Yuda 1:25 - Bible Zulgo

²⁵ Gekwar kəkaaha, aɗaba ŋgat ilik na Mbulum a. Dite ŋgat asa na a mbala à kwa nda ahər Yesuw Kiristi BATSAH kwa ŋa ya. Ku weke mà zlə̀b à ŋgat, a gweɗe a: Ŋgat ka, batsah Əbay. Mekwere ŋgar ana a kwere a ya ka, à ndìv a tsa, daga aà gər ana piŋŋe ya, ku mege kinehe ya, a ndze a ka, aà biybiy. *Amin.

Yuda 1:25 ပူးပေါင်းရင်းမြစ်များ

Mata 6:13

Kasla mər lele ika vatwa yak a, aɗaba Əbay sitene ma dzik a mər, ma ta bana mər a bakal tsa.> {Aɗaba kər ka, Əbay, mala ndzəɗa ana a kwere a gà duwa, mburma tì zlibe à kər a tserdze aà biybiy a. *Amin.»}

Luka 1:47

Dite gəzləŋ ga a riŋ a ŋgeye a ba agəra Mbulum mala məmbə̀là à iye.

Yuhana 4:22

Kurum gà Samariya ka, kà sərum wele ana ki dzwìmer a gurmits a bəɗ a nda ndzer tsa. Ama mər gà Yahuda ka, mì sər wele ana mìi dzer a gurmits a bəɗ a. Aɗaba wele ana a mbil a à mburma ya ka, a dere a ka, i təv gà Yahuda ya.

Yuhana 5:44

A sàs a kurum ka, mazàmbaɗàyà à ba kurum ɗekɗek pəra. Ama a sàs a kurum mayaha mezlibe ana a dara i təv Mbulum ana ŋgat ilik a tsa. Na kataya ana, dite meme na ki slwim a aà magəsa iye ɗar ɓav a?

RUMA 11:33

Hey, dukw ana Mbulum a ge a kwa ya ka, ŋgwal ŋa kaɗəŋ. Metsehe ŋgar nda masəra dukw ŋgar ka, hinne, a za duwa tserdze. Dukw ana a dzele a, a gweɗe a, i ge a ya ka, wura ilik a sle a aà matəkəra ŋa tsa. Dite wura ilik a sle a aà masə̀ràha aka dukw ana i gər ŋgar a tsa asa.

RUMA 11:36

A ge riŋ tsəka, aɗaba ŋgat na a ge duwa tserdze ya. A kesliŋa, a ger a gər asa mbaŋa. A ge dukw ata ka, a ba ŋgar. Zàmbaɗakwa à ŋgat aà biybiy. *Amin.

RUMA 16:27

Zàmbaɗakwa dər aà biybiy. Ŋgat ilik na metsehe ŋgar a za dukw tserdze ya. Ki zèmbeɗekwe a dər ka, aɗaba Yesuw Kiristi. *Amin.

EFESIYA 1:8

Aka ràhaba kwa nda ŋgwal ŋgar ata hinne. Aka ɗif a kwa à metsehe ŋgar. A ɗif a kwa dər ka, dite ka sərakwa dukw ana a sasar a.

EFESIYA 3:10

Ama kinehe ka, Mbulum aka pàt dər i magər gà mburma ŋgar. Dite gà gawla ŋgar nda gà Əbay tar ana i gər ŋa ya, tə samata tar, tə sər dər ka, metsehe ŋgar i təv gà dukw ŋgiɗ pampam.

EFESIYA 3:21

Kwa gà mburma ŋgar ka, zlə̀bakwa à ŋgat kəla pat aà biybiy ika magər kwa, aɗaba kwa riŋ mandza ŋa i təv ilik ŋa nda gà Yesuw Kiristi. *Amin.

1 TIMUTE 1:17

Ku weke mà zàmbaɗa à Əbay Mbulum ana mekwere ŋgar a ndze a aà biybiy a. Ŋgat na nda gà mesife ana à ndìv a tsiye. Ŋgat ilik na Mbulum Batsah ŋa, mburma a sle aà meŋgeter a tsiye. Mezembeɗe ma ge ka, biy ŋgar ilik. *Amin.

1 TIMUTE 2:3

Na kàa gekwa gà taŋa ka, ŋgwal ŋa hinne, a tsahən aà Mbulum, mala məmbə̀là à kwa.

TITUS 2:10

Tə zla aà tar duwa ya nda akəl a tsa asa. Ama ta ge ka, dukw ana ŋgwal ŋa ya ivaɗ, na dite gà ɓəzla ga tar ata ti sir a dər ka, tar gà ɓele ndzer a. Dukw ana ta ge a tserdze ya ka, na dite gà mburma tì zlibe a à bazlam ana ki dzeŋgekwe a aka gər Mbulum, mala məmbə̀là à kwa ya.

TITUS 2:13

Ndzakwa ka, nda mandza zləm, vavakwa pat ŋgwal ŋa ata Yesuw Kiristi, mala məmbə̀là à kwa à mère a ya. A mère a ka, nda mezlibe ŋgar ana tì zlibe a à ŋgat a. Ŋgat ka, Mbulum kwa batsah ŋa ana a za gà dukw tserdze ya.

TITUS 3:4

Ama ku mege kataya tekeɗe, Mbulum ana ŋgat mala məmbə̀là à kwa ya, aka pàt a kwa à ŋgwal ŋgar ana a ge a kwa akahər ata ya, dite meme na a waya kwa hinne ya.

IBƏRANIKWA 13:8

Yesuw Kiristi ka, à mbìɗ a aba tsa. Mendze ana ndavana ya, ndəna mbakum a ka, i təv ŋgar ka, kalkal, tə za ba tsa. A ndze a ka, haa aà biybiy.

1 PIYER 4:11

Na wura aka ŋgat ndzəɗa aà metsìkè bazlam ka, ma tsik kamala na Mbulum a tsiker a ika arah a, tsəka, ma zle ahər biy ŋgar pam tsa. Wele ana à zlèk a mburma ya ibam, à zlèk a ka, nda ndzəɗa ana Mbulum a vəlar a mbaŋa. I huɗ gà dukw ana ki gwim a tserdze ya ka, mezembeɗe ma ge ka, biy Mbulum, aɗaba ana kə̀ gəsum Yesuw Kiristi ya. Ŋgat ka, aka ŋgat ndzəɗa ika gər gà duwa ya tserdze aà biybiy, nda gà vatwa mezlibe ana gà mburma tì zlibe à ŋgat a. *Amin.

2 Piyer 1:1

Na a wetse a kurumaha wakita aaha ka, iye Simun Piyer ana iye mala megemir Yesuw Kiristi ana i gewar meslire ya. I wetseha wakita aaha ka, a kurum ana kà gəsum Yesuw Kiristi nda gəzləŋ kurum tserdze, kalkal kamala mər ana mì gəs ŋgat mbaŋa ya ya. Vatwa megìse ata ka, dukw ŋgwal ŋa. Yesuw Kiristi a vəl a kwa vatwa ata ka, dite ku weke mà gəs ŋgat. Aɗaba ŋgat ka, mala ndzer ŋa, a wele a ikaba mburma ya tsa. Ŋgat ka, Mbulum, a mbəl à kwa i bakal kwa ya.

2 Piyer 3:18

Ama kurum ivaɗ ka, dum aka miɗ nda mazazama Yesuw Kiristi BATSAH kwa ŋana ŋgat mala məmbə̀là à kwa ya, na dite a ge a kurum a ŋgwal ŋa nda mesire kurum ana ki sirwim a ŋgat a ka, à sìkèh a aka miɗ aka miɗ bə̀ba ŋa. Mezlibe ŋgar ana gà mburma tì zlibe a à ŋgat a ka, tə̀ zlə̀b dər daga aà kinehe ya, haa aà biybiy. *Amin.

Sunwa Yuhana 1:6

A dza kwa a təv mekwere Əbay ŋgar ana a kwere a ya. Dite a ne à kwa gà ɓəzla mandəva kuɗa a Mbulum aà mege meslire a Mbulum Tsir ŋgar ata mbaŋa asa. Gà mburma tserdze tì zlibe a à ŋgat, ta gweɗe a, ndzəɗa tserdze a ne ka, biy ŋgar aà biybiy. *Amin.