Yuda 1:7 - Bible Zulgo

⁷ Gà kwite ata tə zal a tar gà Suduma nda Gumura, dite gà asiŋ gà kwite ana ta mbe a taraha ya ka, ta məts a kurum gər tsa mbaŋa. Gà mburma ana i fataya ka, ta gewa mezelme, kamala na gà gawla Mbulum ata ta ge a ya. Ta gewa ka, dukw ana ŋgwal ŋa tsiye pampam, a tsahən biy mege a kurum tsiye, dite biy metsike tsa asa ya. Mbulum a tàtə̀k a gà mburma ata ka, a dza tar a akwa ana a mbete a tsa aà biybiy a. Kamala taŋa ya, Mbulum a be à ɗaf a gà mburma tserdze kataya ka, dite ku weke ma sər dər, Mbulum a ge a medzibe gà mburma ata ka, kataya.

Yuda 1:7 ပူးပေါင်းရင်းမြစ်များ

Mata 10:15

Aɗaba taŋa, iye ihər i gweɗe a kurum a nda ndzer, pàrsa iɗəm tsa: A pat seriye Mbulum ka, i tar ka, mawùràba ŋa, biy gà Suduma nda gà Gumura duwa i təv a tsa.»

Mata 11:24

Aɗaba taŋa asa iye ihər i gweɗe a, a pat seriye Mbulum ka, mesewere are ŋa biy kurum ata a ge a ka, ŋgulum biy gà mburma ata i kwite Suduma ya.»

Mata 25:41

Dite i dəba ŋa ya asa ka, i gweɗe a a gà na ika tsèke ahər gùla gà ya:

Luka 17:29

Ama a pat ana Ludu a hitse, a da i Suduma ya ka, zlir akwa bàtutukw ŋa a ndàra aka gà asiŋ gà mburma ana i fataya, nda dukuməŋa a riŋ a wene a wàfùfùffa, a dzeye a tar fit.

1 Kurintiya 6:9

Kurum kà sərum ndzer: gà na ta gewa dukw ana ŋgwala tsiye ka, ta ŋget a təv mendze i *mekwere Mbulum ana a ta kwere a ya tsidze. Ka banum ba kurum tsa, sərum dər: gà mburma ana ta gewa mezelme nda təv muva ya, nda gà na ti dze a gurmits a bəɗ a dukw ana tə zalar mbulum tar a, nda gà na ta gewa muva ya, nda gà na ta waya mehinneha aà gà asləka ŋgiɗ kamala gà zal nda məkəs a,

2 TESALUNIKE 1:7

Dite kurum ana kinehe kurum ihər ki sèwèrwim a are ya ka, a ta vile a kwe akaba a mandza zayzay lele. Dukw ata a ta ge a ba ka, aka təv ana Yesuw Kiristi BATSAH kwa ŋa a dere a i gər ŋa i mbulum a ya. Tar nda gawla ŋgar ana gà ndzəɗa tar a riŋ hinne ya, na ti lekere a ŋgat a ya.

2 TESALUNIKE 1:8

A dere a ka, ŋgar ŋgar, nda gà akwa məvata ŋa. A ti sèwèr a dər are a gà na ti niw Mbulum a, dite nda gà na tì dze a zləm a bazlam ŋgwal ŋa ana ti ɗif a dər aka gər ŋgar a tsiye mbaŋa.

2 Piyer 2:2

Gà mburma hinne ti ti zezem a vatwa tar ana ŋgwal ŋa tsiye. Aɗaba taŋa na gà mburma ana tə sər Mbulum tsiye, ti ti tsik a dukw ana ŋgwal ŋa tsiye aà vatwa Mbulum ana ndzer ŋa ya.

2 Piyer 2:6

Ama gà kwite ata tə zal a tar gà Suduma nda Gumura ya tekeɗe ka, i təv ana gà mburma ana i fataya, ta ge bakal a ka, Mbulum aka gəs tar a seriye mbaŋa. A wànà hilɓèk hilɓèk ika ahəɗ ata ya fit. Say na a zeha ka, bitekwe ŋa pəra.*fb* Kamala taŋa ya, a pàt dər kataya ka, dite gà mburma tə̀ samata, meme na a ta ge a seriye a gà na ta gəs ahəm ŋgar tsa tserdze ya.

2 Piyer 3:7

Ama gər ahəɗ nda gəza mbulum ana kinehe ya ka, ti ndze a ɓav tsa. Tits a təv ana Mbulum a tsik a ka, a wene a nda akwa hilɓèk hilɓèk kuɗa. Aɗaba kinehe ka, Mbulum a waya mandza zaakwa tə̀ma, haa a pat ana a ta ge a seriye a gà mburma tserdze, a bets a iɗəm gà na ta gəs ahəm ŋgar tsiye ya.