Yuhana 7:3 - Bible Zulgo

³ Aɗaba taŋa na gà damər Yesuw ta gwaɗar ka: «Tàkwa i faha ya, a Yeruzalem, aka ahəɗ Yuda, dite ka, gà ɓəzla mazazama kər ana i fataya, ta ŋgat a dukw mene aà mburma ana ki ge a ya mbaŋa ya.

Yuhana 7:3 ပူးပေါင်းရင်းမြစ်များ

Mata 12:46

Aləka i təv ana Yesuw a riŋ à fèfil a a gà mburma ata mba ya ka, gà mama ŋgar nda gà damər ŋgar tar riŋ ti dehe a a təv ŋgar. Tə daha ka, ta hitse a bəra, ta waya mifefile nda gà ŋgat.

Markus 3:21

Gà gwala ŋgar tə tsaraka miɓizle ŋgar i kwite ata tsara ka, ta gwa: «A ge a ka, duwa aka ndzək ihər metsehe ya, tàkwa aaka, ta gə̀sakwara ŋgat a ma ya.» Ta mah ba, tə da.

Markus 3:31

Zàkwayiya ka, gà mama Yesuw nda gà damər ŋgar aaha ndeɗiŋa ya, tàa slala. Tə daha ka, Yesuw i ga. Ta hitse a bəra. Ta gwa: «Yesuw ana, i ŋga?» Dite tə slər mburma a təv ŋgar a ga, aà mezelereha.

Luka 8:19

Gà mama Yesuw nda gà damər ŋgar tə daha, ta waya mada a təv Yesuw. Ama ti sle mede tsìm a təv ŋgar tsa, aɗaba mburma a riŋ i təv ŋgar hinne.

Luka 8:20

Gà mburma ana i fataya, ti tsikeha a Yesuw. Ta gwaɗaraha: «Gà mama yak nda gà damər yak naha ɗa i bəra, a sàs a tar aà meŋgeteke.»

Yuhana 2:2

Dite tàa zal a gà Yesuw nda gà ɓəzla mazazama ŋgat mbaŋa.

Yuhana 6:60

Gà ɓəzla mazazama Yesuw tə tsaraka bazlam ŋgar ata tsara ka, gà asiŋ ŋa i liwiŋ tar hinne ta gwa: «Bazlam aaha ka, kuɗa ihər, weke na a sle a aà megìse ya?»

Yuhana 6:66

I təv ana gà ɓəzla mazazama ŋgat tə tsaraka bazlam ŋgar ata ya ka, gà asiŋ ŋa i magər tar hinne, ta məsak à mazazama ŋgat, ta mbəɗ gər a dəba.

Yuhana 7:10

Aləka gà damər Yesuw tə da a megirive ata i Yeruzalem a ka, Yesuw tekeɗe, a dəɗ aka tar i dəba ya mbaŋa. Aləka ŋgat a ndzeha a fata ka, aka pàt aba a mburma parzakkà tsa kəla, a kaha ba.

Yuhana 7:4

Wura à kèhe a dukw ana a ge a ya tsa, na aka sasar ka, mburma tə sər ŋgat tserdze ya. Aɗaba na kər riŋ ihər ki ge a medzibe megemir ata ka, ge parakkà, gà mburma tserdze ta ŋgatak, na dite ti sir a ya.»

Yuhana 7:5

Ama gà damər ŋgar ata ti tsikar kataya ka, ku mege tar tekeɗe, ta gəs ŋgat nda gəzləŋ ɓav tsa.

Gà Ɓəzla Meslire 2:14

I dəba ŋa ya, gà Piyer nda gà asiŋ gà ɓəzla meslire Mbulum ata kurwa gəra ilik a, ta hitse aà mbulum, dite Piyer a dza ba aà mifefile a gà mburma ana i fataya, ŋgəlakəkka nda ndzəɗa. A gwaɗa a tar: «A kurum gà Yahuda nda gà mburma ana ɗa mandza ŋa i Yeruzalem tserdze ya. Tsarakum, dite kà dzum zləm a dukw ana i tsik a kurum a ya lele: