Yuhana 7:1 - Bible Zulgo

¹ I dəba ŋa ya, Yesuw a sùwaya riŋ ika ahəɗ Galile tserdze. A sasar mede aka ahəɗ Yuda tsa, aɗaba ana a sàs a gà bàba gà Yahuda aà makə̀ɗà ŋgat a.

Yuhana 7:1 ပူးပေါင်းရင်းမြစ်များ

Mata 10:23

Na bəla ti sèwèr a kurum a are i kwite ata ka, gwidìzl tə̀zum a kwite ŋgiɗ pam. Aɗaba taŋa, iye ihər i gweɗe a kurum a nda ndzer: I huɗ mesewere are kurum ata ya ka, ələk iye *wur ana a dara i təv Mbulum a, i mère a ka, kàa lə̀mum aka gà kwite ana ika ahəɗ Isərayel a fit tsa.»

Mata 21:38

Ama gà ɓəzla megemir dizl ɗaf ata ta ŋgat a kəla ata, a daha a təv tar a tsara ka, ta mà akaba à bazlam ika magər tar. Ta gwaɗaba:

Markus 11:18

Gà Əbay gà ɓəzla mandəva kuɗa a Mbulum, nda gà ɓəzla medzeŋge məpala ahəm Mbulum, tə tsaraka bazlam Yesuw ata a tsik a tar a ka, a zla aà tar arəv a hinne. Ti yaha vatwa aà makə̀ɗà ŋgat. Aɗaba guma ŋgar ata a tsik a tar a ka, a gəs gəzləŋ a gà mìsle ŋgiɗ ika magər tar a hinne tsara. A dzik a aà tar mburma ya.

Yuhana 1:19

A pat duwa ka, gà bàba gà Yahuda ana i Yeruzalem a, tə slər gà asiŋ gà ɓəzla mandəva kuɗa a Mbulum ana i gwala Levi ya, nda gà asiŋ tar a təv Yuhana, aà megweɗer ka: «Kər ana, weke?» Tə daha a təv ŋgar, ta wiz ahər. Bazlam ana Yuhana a tsik a tar a ka, araha.

Yuhana 4:3

Aləka i təv ana Yesuw a tsaraka dukw ana gà Farisa ata ti tsik ahər a ka, a mah ba ika ahəɗ Yuda ya, à mbìɗ a gər aka ahəɗ Galile.

Yuhana 4:54

Dukw ata a ge ba ka, i dəba na Yesuw a dara ika ahəɗ Yuda ya, a mbəɗ gər aka ahəɗ Galile ya. Taŋa na a ne dukw mene aà mburma ana masula ŋa a ge i fataya.

Yuhana 6:1

Aləka i dəba ŋa ya, Yesuw a mah ba i fataya, a daba aka lìdè duluv Galile. Tə zal a zləm duluv ata ka, Tiberiyas asa mbaŋa.

Yuhana 7:11

Gà bàba gà Yahuda ana i fataya, ti yaha ŋgat i megirive ata ya hinne. Ta gwa: «Ŋgat dze ana, i ŋga?»

Yuhana 7:13

Ama a sàs a wura aà meɗe à bazlam ŋa a bəra parakkà tsa, aɗaba ana ta ge magəɗa a gà bàba gà Yahuda ya.

Yuhana 7:19

Magwaɗa ŋa ka, Musa aka vəl a kurum məpala ahəm Mbulum dze ana, dite wura aka gəs ahər ahəm i liwiŋ kurum a ilik tsidze ya. Aàmala na ki yehwim a vatwa aà mekìɗe iye asa ya?»

Yuhana 7:25

Gà asiŋ gà mburma ana i Yeruzalem a, ta gwa: «Abaya naha ka, wele ana gà mburma ti yehe a vatwa aà makə̀ɗà ŋgat a.

Yuhana 7:35

Gà bàba gà Yahuda ata tə tsaraka bazlam ŋgar ata kataya ka, ta gwaɗaba ika magər tar: «A ti de a dze ana, a ŋga, na dite ka, ki slekwe a aà mesire tə̀vəməŋa tsidze ya? Wànà a de a ana, a təv gà Yahuda ana ta gwitse aba aka ahəɗ diriŋ a liwiŋ gà Girek, a dzeŋge a ter a diriŋ i fata, dite ka, a dzeŋge a a gà Girek mbaŋa kəla ya?

Yuhana 8:37

I sər kurum. Kurum ka, gà ɓəza Abəraham seyiŋ. Ama kurum riŋ ihər ka, ki yehwim a vatwa aà makə̀ɗà iye, aɗaba ana kàa gəsum bazlam gà tsiye.

Yuhana 8:40

Ama iye ka, i tsikewa a kurum ndzer ŋa ana i tsarakara i təv Mbulum a. Ku mege kataya tekeɗe ibam ka, kurum riŋ ihər ki yehwim a vatwa aà mekìɗe iye dər akaba ivaɗ. Medzìbe dukw ata ki wìsehwim a ya ka, Abəraham aka ge ilik tsa.

Gà Ɓəzla Meslire 10:38

Kàa tsarakum, meme na Mbulum a rah à Mezite Mesife nda ndzəɗa ŋgar aka gər Yesuw gà Nazaret a. Ama ka, Yesuw a sùwayawa ika ahəɗ gà Yahuda tserdze nda mege ŋgwal ŋa a mburma, a mbala à gà na Əbay sitene a kwere a tar a tserdze mbaŋa, aɗaba ka, Mbulum a riŋ nda gà ŋgat.