Yuhana 1:4 - Bible Zulgo

⁴ Mesife gà duwa tserdze a dara ka, i təv ŋgar a, dite mesife ata ka, a vəlawa təv dzaydzay ŋa a gà mburma mbaŋa.

Yuhana 1:4 ပူးပေါင်းရင်းမြစ်များ

Mata 4:16

Ama gà mburma ana i lùvùŋ kataya ka, ta ŋget a a dzaydzay kweɗek kweɗek hinne. Tar ana hìrzìzìmme mandza ŋa aà huɗ sìsiye məməta, ti ne kamala ana tar gà məməta ŋa ya ka, a ge a terehe a dzaydzay.»*fe*

Luka 2:32

Aɗaba ŋgat na təv dzaydzay ŋa ana a ti ɗif a à vatwa yak a gà mburma ana ika gər ahəɗ tserdze ya, dite na tì zlibe a à gà Isərayel gà mburma yak, aɗaba ana ŋgat i gwala tar a.»*fd*

Yuhana 11:25

Yesuw a gwaɗar aaka asa: «Iye na mala məmbàlà à mburma i məməta ya ya, dite iye asa na mala məvəla a tar mesife ya. Wur ana à gis a iye nda gəzləŋ a ka, ku mege aka mət tekeɗe, a mbiliŋa, a ndze a aà biybiy.

Yuhana 12:35

Yesuw a gwaɗa a tar aaka: «Kinehe ka, dzaydzay a riŋ i təv kurum. Ama a ndze a kə̀la ka, zaakwa pəra. I təv ana dzaydzay ŋa ata a riŋ i təv kurum mba ya ka, dum aka miɗ tə̀ma, luvuŋ mà gəs kurum tsa. Aɗaba wur ana a de a i luvuŋ a ka, a sir a təv ana a de a aɗəm a ya tsa. Tìtìktìkka luvuŋ aka ndàr aka are.

Yuhana 12:46

I dara aka gər ahəɗ a ka, aà məpàtà à dzaydzay ŋa a mburma, dite ka, gà mburma ana tàa gəs iye nda gəzləŋ tar a ka, tə ndza i luvuŋ asa tsa.

Yuhana 14:6

Yesuw a gwaɗar aaka: «Iye na a ne vatwa ata ya. Ki ŋgetwim a ndzer nda mesife ka, i təv ga ya mbaŋa. Wura a sle a aà mede a təv Tsir gà tsa, say na nda təv ga ilik tsiye.

Yuhana 3:19

Ama seriye Mbulum à gis a tar ka, aɗaba ana Mbulum a slərra təv dzaydzay ŋa aka gər ahəɗ a ka, ama gà mburma ta waya ka, luvuŋ ivaɗ, tsəka, a sàs a tar təv dzaydzay ŋa ata tsa, aɗaba mege dukw tar ana ta gewa ŋgwal ŋa tsiye.

Yuhana 5:21

Kamala Tsir gà ana a mbil a à mburma i məməta ya, a vile a ter a mesife awiya ŋa ya asa ka, iye Kəla ŋgar ŋa tekeɗe, i ta vile a mesife ata a gà na i pala tar a mbaŋa.

Yuhana 5:26

Mbulum Tsir gà ka, ndzəɗa Mesife i ba ŋgar. Ama ka, aka viliŋ ndzəɗa ata a ahər a iye, Kəla ŋgar, mbaŋa, na dite i vile a mesife ata a mburma ya.

Yuhana 8:12

I dəba ŋa ya, Yesuw a fàfəl a gà mburma asa. A gwaɗa a tar: «Iye ka, dzaydzay gər ahəɗ. Wur ana a zezem a iye ya ka, a ti ndze a i luvuŋ asa tsa. Ama a ŋget a dzaydzay ŋa ana a vile a mesife a mburma ya.»

Yuhana 9:5

I təv ana iye ɗa ika gər ahəɗ mba ya ka, iye i ne təv dzaydzay gà mburma gər ahəɗ.»

Gà Ɓəzla Meslire 26:23

Ta gwaɗawa ka: Mala məmbàlà à mburma ana Mbulum a gwa, i slir a kurumehe a ya ka, tì sèwèrer a are, ta kiɗ a ŋgat, dite a ta mbilere a i məməta ya. Ŋgat na à lèh ahər a ya. A ti tsik a bazlam ana a vile a dzaydzay a gà Yahuda, nda gà na tar gà Yahuda tsiye mbaŋa.»

1 Kurintiya 15:45

Aɗaba a riŋ mewetse ŋa i wakita Mbulum ka, a gwa: «Adama malahalah ŋa na Mbulum a vəlar mesife ya.»*fe* Wele ana a ndə̀vara aba i dəba Adama ya ka, *Kiristi. Tar ka, ilik nda Mezite Mesife Mbulum ana a vile a mesife awiya ŋa a mburma ya.

EFESIYA 5:14

Aɗaba dukw tserdze, ku mege awara, a pèt a aba ka, i təv dzaydzay ŋa. Agəra taŋa na ta gwa: «Kər ana riŋ ika mendze are ya ka, piɗeke, hitsera i luvuŋ gà məməta ya, dite na ki ndze a aà dzaydzay ŋa i təv Kiristi ya.»

KULUSIYA 3:4

Ndzer kaɗəŋ, Yesuw Kiristi na a ne mesife kurum a. Aləka i təv ana à mère a ya ka, kurum tekeɗe, ta ŋget a kurum a nda gà ŋgat, i təv ndzəɗa ŋgar ana tì zlibe a dər a mbaŋa.

1 Yuhana 1:1

Mì wetse a kurumaha wakita aaha ka, aka gər bazlam ana a vile a mesife a mburma ya. Aka ana tàa ge gər ahəɗ zukw tsiye ka, bazlam ata a riŋ dukw ŋgar.*fa* Mər maa tsaraka bazlam ŋa, maa ŋgatar nda are mər mbaŋa. Maa fə̀r ahər kaɗəŋ, maa ləm ahər nda ahər mbaŋa asa.

1 Yuhana 1:2

Mbulum a pàt à mesife ata ka, ndərzayya, maa ŋgatar. Aɗaba taŋa mì tsik a kurum ka, bazlam mesife ata mì ŋgatar a. Mìi ɗif a kurum a ka, à mesife ana à ndìv a tsa, a ndze a aà biybiy a. Akahər ata piŋŋe ka, a riŋ i təv Mbulum Tsir kwa. Taŋa na kinehe Mbulum a pàt a kwa dər kuɗa ya.

1 Yuhana 5:11

Dukw ana Mbulum a tsik a kwa ya ka, araha: A vəl a kwa mesife ana a ndze a aà biybiy a. Dite mesife ata a dara nda ahər Kəla ŋgar a.

Sunwa Yuhana 22:1

Aləka i dəba ŋa ya ka, gawla Mbulum ata a ɗifiŋ à dula duwa a riŋ i fata mbaŋa. Aɗaba yam ana i dula ata ya ka, a vile a mesife a mburma. A də̀v ka, twiytwiy hinne. A dara ka, ika təv mendze gà Mbulum nda Kəla Təmaŋ a.

Sunwa Yuhana 22:16

«Iye Yesuw na i slər a kurumara gawla Mbulum gà ya, na dite a ɗif a kurum à dukw ata, a kurum gà mburma Mbulum ana mayahaba gər ŋa i təv ilik ŋa, ku mege i ŋga tserdze ya. Iye ka, wele ana kà vavawum ɗa ŋgat daga piŋŋe ya. I dara ka, i gwala Dawda a. Dite iye asa ka, *mawusawus madə̀và mbulum ana a də̀v parakkà lele ya.»