Yuda 1:21 - Bible Zulgo

²¹ Ndzum i təv mawàyà ba ŋgar ana a waya kurum a, aka miɗ aka miɗ. Vavum pat ana Yesuw Kiristi BATSAH kwa ŋa a ti ɗif a kwe a à dukw mendze are tsehe kwa ana kà ndzekwar a, dite a vile a kwe a mesife ana à ndìv a tsa aà biybiy a.

Yuda 1:21 ပူးပေါင်းရင်းမြစ်များ

Yuhana 1:17

Mbulum aka vəl a kwa məpala ahəm nda ahər Musa. Ama a ge a kwa ŋgwal ŋgar, a ɗif a kwa à ndzer ŋgar ka, nda ahər Yesuw Kiristi.

Yuhana 14:21

Wur ana aka gəs məpala ahəm gà, a dzar gurmits a bəɗ a ka, ŋgat na a waya iye ndzer a. Ama wele ana a waya iye ya ka, Tsir gà tekeɗe, a weye a ŋgat mbaŋa. Dite iye ibam, i weye a ŋgat asa mbaŋa. I ta pèter a à ndzəɗa gà.»

Gà Ɓəzla Meslire 11:23

Aləka a ndzeha a fata, a ŋgat a Mbulum a pise ahəm a gà mburma ata ya ka, a ŋgaya ba hinne, a mà taraha à arəv tserdze, aà megìse tar ana ta gəs BATSAH kwa ŋa ya, ma da aka miɗ aka miɗ nda gəzləŋ ilik, ta miyak dər tsa.

RUMA 5:21

Kamala taŋa ya, ŋgwal ana Mbulum a ge a mburma ya ka, a kwere a tar tserdze, na dite ka, ti ne a gà ŋgwal ŋa ika miɗ ŋgar a. Ar ka, kamala bakal ana akahər ata a ge Əbay aka mburma, dite a bets a tar a mbaŋa. Aɗaba Mbulum a vəl a kwa ŋgwal ŋgar ata ka, na dite ki ŋgetekewe a dər mesife ana à ndìv a tsa aà biybiy a. A vəl a kwa ka, nda ahər Yesuw Kiristi BATSAH kwa ŋa.

RUMA 5:5

Na ki dzelekwe aaka a gà gər kamala taŋa ŋa ya ka, biy taf masakəŋa tsa. Mbulum à mbìɗ a kwe a dəba tsa dukw ŋgar. Aɗaba a ɗif a kwa ka, à meweye ŋgar ana a waya kwa hinne ya. A ɗif a kwa dər kataya ka, nda ahər Mezite Mesife ŋgar ana a vəl a kwa ya.

RUMA 6:23

Aɗaba na wura aka ge bakal ka, à mìt a dər. Məməta ŋgar ata a ne ka, kamala dukw mayaba ŋgar a. Ama Mbulum, ŋgat a vilekwe a ka, mesife ana à ndìv a tsa aà biybiy a, biy taf masakəŋa. Kə̀ ŋgatakwa ka, aɗaba ana kwa mandza ŋa i təv ilik ŋa nda gà Yesuw Kiristi BATSAH kwa ŋa ya.

RUMA 8:39

Ku mege gà dukw ana i gər ŋa i Mbulum gà ndzəɗa ŋa ya, nda dukw ana ɗa i bəɗ a tekeɗe, ti sle a aà mege duwa tsa mbaŋa asa. Kamala taŋa ya, duwa a riŋ ilik ika magər gà dukw ana Mbulum a geye tar tserdze ya, na a ses a ikaba kwa nda meweye ŋgar ana a weye a kwa ya tsidze. Kà sərakwa meweye ŋgar ata ka, aɗaba Yesuw Kiristi BATSAH kwa ŋa.

2 TESALUNIKE 3:5

Mìi heme a a BATSAH kwa ŋa, dite ma ɗif a kurum à vatwa, aà metsereke meme na Mbulum a waya kwa lele ya, dite nda mesimeha a mesewere are kamala Yesuw Kiristi ana a simereha mbaŋa ya.

1 TIMUTE 1:2

I wetseha wakita aaha ka, a kər Timute ana kà ne kəla gà ndzer a, aɗaba kàa gəs Yesuw nda gəzləŋ yak ilik. Gà Mbulum Tsir kwa nda Yesuw Kiristi BATSAH kwa ŋa ta gik ŋgwal, ka ndza a tar are tsehe, dite ta vəlak matasla yam a gəzləŋ zayya lele.

2 TIMUTE 1:16

I heme a a BATSAH kwa ŋa, na dite gà mburma ana i ga i bəra Winesifarus a, ti ndzer a are tsehe ya. Aɗaba ku mege iye riŋ i daŋgay tekeɗe ka, wele ata a ge a hwarwa a mburma, aɗaba iye tsa. A mèwiŋaha à arəv ka, hinne.

2 TIMUTE 1:18

Ama kər nda gər yak ka, kà sər dər lele mbaŋa, meme na akahər ata a giŋ ŋgwal ŋa hinne i kwite Efesiya ya. BATSAH kwa ŋa mà zlak ŋgat, na dite a ndze are tsehe a Mbulum a pat seriye ŋgar a.

2 TIMUTE 1:2

I wetseha ka, a kər Timute ana kà ne kəla gà, i waya kər nda ndzer a. Gà Mbulum Tsir kwa nda Yesuw Kiristi BATSAH kwa ŋa ta gik ŋgwal, ka ndza a tar are tsehe, dite ta vəlak matasla yam a gəzləŋ zayya lele.

2 TIMUTE 4:8

Kinehe ka, dukw mayaba gà a riŋ a veve a iye i təv Mbulum. A viliŋ a ka, aɗaba ana i ne ŋgwal ŋa ika miɗ ŋgar a. Kamala taŋa ya, a pat ana Yesuw Kiristi BATSAH kwa ŋa, wele ana ŋgat mala masàsà ikaba seriye ya nda ndzer a, aka dara ka, à piliŋ a dukw mayaba gà fit. Ama ka, a iye ɗekɗek tsa. Gà na ta veve a ŋgat, à kiv a ter a hinne, ta waya ma dara a təv tar a tekeɗe, ta ŋget a dukw mayaba tar mbaŋa.

IBƏRANIKWA 9:28

Kamala taŋa ya, Yesuw Kiristi tekeɗe, à mət ka, sik ilik pəra mbaŋa. A vəl ba ŋgar a Mbulum ka, na dite a beye a dər à gà mburma hinne i bakal tar a ya. I dəba ŋa ya ka, à mère a masula ŋa asa. A mère a ka, aà məpəla à tar i bakal tar a asa tsa. Ama ka, aà məmbə̀là à gà mburma ŋgar ana tar ihər ta bebe a ŋgat a.

2 Piyer 3:12

Vavum pat ana Mbulum à mère a ya, kəla pat. Gwim mege megemir ŋgar tserdze lele, na dite à mère a bise ya. A pat ata ka, gəza mbulum a wene a sirikw sirikw, fit a nisiŋa. Dite mawusawus ana gà madzàvà ŋa aà gəza mbulum a ka, wàfùfùfùffa ta wilezliŋa, a tèkwe a, duwa ilik a zehe a tsidze.

1 Yuhana 4:16

Mər ka, mì sər na Mbulum a waya kwa ya. Mì gəs taŋa ka, nda gəzləŋ mər lele mbaŋa. Mbulum ŋgat ka, mala mawàyà mburma. Wur ana a waya Mbulum, dite a waya mburma asa ya ka, ti ndze a i təv ilik ŋa nda Mbulum. Mbulum tekeɗe, a ndze a i təv ilik ŋa nda ŋgat mbaŋa.

1 Yuhana 5:18

Kà sərakwa dər, gà na ti ne gà ɓəza Mbulum a ka, ku mege weke, a gewe a bakal asa tsa, aɗaba Kəla Mbulum a riŋ a kesle a ŋgat. Kamala taŋa ya, Əbay sitene a sle aà melime aà ŋget a asa tsa.

1 Yuhana 5:21

A kurum gà ɓəza gà, kaslum ba kurum i təv gà fəla ana mburma tì zlìbeye a dər taf masakəŋa ya.

Yuda 1:1

Iye Yuda, mala megemir Yesuw Kiristi, dite iye damər Zakup mbaŋa. I wetseha wakita aaha ka, a kurum gà mburma ana Mbulum Tsir kwa a waya ya. A pala kurum kamala gà mburma ŋgar a, dite a riŋ a kesle a kurum nda təv Yesuw Kiristi ya.

Yuda 1:22

Gà mburma ana tàa gəs Mbulum kalkal tsa, madzala gà gər tar wàkit wàkit a ka, ti ndze a kurum a are tsehe mbaŋa.

Yuda 1:24

Gekwa kəkaaha a Mbulum, aɗaba ana ŋgat a sle aà makàslà kurum a, na dite ka, ki dzeywim a ika vatwa ŋgar a asa tsiye. Ŋgat a bere a aà kurum bakal kurum a tserdze tsəɗaŋŋa lele. Dite ki dwim a, ki ta hitswim a aka miɗ ŋgar i təv mezlibe ŋgar ana gà mburma tì zlibe a à ŋgat a ya. Ki ŋgeywim a ba hinne.

Sunwa Yuhana 12:11

Ama gà damər kwa ata ka, tàa mba aà ŋgat. Ta mba ahər ka, aɗaba Kəla Təmaŋ ana a mburuɗ tar nda məmbəz ŋgar a. Ta mba ahər asa ka, aɗaba ana ti tsikewa bazlam Mbulum a mburma ya. Kamala taŋa ya, ta vəl gà mesife tar a ahər ka, a Mbulum. Ku mege ta mete a tekeɗe ka, ti dzele a tsa.