Yuda 1:23 - Bible Zulgo

²³ Gə̀sumara tar i akwa ana tə dəɗ aɗəm a, mbalum à tar. Dite gà na ta ge a dukw ana ba tar a waya ya ka, ti ndze a kurum are tsehe asa mbaŋa. Ama kə̀la ka, gwim metsehe, ka tə dzawum a bakal tar tsa. Nwim are a dukw tar ata ta ge a ya. Ku mege gà petek tar ana ikaba, ta ge a dər akaba bakal a tekeɗe ka, ka tə lə̀mum ahər idep tsidze.

Yuda 1:23 ပူးပေါင်းရင်းမြစ်များ

RUMA 11:14

A sèsiŋ ka, bəla gà asiŋ ga ta ŋget a megemir ata i ge a ya ka, dite ŋgwilwim ŋgwilwim ta ge a are aka mege megemir ata i ge a ya, dite ka, tə dara, ta ge kataya, dite na Mbulum a mbil a à tar a.

1 Kurintiya 15:33

Aɗaba taŋa, ka banum ba kurum tsa. Sərum dər ka, na ki ndzwim a i təv ilik ŋa nda gà na ta ge a bakal a ka, kurum tekeɗe, ki dìɗwim a a bakal bise, kamala tar a mbaŋa. Ti nis a à mede kurum ana ŋgwal ŋa ya.

1 Kurintiya 3:15

Ama na bəla akwa ata ndìrɓek à gis a ga ŋgar ata a ge ya ka, a ta ŋget a dukw mayaba ŋgar tsidze. Mbulum ka, a ta mbil a à ŋgat dukw ŋgar, ama ŋgat kəla ka, kamala wele ana pitsew a bera i akwa ya gireŋ a.

2 Kurintiya 5:11

Na Batsah mər ŋa a ta ge a mər a seriye kamala taŋa ya ka, mìi ger a magəɗa. Aɗaba taŋa mbaŋa, na mər ihər mìi yehe a vatwa aà mandzàkàra mburma aka miɗ ŋgar a, dite na ti sir a dər ka, mər gà ndzer ŋa ya. Mbulum ka, a sər mər ka, lele. Ama i dzala ka, kurum tekeɗe, ki sirwim a iye i gəzləŋ kurum mbaŋa.

2 TESALUNIKE 3:14

Na bəla wura a sasar magəsa ahəm aà dukw ana mì wetse i huɗ wakita aaha ya tsəka, sərum dər, wele ata ka, ka tə ndzum akaba i təv ilik ŋa nda gà ŋgat asa tsa, na dite ka, hwarwa a ger a ya.

1 TIMUTE 4:16

Ge metsehe a mede yak ana ki de a ika vatwa Mbulum a. Dite ki ge metsehe agəra dukw ana ki ɗif a dər a mburma ya asa mbaŋa. Ka zazam gà dukw ata kəla pat. Na kàa tiker gər kamala taŋa ya ka, ki ta mbil a à ba yak, dite ki mbil a à gà mburma ana ta gəs bazlam yak a asa mbaŋa.

2 Yuhana 1:11

Aɗaba na wura a ge a wusa a medzibe gà mburma ata ka, ta gew a ba nda wele ata a təv bakal ŋgar ana a gewa ya mbaŋa.

Yuda 1:22

Gà mburma ana tàa gəs Mbulum kalkal tsa, madzala gà gər tar wàkit wàkit a ka, ti ndze a kurum a are tsehe mbaŋa.

Sunwa Yuhana 3:18

Aɗaba taŋa kinehe ka, iye ihər i tsik a kurum a dukw ana ki gwim a ya: Ama ka, dumara, ka sakamum gura ana tàa làmbaɗa nda akwa tsəzlzla lele i təv ga ya, dite ka, ki nwim a gà Əbay nda ndzer ŋa kuɗa ya. Dumara, sakamum gà petek ana herrè ya mbaŋa, kà dzàyum akaba, na dite ka, ki ndzwim a kataya sagurɗumɗum, hwarwa a ge a kurum a asa tsiye. Sakamum yàwuf are, dite ka geywim a gà are kurum asa mbaŋa, na dite ki ŋgetwim a a vatwa lele asa ya.

Sunwa Yuhana 3:4

Ama gà mìsle ŋgiɗ a riŋ ika magər kurum i Sardis ka, tàa ge aruwaŋ aà gà petek tar tsidze. Tar ka, ti diŋ a gər lele. Ti ti dzèye akaba a ka, gà petek ana herrè ŋa ya. Dite mər nda gà iye ka, mìi ti sìweye akaba a i təv ilik ŋa.