Yuhana 17:3 - Bible Zulgo

³ Wur ana aka ŋgat mesife ana à ndìv a tsiye ka, a sər, kər na Mbulum ndzer a, dite a sər, iye Yesuw Kiristi ana kà slərra iye ya mbaŋa.

Yuhana 17:3 ပူးပေါင်းရင်းမြစ်များ

Markus 9:37

«Ku weke na aka gəs aà mege gər a kəla ndirkiz kamala kəla aaha ya aɗaba iye ya ka, a ge gər taŋa ka, a iye. Ama ka, a iye ɗekɗek tsa. A ge gər ka, a wur ana a slərra iye ya mbaŋa.»

Luka 9:48

A gwaɗa a tar: «Ku weke na aka gəs aà mege gər a kəla ndirkiz kamala kəla aaha ya aɗaba iye ya ka, a ge gər taŋa ka, a iye. Dite wur ana aka giŋ gər a ka, a ge gər taŋa ka, a wele ana a slərra iye ya mbaŋa. Aɗaba wur ana aka həna à gər a bəɗ ika magər kurum aaha tserdze ya ka, ŋgat na a ne batsah ŋa i təv Mbulum a.»

Yuhana 10:36

Iye kinehe tekeɗe, ŋgat na a zla iye, a slərra iye aka gər ahəɗ a. Dite ka, meme na ki slwim aà megweɗe a, i ne a dər bakal, agəra ana i gwa, iye Kəla Mbulum a?

Yuhana 11:42

I sər ka, ki tserekiŋ a dər hiywe. Ama i tsik taŋa ka, agəra gà mburma aaha i təv ga ya, dite tar tekeɗe, tə sər dər ka, kər na kà slərra iye ya kaɗəŋ ndzer.»

Yuhana 14:26

Wele ana a ti zlèk a kurum a, kamala megweɗe ya, Mezite Mesife ana Tsir gà a ti slir a kurumere a avukw iye ya, a ti ɗif a kurum a à dukw tserdze, dite gà dukw ata i tsik a kurum a tserdze, ta mèye a kurumere a a gər a.

Yuhana 17:18

Kamala kər ana kà slərra iye aka gər ahəɗ ka, iye tekeɗe, iye ihər i slir a tar aà mege megemir gà ɗa ika gər ahəɗ mbaŋa.

Yuhana 17:21

Iye riŋ i hemek a ka, dite tar ata tserdze tə ndza i təv ilik ŋa. Tə ndza i təv ma kamala kər ana mandza ŋa i təv ga ya, Tsir gà, dite iye tekeɗe, mandza ŋa slìpèhhe i təv yak. Tə ndza i təv ma kamala taŋa ya, dite ka, gà mburma ana ti zezem a gər ahəɗ a, ta gəs ka, kər ana kà slərra iye ya ndzer kaɗəŋ.

Yuhana 17:23

Iye i ndze a i təv tar, kamala ana kər ki ndze a i təv ga ya, dite ti ne ba ilik, ti ndze a i təv ilik ŋa tserdze. Dite gà mburma ana ti zezem a gər ahəɗ a ka, tə sər dər, kər na kà slərra iye ya ndzer a. Tə sər mbaŋa ka, kər kà waya gà mburma yak kamala ana kər kà waya iye ya mbaŋa.

Yuhana 17:25

Tsir ga, kər ka, mala ndzer. Gà mburma ana ti zezem a gər ahəɗ a ka, tə sər kər tsa. Ama iye ka, i sər kər, dite gà mburma aaha kà dziŋ tar a ahər a tekeɗe, tə sər kər mbaŋa. Tə sər ka, kər na a slərra iye ya.

Yuhana 17:8

Aɗaba Yàa tsik a tar bazlam ana kà tsikiŋ a zləm, ki gweɗiŋ, daha, tsik a tar a. Dite tàa gəs lele, tàa sər dər, i dara ka, i təv yak a ndzer. Dite tàa gəs iye, tə sər ka, kər na a slərra iye ya mbaŋa.

Yuhana 3:17

A slərra ŋgat aka gər ahəɗ a ka, aà mege seriye a mburma tsa. Ama a slərra ŋgat aka gər ahəɗ a ka, dite ta mbala nda ahər ŋgar ivaɗ.

Yuhana 3:34

Aɗaba wele ana Mbulum a slərra ŋgat a ka, a me a ka, à bazlam ŋgar, aɗaba a vəlar Mezite Mesife ŋgar, a ràhar dər tsìsl a gəzləŋ.

Yuhana 5:44

A sàs a kurum ka, mazàmbaɗàyà à ba kurum ɗekɗek pəra. Ama a sàs a kurum mayaha mezlibe ana a dara i təv Mbulum ana ŋgat ilik a tsa. Na kataya ana, dite meme na ki slwim a aà magəsa iye ɗar ɓav a?

Yuhana 6:57

Tsir gà, mala məvəla mesife na a slərra iye ya. Iye ihər i ndze a ka, aɗaba ŋgat. Kamala taŋa ya, ku weke na aka zəm slu ba gà ka, a ndze a aɗaba iye mbaŋa.

Yuhana 7:29

Iye ka, i sər ŋgat, aɗaba i dara ka, i təv ŋgar a, dite ŋgat na a slərra iye ya.»

Yuhana 8:19

Ta gwaɗar: «Tsir yak ŋa ana, i ŋga?» Yesuw a gwaɗa a tar aaka: «Kà sərum iye tsa, dite kà sərum Tsir gà ɓav tsa asa. Na mege kà sərum iye ka, ana ka, ki sirwim a Tsir gà mbaŋa.»

1 Kurintiya 15:34

Agəra taŋa, kinehe ka, pìɗekeywim i mekweye ya, ki gwim bakal asa tsa. Aɗaba i samata, gà asiŋ gà mìsle ŋgiɗ ika magər kurum a ka, tàa sər Mbulum zukw tsa. I tsik a kurum taŋa ka, dite gurɓə̀ts hwarwa ma ge a kurum.

1 Kurintiya 8:4

Aɗaba slu ana ta kəɗ, tə tàwàl dər duwa ya dze ana, wànà ki pèpìɗekwe a ya? Ama dukw ana iye i zlaŋa ya ka, araha: Kwa kà sərakwa dər dukw ana gà mburma gər ahəɗ ta ger a gər hirek hirek, ti ne dər mbulum tar a ka, mesife iɗəm tsa. Dite kà sərakwa mbaŋa, Mbulum ka, ilik, tsəka, biy ŋgiɗ a riŋ asa tsa.

2 Kurintiya 4:6

I təv ana Mbulum a ge gər ahəɗ akahər ata ya ka, a gwa: «Dzaydzay mà də̀v i luvuŋ.» Ama Mbulum ŋa ka, taŋa ilik hiywe na a vəl dzaydzay ŋgar ata à div a i gəzləŋ mər a mbaŋa. A ge dər kataya ka, aà məpàtà à ndzəɗa ŋgar ana tì zlibe a dər, à div a ika miɗ Kiristi ya. Aɗaba taŋa na mər ihər mìi tsik a bazlam ŋgwal ŋa ata a mburma ya.

FILIPIYA 3:10

I waya ka, duwa ilik pəra. A sèsiŋ ka, masəra Kiristi nda ndzəɗa ŋgar ana a mbəl dərra i məməta ya ya. I waya asa ka, i ŋget a a mesewere ŋgar ana a sèwèr a mbaŋa, na dite i ne a kamala ŋgat ana a mət a.

FILIPIYA 3:8

Ama kəla ka, ndzer kaɗəŋ, gà dukw ata ɗekɗek tsa, i fə̀r aà gà dukw ana tserdze ya ka, kamala dukw taf masakəŋa ya, aɗaba ana i sər Yesuw Kiristi Batsah ga ŋa ka, taŋa a zè a gà dukw ŋgiɗ tserdze. Aɗaba ŋgat ka, i miyek a à gà duwa tserdze. I fə̀r ahər ka, safar safar kamala gwastak ana masakəŋa ya, na dite i ta ŋget a Kiristi ya.

1 TESALUNIKE 1:9

Ku mege i ŋga, i təv ana mì dawa aɗəm a ka, ti tsikewa a mər nda ahər tar, meme na kə̀ gəsum mər lele ya. Ta gwaɗa a mər mbaŋa ka, kàa miyakum aba à gà fəla kurum ana ki gewim a, dite ka, kà dzàwum gurmits a bəɗ a Mbulum ana ndzer, ŋgat a riŋ nda gà mesife ya.

2 TESALUNIKE 1:8

A dere a ka, ŋgar ŋgar, nda gà akwa məvata ŋa. A ti sèwèr a dər are a gà na ti niw Mbulum a, dite nda gà na tì dze a zləm a bazlam ŋgwal ŋa ana ti ɗif a dər aka gər ŋgar a tsiye mbaŋa.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

2 Piyer 1:2

I heme a a Mbulum, dite mà səkah a kurum à masəra ba kurum nda gà Yesuw Kiristi BATSAH kwa ŋa aka miɗ aka miɗ. Kamala taŋa ya, a pise a kurum a ahəm, à sìkèh a kurum a dər, a vile a kurum a matasla yam a gəzləŋ kurum mbaŋa.

2 Piyer 1:3

Kà sərakwa Mbulum ana a zal a kwa ya ka, aɗaba Yesuw Kiristi. A zal a kwa ka, na dite kə̀ ŋgatakwa magàwà akaba a təv mezlibe ŋgar ana tì zlibe a à ŋgat, ki zezemekwe a mendze ŋgar ana ŋgwal ŋa, a za gà dukw tserdze ya mbaŋa. Kamala taŋa ya, ŋgat nda ndzəɗa ŋgar ana hinne ya, a vəl a kwa dukw ana a sle aà kwe a tserdze ya, na dite araha, kə̀ ŋgatakwa mesife ana awiya ŋa ya, ki zezemekwe a ŋgat lele kamala ana a tsahən ahər mbaŋa ya.

2 Piyer 1:8

Na kàa gwim gà dukw ata aka miɗ aka miɗ kataya ka, mesire kurum ana ki sirwim a Yesuw Kiristi BATSAH kwa ŋa ya ka, à sìkèh a a gəzləŋ kurum, dite mendze kurum ana ki ndzwim a ya ka, à pèt a à dukw ana ŋgwal ŋa ya mbaŋa.

1 Yuhana 1:2

Mbulum a pàt à mesife ata ka, ndərzayya, maa ŋgatar. Aɗaba taŋa mì tsik a kurum ka, bazlam mesife ata mì ŋgatar a. Mìi ɗif a kurum a ka, à mesife ana à ndìv a tsa, a ndze a aà biybiy a. Akahər ata piŋŋe ka, a riŋ i təv Mbulum Tsir kwa. Taŋa na kinehe Mbulum a pàt a kwa dər kuɗa ya.

1 Yuhana 1:3

Dukw ana mì ŋgatar a, ndəna mì tsaraka ya, na mìi tsik a kurum a mbaŋa, na dite kurum tekeɗe ka, ki gewim a à ba nda gà mər i təv gà dukw ata. Magàwà ba ana ki gewekwe a ba ya ka, nda gà Mbulum Tsir kwa, dite nda gà Yesuw Kiristi Kəla ŋgar asa.

1 Yuhana 2:23

Aɗaba wur ana aka niw Kəla Mbulum a ka, a niw taŋa ka, Tsir ŋgar ŋa mbaŋa. Ama wur ana aka gəs Yesuw, a sər, ŋgat Kəla Mbulum ndzer a ka, a gəs taŋa ka, Mbulum Tsir ŋana dze ya mbaŋa asa.

1 Yuhana 4:6

Ama kwa ka, kàa nekwa gà mburma Mbulum. Wur ana a sər Mbulum a ka, a dze a zləm a dukw ana ki tsikikwe a ya. Ama wur ana aka ne kəla Mbulum tsiye ka, à dze aà kwe a zləm tsa. Kamala taŋa ya na ki slekwe a aà masəra dər ikaba à gà mburma ata ya ka, wànà ti ndze a ana, nda Mezite Mesife ndzer ŋana ya, kige tsa nda mezite mesife ana a bene a mburma ya yà.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.