛtɔl liba ya gbɛr.

1 Piɛr 2:10

Uyo uba na là yé Uwien ya nib, ama fɛnfɛnnɔ ni ji yé uʼyaab nɛ, na là yé u muɔ' binib bà micɛcɛkm nnɔ, ama fɛnfɛnnɔ ni ji yé u muɔ' binib bà micɛcɛkm nɛ.

Mikpiirm 14:13

Nɛ n cii' uniɛke uba bó u len' paaki bó ki ye: «Kɛle kí ye: Binib bà ji kpuokeh fɛnfɛnnɔ Yonbdaan bo nnɔ, Uwien ya mɔnm te biʼbo.» Nɛ *Mifuoñaanm ye: «Imɔ̀n, bɛ ń li fuoreh kí ñɛn biʼjiinku, kimɛ Uwien ŋa ń sunde biʼbó bi sɔn' itùon yà nnɔ bo.»

Mikpiirm 21:4

U li ŋmire biʼnunsiir kɛ, kuum nin kumuɔ nin jɛnd nin kpiɛnde ŋa ji li te, kimɛ tibonkpaar nnɔ kɛ gben'-a.»