Yuhana 10:4 - Bible Zulgo

⁴ Na aka kə̀vara tar a bəra ya ka, a ndze a ter a aka miɗ, dite gà təmaŋ ti zezemehe a ŋgat i dəba ya, aɗaba tə sər biye ɗa ŋgar.

Yuhana 10:4 ပူးပေါင်းရင်းမြစ်များ

Mata 16:24

Aləka i dəba ŋa ya asa, Yesuw a gwaɗa a gà ɓəzla mazazama ŋgat: «Na aka sàs a wura aà medìɗè aka iye ka, ma dzala ba ŋgar asa tsa, ma zla dizl magə̀làwà ŋana kəla pat, kamala ana iye i ti zle a mba ya, dite ma dara, ma zazam iye kuɗa.

Yuhana 10:16

Gà təmaŋ gà ŋgiɗ a riŋ i dagara aaha zukw tsa. Ama say i yehere a tar a mbaŋa. Ti ti dze a zləm a mifefile gà. Ta gew a ba a təv ilik ŋa. Ti ne akaba a palam ilik, mala makəva tar tekeɗe, ilik mbaŋa.

Yuhana 10:27

Gà mburma gà ka, tì dze a zləm a mifefile gà. Ti ne kamala gà təmaŋ ana tì dze a zləm a mifefile mala makəva tar a. I sər tar, dite tar tekeɗe, tar riŋ ti zezem a iye mbaŋa.

Yuhana 10:3

Na bəla wele ana a kesle a biye hərmaga ya ka, à hìndìk a i ga a mala makəva gà təmaŋ ata ya, a de aɗəmiŋa. A zel a a gà təmaŋ ŋgar nda zləm tar ilik ilik tserdze. Ti tserekiŋa, dite à kìvere a tar a bəra ya.

Yuhana 10:5

Ama ti sle aà mezezeme a wur ana tə sər ŋgat tsiye tsa. Ta vel a ihər a, aɗaba ana tə sər biye ɗa ŋgar tsiye.»

Yuhana 10:8

Gà mburma ana ti lìhiŋara tserdze ya ka, ti ne gà ɓəzla akəl, tàa kə̀zala mburma, ama gà təmaŋ tàa dza zləm a mifefile tar tsa.

Yuhana 12:26

Na aka sàs a wura aà megiŋ meslire ka, say ma zezem iye. Ŋgat ka, a ti ndze a i təv ana i ti ndze aɗəm a ya. Aɗaba wur ana a giŋ a meslire ya ka, Tsir gà a ti zlibe a à ŋgat mbaŋa.»

Yuhana 13:15

Yàa ɗif a kurum dər, meme na ki gwim a ya, dite ka, ki geywim a ba dukw ana ŋgwal ŋa kamala biy na iye i ge a kurum a.

Yuhana 18:37

Pilatus a gwaɗar aaka: «Tsaka kər ana Əbay dukw ŋgar a?» Yesuw a gwaɗar: «Kataya, iye ka, Əbay kaɗəŋ, kamala ana kà tsik a. I dara ka, aà metsìkè dukw ana ndzer ŋa ya, a gà mburma. Aɗaba taŋa na ta wa ɗa iye ika gər ahəɗ a. Wele ana a sasar ndzer ŋa ya ka, à dze a zləm a dukw ana i tsik a ya.»

Yuhana 3:29

Wele ana a zla daala awiya ŋa ya ka, daala ata ka, biy ŋgar dukw ŋgar. Ama masla zal dəm ata ka, mehìtsè ŋa i təv ŋgar, a riŋ à dze a zləm a mifefile masla ŋgar ata a tsiker a ya. Aka tsaraka kataya ka, a ŋgeye a ba hinne. Kamala taŋa ya, iye tekeɗe, maŋgayaba aka rah a gəzləŋ ga kinehe ka, hinne mbaŋa.

1 Kurintiya 11:1

Zazamum ka, mede gà ana i de a ya, kamala iye ana i zezem a dukw ana Yesuw Kiristi a ge a ya mbaŋa.

EFESIYA 5:1

Kurum ka, gà ɓəza ana Mbulum a waya ya. Aɗaba taŋa, kurum tekeɗe, zlum ba kamala ŋgat a.

IBƏRANIKWA 12:2

Ki dzèkwehe a are ka, a təv Yesuw ndàslsla kəla pat. Aɗaba megìse kwa ana kə̀ gə̀sakwa ya ka, ŋgat na à lèh a kwe a aka miɗ, haa a təv mendìsle kwa ya. Akahər ata ka, aka gəs gəzləŋ i təv ana a mət aà dizl magə̀làwà ŋa ya lele. Ku mege tàa ndaɗa aka ŋgat hwarwa tekeɗe ka, aka dzala hwarwa ata tsa, na dite a ŋget a maŋgayaba ana Mbulum a waya a viler a aka miɗ mba ya. Aɗaba taŋa na ŋgat mandza ŋa ika təv mendze *mekwere Mbulum ika tsèke ahər mezime ŋgar kinehe ya.

IBƏRANIKWA 6:20

Yesuw aka làhakwa aɗəm a fata. A lah ka, aà mendze ika miɗ Mbulum, agəra kwa. Aɗaba ŋgat ka, aka ne *batsah mala mandəva kuɗa a Mbulum, kamala Melikisedek a, aà biybiy.

1 PIYER 2:21

Aɗaba aà medzibe megemir ata na Mbulum a zal a kurum a, na mege kàa gwim dukw ana ŋgwal ŋa ya ya. Aɗaba Yesuw Kiristi nda gər ŋgar tekeɗe ka, aka sèwèr are hinne, agəra kurum mbaŋa. Taŋa ka, a ɗif a kurum a à vatwa mesewere are, dite ka, ki gwim kamala ana ŋgat a ge ya.

1 PIYER 4:1

Kurum kà sərum, akahər ata Yesuw Kiristi aka sèwèreba are ka, hinne. Aɗaba taŋa, kurum tekeɗe, gəsum gəzləŋ i təv mesewere are ya, kamala ŋgat ana a gəs gəzləŋ, a sèwèr are ya mbaŋa. Aɗaba wur ana à sèwèrebe a are a ba ŋgar kataya ya ka, a ta me a aka bakal asa tsa.

1 PIYER 5:3

Ka ta kwarum gà mburma ata nda ndzəɗa tsa. Ama zazamum ka, mendze ana ŋgwal ŋa ya, na dite a ɗif a ter a à vatwa, ti zezem a kurum i dəba ya lele ya mbaŋa.