Yuhana 3:3 - Bible Zulgo

³ Yesuw a gwaɗar aaka: «Iye ihər i gweɗek a nda ndzer, pàrsa iɗəm tsa: Wura a sle aà mada a təv mekwere Əbay Mbulum tsa, na aka waba masula ŋa tsiye.»

Yuhana 3:3 ပူးပေါင်းရင်းမြစ်များ

Mata 16:17

Yesuw a gwaɗar: «Kər ka, maŋgayaba i təv yak, Simun kəla Yunas, aɗaba kà sər taŋa ka, mburma na a tsikik a tsa. Ama Tsir gà Mbulum ana i gər ŋa ya na a ɗifek dər a.

Mata 19:24

Kinehe iye ihər i tsik a kurum a asa: Ndəna gà ɓəzla limana ti de a mekwere Əbay Mbulum a ka, ŋgulum zlìgwèmè ma da nda biye lepìrè.»

Mata 21:31

A gwaɗa a tar: «Weke na i liwiŋ gà ɓəza ata sula ya, na a ge dukw ana tsir tar a waya ya?» Ta gwaɗar aaka: «Kəla aaha ndeɗiŋa malahalah ŋa ya.» Yesuw a gwaɗa a tar aaka mbaŋa: «Kinehe ka, iye ihər i tsik a kurum a nda ndzer: Gà ɓəzla duwan nda gà məkəs ana ti dzewe a à ba tar a ka, tì lèh a kurum a a mekwere Əbay Mbulum ana a ta kwere a mba ya.

Mata 5:18

Iye ihər i gweɗe a kurum a nda ndzer, pàrsa iɗəm tsa: Ku mege kinehe gà gəza mbulum nda gər ahəɗ a riŋ hiywe mba ka, məpala ahəm ata a dzeye a tsa. Ku mege dukw ana mewetse ŋa iɗəm kwizikw hinne tsiye tekeɗe, à nikiɗ a ihər a, a dzeye a ihər a ɓav tsa asa, haa a təv ana gà dukw məpala ahəm ata a tsik ahər tserdze ya ka, aka ndəv a.

Markus 10:14

Yesuw a tsaraka məpala ahəm gà mburma ŋgar ata ta pele a ahəm a gà tsir gà ɓəza ata ya ka, a tsəɓar. A gwaɗa a tar: «Mandza, ka palum a tar ahəm tsa, tə dara à gà ɓəza a təv ga ya. Aɗaba *mekwere Mbulum a waya ka, medzibe gà mburma ana kamala gà ɓəza aaha ya, na ti de aɗəm a ya.

Markus 9:47

Kige tsa asa, na are yak a bene a kər a bakal ka, ùndzuɗ ndzàhara aba ya. Ŋgulum ki de a, ki ndze a ika gər ahəɗ ana Mbulum a ge awiya ŋa ya, nda gà are yak ilik a tsiye, ndəna ti ye a kər a akwa nda gà are sula ya,

Yuhana 1:13

Ti ne gà ɓəza Mbulum ka, a wa tar kamala ana mburma ti dzele a, ta we a ba ya tsa. Ti ne gà ɓəza Mbulum ka, agəra ana a vəl a tar mesife awiya ŋa ya.

Yuhana 1:5

Təv dzaydzay ŋa ata a də̀vawa ika magər luvuŋ, ama ka, luvuŋ a sle aà mimbete dər tsa.

Yuhana 1:51

A gwaɗar asa: «Iye ihər i tsik a kurum a nda ndzer, pàrsa iɗəm tsa. Ki ta ŋgetwim a a kuvəl Mbulum ndzayìya mandə̀zlà ŋa ikaba ya, gà gawla Mbulum ti tsil aɗəmiŋa, dite gà asiŋ ŋa, ti terre a aka gər gà, iye, *wur ana a dara i təv Mbulum a mbaŋa.»*fe*

Yuhana 12:40

A gwa: «Mbulum aka ge aà tar guluf. Aka ne à tar mandàkugùrum aka ndəv. Kamala taŋa ya, ta ŋgat a vatwa asa tsa, tə sər gà dukw ata i metsehe tar asa tsa mbaŋa. Dite kwets tàa mbəɗara ahəm a təv ga ya ɓav tsa asa mbaŋa, na dite i ta mbele à ter a ya.»*fd*

Yuhana 3:4

Nikudimus a gwaɗar: «Meme na wura batsah ŋa ka, a sle aà mewe a ba masula ŋa asa ya? Kù gwa ana, à mbìɗ a gər a hitwis mama ŋgar, dite ta we a ŋgat masula ŋa asa ya?»

2 Kurintiya 4:4

Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.

2 Kurintiya 5:17

Aɗaba wur ana mandza ŋa i təv ilik ŋa nda Kiristi ya ka, aka ne mburma awiya ŋa. Mendze ŋgar ana piŋŋe ya ka, a riŋ asa tsa. Aka mbəɗ aba awiya ŋa.

GALATIYA 6:15

Aɗaba na wura masàsà ŋa, kige tsa bəla masàsà ŋa tsəka, a tsik a duwa tsa. Na ge a ŋgulum ka, say na ki nekwe a gà mburma ana tàa ŋgat mesife awiya ŋa i təv Mbulum a ya.

EFESIYA 2:1

Piŋŋe kurum ka, kamala ana gà məməta ŋa ya, na ika miɗ Mbulum a, aɗaba ana kì gewim gà dukw ana ŋgwal ŋa tsa pampam a.

TITUS 3:5

Kamala megweɗe ya, a mbəl à kwa ka, taf masakəŋa, kàa vəlakwar aɗəm duwa tsa. Bəla ki gweɗekwe a, a mbəl à kwa ka, agəra dukw ana ki gewakwar ŋgwal ŋa ya. Ama ka, kataya tsa. A mbəl à kwa ka, agəra ana kà ndzekwar are tsehe ya ɗekɗek pəra. A bara bakal ana i gəzləŋ kwa ya. A ge dər kataya ka, nda ndzəɗa Mezite Mesife ŋgar ana tsəɗaŋŋa ya. Kamala taŋa ya, a wa dər kwa masula ŋa asa, dite na kə̀ ŋgatakwa mesife ana awiya ŋa ya.

YAKUBA 3:17

Ama metsehe ana ndzer ŋa a dere a i təv Mbulum i gər ŋa ya ka, pam, tsəka, duwa a riŋ ihər manəsa ŋa tsa. A ndze a ka, tsəɗaŋŋa. Na wura a ndze a nda gà medzibe metsehe ata i gəzləŋ ŋgar ka, a zlere a mandza zayzay a, nda masə̀ràba ya, nda gà magəsa aba ahəm a. Dite ŋgat asa ka, mburma a ndzer a are tsehe hinne. A ge a ka, dukw ana ŋgwal ŋa ya kəla pat. A wele a ikaba mburma ya tsa. Melèvekè nda məbànà mburma i təv ŋgar tsa asa mbaŋa.

1 PIYER 1:3

Zàmbaɗakwa à Mbulum tsir Yesuw Kiristi BATSAH kwa ŋa. Ka ndzekwar are tsehe hinne, na dite a vəl a kwa mesife awiya ŋa ya. Kə ŋgatakwa ka, aɗaba Yesuw Kiristi ana a mbəlara i məməta ya ya. Agəra taŋa na kà sərakwa i gəzləŋ kwa ka, ki ta mbilekwere a i məməta ya mbaŋa ya.

1 Yuhana 2:29

Kurum kà sərum, Yesuw Kiristi ka, ŋgat mala ndzer ŋa. Aka ge bakal ilik tsidze. Aɗaba taŋa sərum dər, wur ana a ge a dukw ana ŋgwal ŋa ya ka, ŋgat ka, aka ne kəla Mbulum mbaŋa.

1 Yuhana 3:9

Na wura aka ne kəla Mbulum ka, a gewe a bakal asa tsa. Aɗaba mesife ana Mbulum a vəlar a ka, a riŋ mandza ŋa i gəzləŋ ŋgar. A sle aà megewe a bakal asa tsəka, aɗaba ana Mbulum aka ne Tsir ŋgar a.

1 Yuhana 5:1

Ku weke na aka gəs Yesuw Kiristi, a sər, ŋgat mala məmbə̀là à mburma ana Mbulum a gwa, i slir a kurumehe a ya ka, ŋgat aka ne ka, kəla Mbulum. Wur ana a waya tsir gà ɓəza ya ka, a weye a gà ɓəza ŋgar ŋa mbaŋa.

1 Yuhana 5:18

Kà sərakwa dər, gà na ti ne gà ɓəza Mbulum a ka, ku mege weke, a gewe a bakal asa tsa, aɗaba Kəla Mbulum a riŋ a kesle a ŋgat. Kamala taŋa ya, Əbay sitene a sle aà melime aà ŋget a asa tsa.

1 Yuhana 5:4

Aɗaba gà na ti ne gà ɓəza Mbulum a tserdze, ku mege weke tekeɗe ka, a sle a aà məmbà aà dukw bakal gər ahəɗ. Dite meme na ki mbèkwe ahər a ya? Ama ki mbèkwe ahər a ka, nda megìse kwa ana kə̀ gə̀sakwa Yesuw Kiristi ya.

Sunwa Yuhana 3:14

Wele ata a gweɗiŋ asa mbaŋa: «Wetseha bazlam aaha a gawla Mbulum ana i Lawdikiya, a kesle a gà mburma Mbulum a. Ki wetse a ka, bazlam aaha: Na a tsik bazlam ŋa ka, wele ana tə zalar *Amin a, ŋgat ka, mala sida Mbulum ana ndzer, à ses a pàrsa tsidze ya. Dukw ana Mbulum a ge tserdze ya, a dara ka, i təv ŋgar a mbaŋa.