Yuhana 9:3 - Bible Zulgo

³ Yesuw a gwaɗa a tar aaka: «Guluf ŋgar aaha ka, aɗaba bakal ŋgar tsa, dite agəra biy gà tsir ŋgar tsa asa. Ta wa ŋgat guluf ŋa tùtùrkùmma ka, dite ndzəɗa Mbulum mə̀ pàt aba nda təv ŋgar.

Yuhana 9:3 ပူးပေါင်းရင်းမြစ်များ

Mata 11:5

Gwaɗumar ka, gà ɓəzla guluf tàa ŋgat are tar, dite gà ɓəzla magàha a bəɗ ibam, ti de a lele, nda gà ɓəzla mbəlak ba tekeɗe, suwuɗ suwuɗ tàa mbala. Gà ɓəzla mandakazləm tekeɗe ibam asa, pìɗek tàa tsaraka zləm, nda gà məməta ibam asa, hùrùm tàa mbalara i məməta ya. Gà ɓəzla matawak mbaŋa, tàa tsaraka bazlam ŋgwal ŋa ana i tsik a ya.

Yuhana 11:4

Yesuw a tsaraka kataya ka, a gwaɗa a tar: «Dukw məməta ŋgar ata ka, à mìt a dər a biye tsa. A ger a ka, aà meɗìfè à ndzəɗa Mbulum a mburma, dite tə sər mezlibe ana tì zlibe a à iye Kəla ŋgar a mbaŋa.»

Yuhana 11:40

Yesuw a gwaɗar aaka: «Yàa gwaɗak ka, na kàa gəs iye nda gəzləŋ ka, ki ta ŋget a ndzəɗa Mbulum ana, Yàa tsikik tsiye?»

Gà Ɓəzla Meslire 28:4

Gà mburma ata i fataya, ta ŋgat a mesiwiɗ ata ndzàkwàlàkka aà Pul kataya ka, ta gwa: «Wele aaha ka, a ge a ka, mala məbatsa mburma. Ku aka bera i yam a tekeɗe, aka be i seriye Mbulum a ɓav tsa.»

Gà Ɓəzla Meslire 4:21

I dəba ŋa ya, mayahaba gər gà mburma ata ti yaha vatwa, waytsà aà mandza aà tar magəɗa hinne asa, dite ta pəl à tar, tə da ba. Ta ŋgat vatwa dukw ana tì sèwèr a ter a dər are ya tsa, aɗaba gà asiŋ gà mburma tserdze tar riŋ tì zèmbeɗe a à Mbulum, agəra dukw mene à mburma ata a ge ba ya.

1 Yuhana 4:16

Mər ka, mì sər na Mbulum a waya kwa ya. Mì gəs taŋa ka, nda gəzləŋ mər lele mbaŋa. Mbulum ŋgat ka, mala mawàyà mburma. Wur ana a waya Mbulum, dite a waya mburma asa ya ka, ti ndze a i təv ilik ŋa nda Mbulum. Mbulum tekeɗe, a ndze a i təv ilik ŋa nda ŋgat mbaŋa.

1 Yuhana 4:9

Kamala taŋa ya na Mbulum a ɗif a kwe a à mawàyà ba ŋgar a. A slər a kwara Kəla ŋgar ana mifèndèz ŋa ilik a, aka gər ahəɗ a, na dite kə̀ ŋgatakwa dər mesife awiya ŋa aɗaba ŋgat a.