Yuhana 5:3 - Bible Zulgo

³ Gà ɓəzla dukw məməta hinne ta hənawa iɗəm: Gà ɓəzla guluf, nda gà ɓəzla videl, dite nda gà ɓəzla magàha a bəɗ tserdze. {Tar riŋ ta bebe a yam ana a ɓezle a ya.

Yuhana 5:3 ပူးပေါင်းရင်းမြစ်များ

Mata 15:30

A ndze riŋ zàkwayiya ka, gà mburma hinne tə daha a təv ŋgar. Tə ndzaka dərraha gà ɓəzla videl nda gà ɓəzla magàha a bəɗ, nda gà ɓəzla guluf, nda gà na ta mba aà mifefile tsiye, nda gà asiŋ gà ɓəzla dukw məməta ŋgiɗ pam pam hinne. Tə daha, ta həna à tar aka miɗ Yesuw, dite a mbala à tar i dukw məməta tar a.

Mata 4:24

I dəba ŋa ya, mege dukw ŋgar ata a ɗe zləm tsikw aka ahəɗ Siriya ana a mbeha a Galile ata ya. Tə tsaraka kataya ka, tə daha, tə ndzakaha gà ɓəzla dukw məməta ŋgiɗ pampam a təv ŋgar, gà na ndelèɓ ndelèɓ ti sèwèrewa are hinne i dukw məməta tar a, nda gà na sitene i ba tar a, dite nda gà na a beye à tar a dala ya, nda gà ɓəzla videl tserdze, a mbala à tar.

Luka 7:22

I dəba ŋa ya, a gwaɗa a gà ɓəzla mazazama Yuhana ata: «Mbəɗum gər, ti tsikwim a Yuhana, na dukw ana kə̀ ŋgatumar a, ndəna kà tsarakum a. Gwaɗumar ka: Gà ɓəzla guluf tàa ŋgat are tar. Dite gà ɓəzla magàha a bəɗ ibam, ti de a lele, nda gà ɓəzla mbəlak ba tekeɗe, suwuɗ suwuɗ tàa mbala. Gà ɓəzla mandakazləm tekeɗe ibam asa, pìɗek tàa tsaraka zləm, nda gà məməta ibam asa, hùrùm tàa mbəlara i məməta ya. Gà ɓəzla matawak mbaŋa, tàa tsaraka bazlam ŋgwal ŋa ana i tsik a ya.

Yuhana 5:2

Ama i fata ka, duluv duwa a riŋ bise aà gùva biye zlagam ana tə zalar biye hərmaga gà təmaŋ a. Zləm duluv ata ndaka ahəm gà Yahuda ka, Baytidzata. I fata ka, ga a riŋ mazlazla ŋa tsèke tsə̀ràh, dzə̀ɓər iɗəm ə̀zləm.

Yuhana 5:4

Aɗaba a pat ŋgiɗ ka, gawla Mbulum a dawara, a ɓezle a dər. Aka ɓazla dər ka, gà ɓəzla dukw məməta ata ti de aɗəmiŋa. Dite malahalah ŋana a lah aɗəm a ka, a mbiliŋa, ku mege dukw məməta awara tekeɗe ya.}

RUMA 8:25

Ama na kwa ihər ki dzelekwe a aka dukw ana kàa ŋgatakwar zukw tsiye ka, taŋa ka, ki vevekwe a nda magəsa gəzləŋ hinne ivaɗ.

YAKUBA 5:7

Aɗaba taŋa, gà damər gà, gəsum gəzləŋ, haa a pat ana Yesuw Kiristi BATSAH kwa ŋa à mère a a təv kwa ya ya. Fə̀rum aà mala mifìte ana à gis a gəzləŋ a kwaŋ. A veve a yam daw, a sligiŋa. I dəba ŋa ya, a veve a pat ana duwa à nèh a, yam a de a a ma ya, haa a pat ana a pele a gà dukw ŋgar ata i bəɗ a ya mbaŋa.