Yuhana 5:4 - Bible Zulgo

⁴ Aɗaba a pat ŋgiɗ ka, gawla Mbulum a dawara, a ɓezle a dər. Aka ɓazla dər ka, gà ɓəzla dukw məməta ata ti de aɗəmiŋa. Dite malahalah ŋana a lah aɗəm a ka, a mbiliŋa, ku mege dukw məməta awara tekeɗe ya.}

Yuhana 5:4 ပူးပေါင်းရင်းမြစ်များ

Mata 11:12

Ama à gər ana Yuhana a pat aba, a tsikewa bazlam Mbulum a mburma ya haa kinehe tekeɗe, gà ɓəzla mene are a Mbulum ta həndakawa a vatwa a mburma, ta waya bazlam *mekwere Mbulum ana a kwere a ya, ma da aka miɗ tsa.

Mata 6:33

Ama malahalah ŋa ka, dzalum aka mekwere ŋgar, dite ki gwim a ka, dukw ana a waya ya ivaɗ. Na kàa gwim kamala taŋa ya ka, a vile a kurum a gà asiŋ gà dukw ŋgiɗ ana ti sle aà kurum a ya tserdze mbaŋa.

Luka 13:24

«Mərum aba aà mede ndaka biye hərmaga ana hinne tsiye. Aɗaba iye ihər, i gweɗe a kurum a nda ndzer: Gà mìsle ŋgiɗ a riŋ hinne a ti ses a ter a aà mede ndaka vatwa ata, ta waya mimbile, ama ti sle a tsa.

Luka 16:16

Tə zazam məpala ahəm Musa nda bazlam gà ɓəzla məma à guma Mbulum, haa a təv ana Yuhana metsìlwìɓè à mburma a yam a dza ahər ba ya. Daga aà gər ata ya, ti tsikewa bazlam ŋgwal ŋana biy mekwere Əbay Mbulum ana a ta kwere a ya a mburma, dite i dəba ŋa ya, ku weke tekeɗe, gə̀də̀bəllà ta waya mada a *mekwere Mbulum ata nda ndzəɗa.

Yuhana 5:3

Gà ɓəzla dukw məməta hinne ta hənawa iɗəm: Gà ɓəzla guluf, nda gà ɓəzla videl, dite nda gà ɓəzla magàha a bəɗ tserdze. {Tar riŋ ta bebe a yam ana a ɓezle a ya.

Yuhana 5:5

I liwiŋ gà mburma ata ka, wele duwa a riŋ, aka ndza i dukw məməta hinne, mive dzik makər gəra tsamakər.

Yuhana 5:7

Mala dukw məməta ata a gwaɗar: «Əbay, wura a riŋ na dite à yè a iye a yam a tsa, na i təv ana aka ɓazla ya. I gwaɗawa, i dzik aba a aà matara aɗəm ka, mìsle ŋgiɗ à lèhiŋ aɗəmiŋa.»

1 Kurintiya 6:11

Akahər ata piŋŋe ka, gà mìsle ŋgiɗ ika magər kurum ta gewa gà dukw ata mbaŋa. Ama kinehe ka, Mbulum aka bara gəzləŋ kurum tsəɗaŋŋa lele. A ne à kurum gà mburma ŋgar gà tsəɗaŋŋa ŋana, ti ne gà ŋgwal ŋa ika miɗ ŋgar a. A ge dər kamala taŋa ya ka, aɗaba ana kə̀ gəsum Yesuw Kiristi BATSAH kwa ŋa nda gəzləŋ kurum a, dite ka, Mezite Mesife ŋgar ibam, mandza ŋa i gəzləŋ kurum mbaŋa ya.

1 Yuhana 1:7

Ama na kwa mandza ŋa i təv dzaydzay ŋa kamala Mbulum ana ŋgat mandza ŋa i təv dzaydzay ŋa ya ka, kàa gawakwa ba na taŋa ya. Məmbəz Yesuw Kəla ŋgar ana a dza dər aɗaba kwa ya ka, a bere a gəzləŋ kwa, à pìl a kwa a à bakal ana ki gewakwa ya tserdze.