Yuhana 17:6 - Bible Zulgo

⁶ Yàa ɗif à kər a gà mburma ana kà pala tar ika gər ahəɗ a, kà dziŋ tar ahər a. Tar ka, gà mburma ana ti ne gà biy yak, dite kà dziŋ tar a mbaŋa. Tàa dza gurmits a bəɗ a bazlam yak, tàa gəs aà kər ahəm.

Yuhana 17:6 ပူးပေါင်းရင်းမြစ်များ

Yuhana 1:18

Wura aka ŋgat a Mbulum ilik tsidze. Ama Kəla ŋgar ata mifèndèz ŋa tə ndzawa i təv ilik ŋa nda ŋgat a, na a ɗif a kwa dər a.

Yuhana 12:28

Ama i gweɗere a ivaɗ ka, Tsir gà, ge dukw ana, dite ka, mburma tì zlibe a à kər a.» I dəba bazlam ŋgar ata ya tsara ka, mifefile a ɗera i gər ŋa ya, Mbulum a gwa: «Yàa mbər meɗife à ndzəɗa gà ana tì zlibe a dər à iye ya, a mburma, dite i ɗif a ter a dər asa.»

Yuhana 15:19

Na mege kurum gà mburma ana ti zezem a gər ahəɗ a ka, ana ka, ta weye a kurum, aɗaba ana kà nwim gà mburma tar a. Ama kinehe ka, Yàa palara kurum i liwiŋ tar a, dite na kà nwim gà mburma tar asa tsiye. Aɗaba taŋa na gà mburma ana ti zezem a gər ahəɗ ti ne a kurum are ya.

Yuhana 15:3

Kurum kà nwim ka, tsəɗaŋŋa, aɗaba guma aaha i tsik a kurum a.

Yuhana 15:7

Na bəla kurum riŋ ki ndzwim a i təv gà, ki giswim a bazlam ga, ki zezemwim a lele ka, wizwim dukw ana a sàs a kurum a, ki ŋgetwimiŋa.

Yuhana 17:12

I huɗ mendze mər ana mì ndzawa akaba ɗa nda gà tar a ka, i kaslawa tar nda ndzəɗa yak ana kà viliŋ a. I gəs tar lele. Wura ilik ika magər tar a aka dzeye tsa, say wele ana a dzeye à ba ŋgar a, kamala ana akahər ata mewetse ŋa a riŋ i wakita Mbulum, ta gwa ka, a ta ge a ba ya.

Yuhana 17:14

Yàa mà a tar à bazlam yak ana kà tsikiŋara ya. Ama gà mburma ana ti zezem a gər ahəɗ a ka, ti ne a tar are, aɗaba ana tar gà mburma tar tsiye, kamala iye ana mburma tar tsiye mbaŋa.

Yuhana 17:16

Aɗaba tar ka, gà mburma ana ti zezem a gər ahəɗ a asa tsa, kamala iye ana mburma ŋgar tsiye mbaŋa.

Yuhana 17:2

Kər kàa viliŋ ndzəɗa aka gər gà mburma tserdze, aɗaba taŋa na i sle a aà məvəla mesife ana à ndìv a tsa aà biybiy a, a gà na kà dziŋ tar a ahər a ya.

Yuhana 17:24

Tsir gà, a sèsiŋ ka, gà mburma ana kà dziŋ tar a ahər a ka, ti ndze a a təv ana i ti ndze aɗəm ya mbaŋa, dite ta ŋgetiŋ i təv ndzəɗa gà ana tì zlibe a dər à iye, kà viliŋ Əbay a. Kà viliŋ ka, aɗaba ana kà waya iye daga aà gər ana gər ahəɗ mege ŋa zukw tsiye.

Yuhana 17:26

Yàa ɗif a tar aba à kər a. Ama a sèsiŋ ka, i ɗif a ter a dər hiywe aka miɗ aka miɗ asa, dite mawàyà ba yak ana kà waya iye ya, mà rah a gəzləŋ tar, iye tekeɗe, iye riŋ mandza ŋa i gəzləŋ tar mbaŋa.»

Yuhana 17:7

Tə sər kinehe, dukw ana tserdze kà dziŋ ahər a ka, a dara ka, i təv yak a.

Yuhana 18:9

A tsik taŋa ka, aɗaba bazlam ana a tsik a Tsir ŋgar ndeɗiŋa, a ta ge a ba ndzer, a gwa ka: «Yàa dzeye à gà mburma ana kà dziŋ tar a ahər a ilik tsidze» ya.

Yuhana 6:37

Gà mburma ana Tsir gà a dziŋ tar tserdze ya ka, ti dere a a təv gà ya, dite iye tekeɗe ka, wur ana aka dara a təv ga ya ka, i niw a ŋgat tsa.

Yuhana 6:39

Dukw ana a sàs a wele ana a slərra iye ya ka, araha: Gà mburma gà ana a dziŋ tar a ahər a ka, ilik ma dzeye tsa. Ama ka, i mbele a à tar i məməta ya, a pat mandəvandəv gər ahəɗ ivaɗ.

Yuhana 8:51

Iye ihər i gweɗe a kurum a nda ndzer, pàrsa iɗəm tsa: Wele ana aka gəs bazlam gà ya ka, à mìt a tsa, a ndze a aà biybiy.»

Yuhana 8:52

Gà mburma ata ta gwaɗar: «Ama mì sər kinehe ka, sitene i ba yak ndzer kuɗa. Akahər ata Abəraham aka mət, gà ɓəzla məma à guma Mbulum tekeɗe, tàa mata kuɗa ka, dite kər ki gweɗe a ka, wur ana aka gəs ahəm aà bazlam yak a ka, à mìt a tsidze ana, meme?

Gà Ɓəzla Meslire 13:48

Aləka gà mburma ana tar gà Yahuda tsiye, tə tsaraka mifefile ata ka, ta ŋgaya ba hinne, dite tə dza ba aà mazàmbàɗà à bazlam Mbulum BATSAH kwa ŋa. Ama gà mburma ana Mbulum a pala tar, a vile a ter a mesife ana à ndìv a tsa aà biybiy ya ka, ta gəs bazlam ata nda gəzləŋ ilik tsara.

RUMA 11:2

Mbulum aka məsak à gà mburma ŋgar ana a pala tar daga aà gər malahalah ŋa ata ya tsa. Kurum kà sərum tsiye, na dukw ana i wakita Mbulum ka, Iliya a ge seriye aà gà Isərayel ika miɗ Mbulum a. A gwaɗa a Mbulum ka:

2 Kurintiya 4:6

I təv ana Mbulum a ge gər ahəɗ akahər ata ya ka, a gwa: «Dzaydzay mà də̀v i luvuŋ.» Ama Mbulum ŋa ka, taŋa ilik hiywe na a vəl dzaydzay ŋgar ata à div a i gəzləŋ mər a mbaŋa. A ge dər kataya ka, aà məpàtà à ndzəɗa ŋgar ana tì zlibe a dər, à div a ika miɗ Kiristi ya. Aɗaba taŋa na mər ihər mìi tsik a bazlam ŋgwal ŋa ata a mburma ya.

KULUSIYA 3:16

Vəlum vatwa a bazlam Yesuw Kiristi, tsìsl mà rah a gəzləŋ kurum lele, ka dzalum aaka gà gər hiywe. Ɗifwim aba à vatwa ika magər kurum. Ɗifwim aba dər aba nda zèyezèye, kamala ana Mbulum a vəl a kurum metsehe ya. Zàmbaɗum à Mbulum nda gà dimis pampam. Làhum gà dimis ana Mezite Mesife ŋgar a ɗif a kurum dər a. Làhum gà dimis ata a Mbulum, nda megèr kəkaaha i gəzləŋ kurum hinne.

2 TIMUTE 1:13

Zazam ka, dukw ana ndzer ŋa kà tsaraka i təv ga ya. Dite bazlam gà ata ka, sər dər ndzer, meme na ki tsik a a mburma ya. Ki ge a dukw tserdze ka, nda megìse yak ana kə̀ gəs Mbulum nda gəzləŋ a, dite nda mawàyà ba yak ana kà waya mburma ya mbaŋa. Ama kàa sle aà mege kataya ka, aɗaba ana kər riŋ mandza ŋa i təv ilik ŋa nda Yesuw Kiristi ya.

IBƏRANIKWA 2:12

Kamala ana a gwaɗa a Mbulum ka: «A sèsiŋ i ɗif a à zləm yak a gà damər gà. I zlibe a à kər ika miɗ gà mburma yak ana mayahaba gər ŋa ya.»*fb*

IBƏRANIKWA 3:6

Ama *Kiristi ka, kəla mala ga, kamala megweɗe ya ka, Kəla Mbulum. Dukw ana i ma ŋgar tserdze ya ka, i ahər ŋgar. A gewer megemir ndaka vatwa ŋa lele. Kwa tekeɗe, gà mburma ana i ma ŋgar a mbaŋa. Ama kə̀la ka, na ki tèkwe a dər aka miɗ aka miɗ tsikw a təv mendìsle, nda magəsa gəzləŋ, nda maŋgayaba nda təv dukw ana kà tikekwa aaka madzala gà gər a dzekwiŋ.

1 PIYER 1:1

Iye Piyer, mala meslire Yesuw Kiristi. I wetseha wakita aaha ka, a kurum gà mburma ana Mbulum a pala kurum kamala gà mburma ŋgar a. Tə dalawa kurum, kà dzàyum aba vatwa sweyèh sweyèh aka gà ahəɗ Pwantus, nda Galatiya, nda gà Kapadukiya, dite nda gà Asiya, nda gà Bitiniya, ilik ilik tserdze. Kurum gà mandzàyà ŋa a riŋ i gà fata ka, kamala gà slele ya.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.

Sunwa Yuhana 2:13

I sər təv ana kurum mandza ŋa iɗəm a. Təv ata ka, i mekwere Əbay sitene ana a kwere a ya. Ama kəla ka, kàa miyakum à iye tsa, kàa dum aka miɗ nda megìse kurum ana kə̀ gəsum iye nda gəzləŋ kurum a, ku mege i təv ana ta kəɗ aà kurum Antipas, wele ana mburma gà ndzer, a ɗif à zləm gà tekeɗe ya. Ta kəɗ ŋgat ka, ika magər kurum a, i təv ana Əbay sitene mandza ŋa iɗəm a.

Sunwa Yuhana 3:10

Kurum ka, kàa gəsum aà iye ahəm, kàa mərum aba i təv gà mesewere are ya, kamala ana i tsik a kurum a. Aɗaba taŋa, i kesle a kurum a pat gà mesewere are ana ti ti dere a ika miɗ mba ya. Ama ti dere a ka, aka gər gà mburma ana ika gər ahəɗ a tserdze, aà medzìkè à tar.

Sunwa Yuhana 3:8

I sər megemir kurum ana kurum ihər ki gwim a ya. Dite i sər asa ka, ndzəɗa kurum ka, hinne tsa, kwizikw pəra. Ama ku mege kataya tekeɗe, kàa giswim aà iye ahəm agəra dukw ana i tsik a kurum a. Kàa miyakum à iye tsidze. Araha, iye ka, Yàa hə̀ndə̀k a kurum i biye hərmaga ya. Wura ilik a sle a aà mahə̀ndə̀kà ŋa aɗəm asa tsa.